NEHEMIAH 11:17 - Cho Bible Common Language 2016

¹⁷ Mattaniah, Zabdi ah tu Mika ah hta, Asaph ah hta ng’shon. Ani naw Taigüim choir m’cu ne, taigü m’hlüngtai nak ung tängpang ci. Bakbukiah, ani cu Mathaniah thawi ne bii bik ci. Abda, Kalala ah tu Shammua ah tu, Jeduthun ah hta ng’shon.

NEHEMIAH 11:17 Referans Kwoze

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

NEHEMIAH 12:31

Kei naw Judah ami ng’vai gui cu mang gawpang khan ah ng’bum sak gui neta, mang gaw veing ne Khanpughi m’hlüngtai khai gui ah akdäm ciah hnih ah k’pai sak gui ne tängpang sak gui ci. Ak htük ah bum ät cu k’pat täng ah hteit ne, paang ah amwng ah khaan, ng’awt tha nak m’kawt täng ah hteit ci gui.

NEHEMIAH 12:25

Shin ah Taigüim ngäng ci gui cu Taigüim m’kawt pei khawh cham gim nak ung tängpang ne ngäng ci gui ah kyak ci: Mattaniah, Bakbukiah, Obadiah, Meshullam, Talmon, la Akkub.

1 SHONTÄP NAK 16:41

Cun ah ngami awn a täng ah om ci gui cu, Heman la Jeduthun la ahei gui ng’täi ciah am hni nak ah phäh ah ng’äi m’cu ne Bawipa m’hlüngtai khai ah ami ghü gui ah kyak ci.

1 SHONTÄP NAK 16:4

David naw Levit gui cu m’düih gui ne, Thukhän M’küm ah ma ah ng’äi m’cu ne, m’hlüngtai ne, Israel Khanpughi Bawipa khawihnah nak ung tängpang sak gui ci.

2 SAMUEL 9:12

Mephibosheth ung a hta ak hmaw Mika om ci. Ziba ah kyongchang avan cu Mephibosheth ah changshäm ah kya lawk ci gui.

NEHEMIAH 11:16

Shabbethai la Joyabad, mingthang Levit chang gui Taigüim ah akpung täng ah bi nak ung tängpang ci gui.

NEHEMIAH 11:18

Ami van 284 Levit gui cu theingcim mang gaw Jerusalem ung om ci gui. Akkub, Talmon, la ami mätyah gui ami van 172.

NEHEMIAH 12:24

Hashabiah, Sherebiah, Jeshua, Binnui, la Kadmiela gui ah m’shümthein nak awn Levit gui cu ang bum gui ah pyang gui ci gui. Khanpughi ah chang, ghangpughang David ah pek gui ah m’shümthein nak ah mäih ah hnü ät ung ng’bum goi ci naw ang bunglan ah Khanpughi m’hlüngtai ne yeikyai nak ci gui.

NEHEMIAH 12:46

Cau tün ne Ghangpughang David la ng’äi awm ciah Asaph ah akhin ung Khanpughi m’hlüngtai nak man cu m’tamkhah nak ah ng’äi cu ng’äi awm ci gui naw tängpang ci gui.