NEHEMIAH 11:1 - Cho Bible Common Language 2016

¹ Angvai gui cu Jerusalem ung om tuk ci gui, k’pawih ba ciah chang gui cu im tung gha ung ka tung ät ci, theingcim mang gaw Jerusalem ung om tuk khai ah m’shüih tawk ci gui, apawih ba gui cu a hei mang gaw gui la gawnu gui ung om tuk ci gui.

NEHEMIAH 11:1 Referans Kwoze

ISAIAH 48:2

Nangmi naw nami mät cu theing cim ciah mang gaw chang gui ah nami pyen ci, m’gäi ciah Bawipa ming nak ciah Israel khanpughi nami ngaih u ciah pyen ne nami khäh ghah ci.

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

NEHEMIAH 11:18

Ami van 284 Levit gui cu theingcim mang gaw Jerusalem ung om ci gui. Akkub, Talmon, la ami mätyah gui ami van 172.

NEHEMIAH 10:34

Bawipa mi Khanpughi am thukhän naw a thäh ah khawihnah douthak cu m’khih nak vai ah sing cu, a u ni pahta naw pe lawk khai ci cu, hmat vai ah keimi, chang gui, taigü gui la Levit gui naw a kum tä sei m’shüih kami tawk khai.

MATTHE 4:5

Cun kawn ah khoshe naw Bawipa Jesuh cu Jerusalem, theingcim pi ciah gawnu ung, ak hlüng pibäih pum im khan ah hteh püi netah;

LAMKTU 1:24

Cun kawn ah ngah mi cu, “Bawipa, nang naw chang ah m’lung kyawng avan na hmat ci, Judas cu amät ah ng’yak hlü ah ang’düihpüi ung ka hteit pyi ci.

MATTHE 27:53

Bawipa Jesuh sih nak ungka a thawh ba kawn ah cun ah chang gui cu, ng’cim hmun ungka lut law u ne, theingthap ciah mang gaw ung lut tu u sei, chang akda naw hmuk ci gui.

NG'THU K'THUUK~ 16:33

Chang gui naw Khanpughi ah ng’yak hlü hmat vai ah m’nüm shüm shüm ci gui, cun ung phi a khanpughi amät naw am shan nak m’dang ci.

SAM 122:5

Shin ung Israel ghangpughang gui cu ngo u ne, ami chang gui cu m’khoi cha ci gui.

1 SHONTÄP NAK 26:13

Ami kyongkhui phäh phäh naw ken la da kä pyen ah ami bi nak vai ah m’kawt cu m’shüih tawk ci gui.

JOSHUA 18:10

Joshua naw ngami ah hmawk ah Bawipa ng’shi nak ah m’shüih tawk ci, cun kawn ah pawih ba ciah Israel pakhui päng am khaw avang ci pe gui ci.

LAMKTU 1:26

Cun kawn ah ngah mi ah hmawk ah htung tän neh ng’yuk u ne tah, Matthias cu ghü u neh ang’düihpüi gha-lei-ät awn a täng ah bi tuk khai ah m’düih ci gui.

1 SHONTÄP NAK 9:3

Judah, Benjamin, Ephraim, la Manasseh pakhui ung chang gui cu Jerusalem ah om khai gui ah hteit ci gui.

1 SHONTÄP NAK 8:28

Shin gui cu ami kyong chang angvai hta ci gui ah ami pupa gui ah kya u ne ami htangshon tung gui cu Jerusalem ung om ci gui.

1 SHONTÄP NAK 9:1

Israel chang gui avan cu ami mät ah kyongkhui aläk ah khei gui ah kyak ci. Shin ah a mawng gui cu Israel ghangpughang gui ah mawng ca-uk ung guk ah kyak ci. Judah chang gui cu ami katnak ami m’kyuk nak ah Babilon ah ami k’täm gui ah kyak ci.

1 SHONTÄP NAK 9:2

Ak htük bäih ah ami mang gaw gui ung gawk law ba ci gui ung Israel chang gui, taigü gui, Levit gui, la Taigüim ung bii bik ci gui ah kyak ci.

NEHEMIAH 4:22

Cun sang ung bik bi angvai gui cu kei naw ka pyen nak ci, ngami la ngami bawm gui cicu mü ah Jerusalem ung ami om vai, cun ung mikmi naw mü ah mang gaw cu ngäng ne, hnüüp ah bii mi bi hning ci.

SAM 122:6

Jerusalem ah dimdeeih nak vai ah taigü vä: Nang ning m’hni ci gui cu bämang u sä.