NEHEMIAH 10:36 - Cho Bible Common Language 2016

³⁶ Keimi achang sing naw kami hta htük cu Taigüim ah taigü ah kami hteh püi khai, thukhän naw akthäh ah mäih ah Khanpughi am kami ap khai. Kami seipat gui ah a hta htük gui, kami htome gui la me gui ah a hta htük gui phi kami ap khai.

NEHEMIAH 10:36 Referans Kwoze

PHYAWN NAK 13:2

“Hta htük avan cu kei am nami na ap vai, Israel chang gui ah ami hta htük pami avan la seime gui ah hta htük avan cu kei ah kaa ah kyak ci” cine m’thein ci.

KALATIAN 6:6

Khritha thuni ng’theithang tuk ciah chang naw, m’thei tuk ci-am ngui ghui khawh chaam cu a peit taak vai nei.

THULÄÄN NAK 12:6

Acu ah nangmi naw nami khawihnah nak nami douthak vai kyak ci. Cun gui cu m’khih nak, a hei khawihnah nak gui, ami bumgha bum ät la douthak gui, Bawipa ung nami shaitak ah m’cümhnah gui, nami päingye douthak nak la nami sei la htome gui ah hta htük gui ah kyak ci.

PHYAWN NAK 34:19

“Hta htük pami la vuh chah ah hta htük phung cu kei ah ka ah kyak ci.

PHYAWN NAK 23:19

“A kum tä sei nami khäm htük ah htang cu, Bawipa nami Khanpughi ah im ah nami law püi vai. “Htome hta, me hta cu anu ah suuk tui awn kä nami shon en vai.

2 SHONTÄP NAK 31:5

Cun ah thukbäi ami pe gui vai am Israel chang gui naw akni pi ami htang, sapyit tui, oliv situi, khoitui, la ami lolai ung ami geit gui cu m’cümhnah nak ah law püi ci gui, ami taak nü unka bum gha bum ät phi law püi ci gui.

NEHEMIAH 12:44

Cun ah khin ung pami gui cu, Taigüim ung ami pek tak gui ami tha nak ah khei, ngäng khai gui ah ami tha gui ah kyak ci. Cun ah khei ung bum gha bum ät, akum tä sei ami khäm law htük ah pümhtang, a theih akum tä sei ami khäm avan cu ami tha ah kyak ci. Cun ah chang gui naw ami bi vai cu, thukhän naw akthäh ah, mang gaw gui ah pei ung, ami lo gui ung ka, taigü gui la Levit gui ah phäh ah ami loh gui vai ah kyak ci. Judah chang gui ami van naw taigü gui la Levit gui cu yei na gui ci gui,

NEHEMIAH 13:5

Ani naw akhan akdäm tumat Tobiah am khah tuk ci, cun cu ami douthak law ah pümhta, la tui ng’ui gui, Taigüim ung htungmang gui; taigü gui ah phäh ah douthak ak gui, Levit gui, Taigüim ung ng’äi awm ci gui, Taigüim ngäng ci gui ah phäh ah pümhta ni, sapyit tui ni, oliv-situi ni ah bum gha bum ät gui ami tha nak ah kyak ci.

MALAKHI 3:10

Bum gha bum ät cu akbe ah Taigüim ah nami law püi vai. Cun ung ei awk vai cu nami khaw ung da khai nei. Cun ah bi u ne kei cu nami na m’nüm vai, Kei naw khankho m’kawt hmawng ne akni akbä avan ka ning yuk lawn gui cu nami hmuk khai nei.