NEHEMIAH 10:34 - Cho Bible Common Language 2016

³⁴ Bawipa mi Khanpughi am thukhän naw a thäh ah khawihnah douthak cu m’khih nak vai ah sing cu, a u ni pahta naw pe lawk khai ci cu, hmat vai ah keimi, chang gui, taigü gui la Levit gui naw a kum tä sei m’shüih kami tawk khai.

NEHEMIAH 10:34 Referans Kwoze

NEHEMIAH 13:31

M’khih ne douthak nak vai ah sing gui, kä akhin ung ami law püi nak vai ala chang gui naw hmin htük ciah pümhta la am theih üp ma ci gui ami douthak vai ah ami law püi vai ah kei naw ka pyan pe gui ci. O Khanpughi, shin gui avan shüm ne, kei ah khan ah ng’lawn nak na yuk pe ä.

ISAIAH 40:16

Lebanun khawbung ung om ciah khisa avan cu mi khanpughi khawihnah nak vai ah kä ng’büh khai nei, a cun ung sing ghing gui phi mei cih nak vai ah kä ng’büh khai nei.

NG'THU K'THUUK~ 18:18

Huham mah ciah chang goi yung ah ani ng’küknet law ah a kyak ung, taga khai ah cun ah mawng cu ng’pyi sak vai.

NEHEMIAH 11:1

Angvai gui cu Jerusalem ung om tuk ci gui, k’pawih ba ciah chang gui cu im tung gha ung ka tung ät ci, theingcim mang gaw Jerusalem ung om tuk khai ah m’shüih tawk ci gui, apawih ba gui cu a hei mang gaw gui la gawnu gui ung om tuk ci gui.

1 SHONTÄP NAK 24:7

Ami bilawh vai angtän ah ami bäi gui ah kyong khui m’ku lei phli cu: (1) Jehoiarib; (2) Jedaiah; (3) Harim; (4) Seorim; (5) Malehijah; (6) Mijamin; (7) Hakkoz; (8) Abijah; (9) Jeshua; (10) Shekaniah; (11) Eliashib; (12) Jakim; (13) Huppah; (14) Jeshebeab; (15) Bilkah; (16) Immer; (17) Hezir; (18) Happizzez; (19) Pethahiah; (20) Jehezkela; (21) Jachin; (22) Kamula; (23) Delaiah; (24) Maaziah.

1 SHONTÄP NAK 24:5

Cun ungka naw Eleazar la Ithamar ah htangshon goi ung Taigüim ung bawi gui la mümcha täng ung angvai gui cu da u sei bilawh vai cu m’shüih awk ne bik ci gui.

JOSHUA 9:27

Acun ung ani naw khleihtein ah phi tha gui ci, ngami naw Israel chang gui ah phäh la Bawipa ah sonkyang ah phäh ah sing shui ci gui, tui than ci gui. Tuhngawi ung phi Bawipa naw khawihnah nak vai ah a ghü nak ah hmun ung ngami naw a shin ah bi cu ci lä ci gui.

LAMKTU 1:26

Cun kawn ah ngah mi ah hmawk ah htung tän neh ng’yuk u ne tah, Matthias cu ghü u neh ang’düihpüi gha-lei-ät awn a täng ah bi tuk khai ah m’düih ci gui.

TAIGÜTHUM 24:5

M’htut den khap gha lei goi cu la neta, m’htut pum gha lei goi ah ng’shai vai.

TAIGÜTHUM 24:6

M’htut gui cu la ne m’thoot goi ah m’thoot vai, m’thoot ät ung chuk ciah Bawipa ah om nak ung om ciah ghui bäng awn vook ah tawnglang ah khan ah tha vai.

KHEI NAK 28:2

Khanpughi naw a yeikyai nak vai ah ak thäh ah ei-douthak cu k’bäi nak ah a khin ung, Khanpughi am ami pek vai ah Israel gui am shümthein gui vai ah kyak ci.

2 SHONTÄP NAK 2:3

Solomon naw Tire ghangpughang Hiram am ng’thu m’khäh ci; “Kapa, ghangpughang David am nang naw im a cawh nak vai ah cedar sing gui na yoih nak ah mäih ah kei phi na sumlei püi ä.

EZRA 3:5

K’be nak ah ami khawihnah man ah apum lüng m’khih ne douthak nak, cha lum thai pawi douthak nak, Bawipa khawihnah ung ahei ng’bum nak man gui avan la mät ah ngaih ah Bawipa am pek man ah douthak nak avan cu bik ci gui.