NEHEMIAH 10:30 - Cho Bible Common Language 2016

³⁰ Kami khaw ung om tuk ciah khuihei chang gui awn kä kami ng’chungla khai.

NEHEMIAH 10:30 Referans Kwoze

THULÄÄN NAK 7:3

Ngami awn kä nami ng’chungla en vai, nami htanau gui phi ngami awn kä ami ng’chungla en vai.

PHYAWN NAK 34:16

Nami hta gui phi a cun ah akhohei chang hnumi gui awn ng’chungla khai gui, ngami naw kei ung kä bekhüt nak vai ah lam m’shüm gui ne, ami khoshe khanpughi gui cu khawihnah sak gui khai gui.

NEHEMIAH 13:23

A cun ah khin ung Jew chang gui akda naw Ashdod, Ammon, la Moab ung hnumi gui cu chu na u sei ka hmuk ci nei.

NEHEMIAH 13:25

Kei naw chang gui cu khü gui ne, plah tam gui ne, that gui ne, ami lu k’thut gui ne ka ci gui ci. Cun kawn ah ngami la ami hta nau gui cu api ah phi a khaw hei chang gui awn kä ami ng’chungla ba vai ah, Khanpughi ah angming awn ka ng’phyun sak gui ci.

NEHEMIAH 13:30

Kei naw chang gui cu akhawhei chang ah mawng ung ka phung ka theingthap sak gui ci; kei naw taigü gui la Levit gui naw ami läk vai ah thu cu ka pyan pe gui ci, cun ah kyasei ak chang nü naw a bi vai hmat ci.

THULÄÄN NAK 29:11

hnumi gui la hmaw hta gui, nami ng’lung ah om tuk ciah khaw hei chang gui, nangmi ah phäh ah sing lak ci gui, tui than ci gui,

2 GHANGPUGHANG GUI 23:3

Ani cu mang ah k’tung pei ah ng’düi neta, ani läk khai pyen ne Bawipa ung thukhän bik ci, ang thukhän gui k’pang ne, amlung ngaih gui avan awn ang thumkhän gui yum ne, ca uk ung ami guk ah thukhän gui cu akcang ah ka bik khai ci sei, chang gui ami van naw thumkhäm cu k’pan vai ah shaitak ci gui.

2 GHANGPUGHANG GUI 23:25

Moses ah thukhän avan läk ne, amlung kyong avan, a ghin nak avan, aktha gui avan awn Bawipa ah bii bi ciah ghangpughang cu a cau phi kä om man ci, a ngawi phi kä om khai.

2 SHONTÄP NAK 34:31

Ani cu mang lungtung ah pei ah ng’düi neta, Bawipa ung thukhän abi cu; kei naw na thu ka ngai khai, na thukhän gui la thumkhän gui cu ka m’lung kyong ka m’lung ngaih avan awn ka k’pang khai, ca-uk ung guk ah mäih ah thukhän ung kei naw ak thäh cu aktung ah ka bilo khai.

NEHEMIAH 5:12

Ami ng’vai gui naw m’shang u ne, “Na pyen ah mäih ah kami bik khai nei. Keimi naw ami khawh gui kami pe ba gui khai, ami pu phi kä kami shang ba gui khai” cik ci gui. Kei naw taigü gui cu khü gui neta, ami ma ah angvai gui naw ami pyen ah shaitak cu ami k’pan vai ah ka ng’taam sak gui ci.

NEHEMIAH 10:1

Ak htük bäi ung m’hnüt nak guk cicu uktubawi, Hakaliah ah hta Nehemiah, cun kawn ah Zedekiah naw guk ci. Cun kawn ah shin gui naw phi guk ci gui: Seraiah, Azariah, Jeremiah, Pashhur, Amariah, Malchijah, Hattush, Shebaniah, Malluch, Harim, Meremoth, Obadiah, Daniel, Kinnethon, Baruch, Meshullam, Abijah, Mijamin, Maaziah, Bilkai, and Shemaiah, Azariah ah hta Jeshua, Henadad pahta Binnui, Kadmiel, Shebaniah, Hodiah, Kelita, Pelaiah, Hanan, Mika, Rehob, Hashabiah, Zakkur, Sherebiah, Shebaniah, Hodiah, Bani, la Beninu. Parosh, Pahath, Moab, Elam, Zattu, Bani, Bunni, Azkad, Bebai, Adonijah, Bikvai, Adin, Ater, Hezekiah, Azzur, Hodiah, Hashum, Bezai, Hariph, Anathoth, Nebai, Makpiash, Meshullam, Hezir, Meshezabela, Zadok, Jaddua, Pelatiah, Hanan, Anaiah, Hoshea, Hananiah, Hasshub, Hallohesh, Pilha, Shobek, Rehum, Hashabnah, Maaseiah, Ahiah, Hanan, Anan, Malluch, Harim and Baanah.

SAM 119:106

Kei naw tuhbäi na m’shümthei läk vai ah akcang ah ka shaitak cu ka k’pang khai nei.