NEHEMIAH 10:29 - Cho Bible Common Language 2016

²⁹ kami ng’vai gui awn ng’dawn u ne kami ng’khän ci, cun ah ka ung plah tam nak kami bik ci, cun cu kami m’shet ung ka vai ah Khanpughi naw a changshäm Moses ung a pek ah Khanpughi ah thukhän ah mäih ah kami om khai; Bawipa, kami bawipa ah ang thumkhän avan cu kami läk khai; cun kawn ah ang thukhän avan la a k’thähchah nak gui cu keimi naw kami läk khai.

NEHEMIAH 10:29 Referans Kwoze

EZEKIEL 36:27

Kei naw ka mümcha cu nangmi ung ka tha khai, kei naw ka ning pek gui ah thumkhän avan cu k’paang ne, thukhän gui cu nami läk ah kei naw ka ning teng gui khai.

SAM 119:106

Kei naw tuhbäi na m’shümthei läk vai ah akcang ah ka shaitak cu ka k’pang khai nei.

JOHAN 15:14

Nangmi cu kei ah thukhän nami läk ung kei ah teihpüi ah nami kiak ci.

ROMAN 12:9

M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.

2 SHONTÄP NAK 34:31

Ani cu mang lungtung ah pei ah ng’düi neta, Bawipa ung thukhän abi cu; kei naw na thu ka ngai khai, na thukhän gui la thumkhän gui cu ka m’lung kyong ka m’lung ngaih avan awn ka k’pang khai, ca-uk ung guk ah mäih ah thukhän ung kei naw ak thäh cu aktung ah ka bilo khai.

2 GHANGPUGHANG GUI 23:3

Ani cu mang ah k’tung pei ah ng’düi neta, ani läk khai pyen ne Bawipa ung thukhän bik ci, ang thukhän gui k’pang ne, amlung ngaih gui avan awn ang thumkhän gui yum ne, ca uk ung ami guk ah thukhän gui cu akcang ah ka bik khai ci sei, chang gui ami van naw thumkhäm cu k’pan vai ah shaitak ci gui.

LAMKTU 23:21

Ngami ah k’thäh law cu kä na yum men vai nei. Lam ah chang sing phli-kip naw ng’thup ne mah ci gui nei. Ngami cu Paul kä ngawn pha ah chuih a i kä ei auk ba vai, cine thukhän ci gui nei. A tuk bäi ge ngami cu Paul ngawn vai ah pawng u neh nang bawi ah thu m’cha cu ging ci gui nei” cine pyein ci.

LAMKTU 17:34

Chang amshah gui cu Paul awn ng’khawt u netah yum law tuk ci gui. Cun gui cu Areopakas ah yung ungka Dionicius la Damaris ming nak ciah hnumi tumat la chang hei amshah gui ah kya ci.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

JOHAN 7:19

Moses naw thukhän ning pe gui ciah kä kya ne ang? Nangmi tumat naw phi thukhän kä nami läk ci. A i ah kyasei kei nami na ngawn khai ah nami pawng püi ang?” cine kyak na gui ci.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

MALAKHI 4:4

“Ka changshäm Moses ah m’theithang cu nami shüm ba vai, cun cu Israel chang avan naw a läk vai ah Kei naw Sinai M’htung ah khan ah ka pek ah thukhän la thumkhän gui ah kyak ci.

JEREMIAH 26:4

Bawipa naw chang gui ka pyen nak vai ah na m’thein ci, “Kei, Bawipa naw ka pyen cu, kei naw ka ning pek gui ah m’thei thang nak cu läk u ne, kei cu nami na ngaih vai,

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

SAM 105:45

Cun ah kyasei a chang gui naw ang thumkhän cu ngai u ne, ang thumkhän avan cu ami läk vai ah kyak ci. Haleluyah. Bawipa cu m’taam vä.

SAM 8:9

O Bawipa, kami Bawipa, Na dämduh nak cu khomdek khan avan ung dang ci nei!

SAM 8:1

O Bawipa, kami Bawi, Na bäimang nak cu m’dek khan avan ung dang ci! Chang gui ah ning m’hlüngtai nak naw khomik avan küm ci!

NEHEMIAH 13:25

Kei naw chang gui cu khü gui ne, plah tam gui ne, that gui ne, ami lu k’thut gui ne ka ci gui ci. Cun kawn ah ngami la ami hta nau gui cu api ah phi a khaw hei chang gui awn kä ami ng’chungla ba vai ah, Khanpughi ah angming awn ka ng’phyun sak gui ci.

2 SHONTÄP NAK 6:16

Tuhbäi, Bawipa Israel Khanpughi, kapa ung a hei shaitak na’bi phi na k’pang khai nei, nang naw na pyen nak cu, ani ah mäih ah na thukhän geing na ne ami läk ah khoi ung, ani ah htangshon tumat mat naw Israel ghangpughang ah kya ne uk khai.

2 GHANGPUGHANG GUI 10:31

Cun ung phi Israel Khanpughi, Bawipa ah thukhän cu Jehu naw am lung kyong avan awn kä läk ci; cun ung phi ani naw Israel gui katnak ung hteh püi ciah Jeroboam cu läk ci.

THULÄÄN NAK 33:4

Moses naw ana pek gui ah thumkhän cu mikmi naw mi läk ci. Cun cu mikmi ah pakhui naw aktung pikbäih mi kawh chan ah kyak ci.

THULÄÄN NAK 5:32

“Israel chang gui, Bawipa nami Khanpughi ah thumkhän nü nami bi vai ah ng’hteicha vä. Ang thumkhän a pihta phi kä läk ne kä nami om vai.

THULÄÄN NAK 5:1

Moses naw Israel chang gui a täng ah khü gui neta a pyen nak gui cu, “Israel chang gui, tuhngawi kei naw ka ning pek gui ah thumkhän avan cu nami läk vai nei. Ng’theithang u ne nami läk ah mawng cu, ng’htei khai ah om vä.

KHEI NAK 5:21

Bawipa naw na chang gui ah ng’lung ah na ming cu plah tam sä.

NEHEMIAH 9:38

Shin ah a kyak gui avan ah phäh ah, keimi, Israel chang gui naw, bä ciah yumnak ca gu u ngä sei, kami ng’vai gui, kami Levit gui la kami taigü gui naw m’hnütnak awm cun cu m’hnüt ci gui.

JEREMIAH 34:15

Hnüüp api lung lawk ci ung nangmi nam nami m’lung m’thawng u ne kei ah yei nak vai cu nami bik ci. Nangmi nami van naw nami Israel paw gui m’hlawt gui vai ah nami yum ci, Taigüim kyong kei nami na khawihnak nak, keiah maung nangmi naw thukhän nami bik ci.

TAIGÜTHUM 20:26

Nangmi nami theingcim vai, kei bäng ung nami ng’khäm vai. A i ah kyasei ci ung kei cu Bawipa, kei cu ka theingcim ci. Kei naw chang khuihei gui ungka ka ning k’pai gui ci, cun ah kyasei nangmi cu kei bäng ung nami ng’khäm vai.

1 SHONTÄP NAK 9:2

Ak htük bäih ah ami mang gaw gui ung gawk law ba ci gui ung Israel chang gui, taigü gui, Levit gui, la Taigüim ung bii bik ci gui ah kyak ci.

NEHEMIAH 7:46

Omktu khaw ah law ba ci, Taigüim ung bii k’bi ah pahta gui: Ziha, Hasupha, Tabbaoth, Keros, Sia, Padon, Lebana, Hakaba, Shalmai, Hanan, Kiddela, Kahar, Reaiah, Rezin, Nekoda, Kazzam, Uzza, Paseah, Besai, Meunim, Nephushesim, Bakbuk, Hakupha, Harhur, Bazlith, Mehida, Harsha, Barkos, Sisera, Temah, Neziah, la Hatipha.

NEHEMIAH 8:2

Ezra naw cun cu la neta chang gui ami ng’bum nak ah hmun ah — pami, hnumi, a hmaw gui van hmat thei khai ah ng’vai ci phung;

NEHEMIAH 8:3

cun ah m’kawt ah pei a awng nak ung, khaw thaih ung tün ne khaw hnüüp güt chang gui ah ma ah cun ah thukhän cu phat sei, chang avan naw tügüh ne ngai ci gui.