NEHEMIAH 1:7 - Cho Bible Common Language 2016

⁷ Keimi naw nang ning hnungtuk püi ne hnüntho u ne, nang ah thumkhän phi kä kami bik ci nei. Na changshäm Moses ung na na pek gui ah thukhän gui phi kä kami k’pang ci nei.

NEHEMIAH 1:7 Referans Kwoze

DANIEL 9:11

Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.

DANIEL 9:13

Moses ah thukhän ung om ciah m’kyuk nak gui avan cu nang naw na na pe gui ci. Cun ung phi tuhbäi güt ung, O Bawipa kami Khanpughi, kami hma nak ungka ng’hlat law ba ne, na düng nak läk ne ning yei nak vai ah kä kami tha nak ci nei.

SAM 106:6

Keimi cu kami pupa gui ah mäih ah katnak kami bik ci; kami shekak ci, kami cheishoh ci.

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

MALAKHI 4:4

“Ka changshäm Moses ah m’theithang cu nami shüm ba vai, cun cu Israel chang avan naw a läk vai ah Kei naw Sinai M’htung ah khan ah ka pek ah thukhän la thumkhän gui ah kyak ci.

ZEPHANIAH 3:7

Kei ah ka ngaih u ka chang gui naw na kyih aa u ne, ka m’cäi dou u ne, ka m’theithang gui kä m’hnih phung khai gui. Cun ung phi tuhbäi ngami cu ami shet man ah she lä ci gui nei.

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

EZRA 7:6

Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.

2 SHONTÄP NAK 27:2

Ani naw apa ah bi ah mäih ah Bawipa naw am hni vai ah bik ci; cun ung phi apa ah mäih ah Taigüim kyong ah ang ui m’khih nak cu kä bik ci. Chang gui läi cu hma nak bi lä ci gui.

2 SHONTÄP NAK 25:4

Cun ung phi ami hta nau gui cu kä ngawn gui ci, Moses ah thukhän ung Bawipa naw Ami hta gui ah hmatkat omkshe ah phäh ah ami nupa gui sih nak kä pek gui vai, nupa gui ah cheishoh ah phäh htanau gui sih nak kä pek gui vai; chang tumat cu a mät ah cheishoh nak ah phäh ah va ngawn vai.

1 GHANGPUGHANG GUI 2:3

Bawipa na Khanpughi naw bi vai ah ak bäi cu na bi vai. Moses ah thukhän ung guk ah thukhän gui la Thumkhän gui avan cu na läk vai, cun ah kyasei na hteh nak päng ah na bi nak päng ung bämang nak om khai.

THULÄÄN NAK 6:1

Shin gui cu ka ning m’theithang gui vai ah Bawipa nami Khanpughi naw ana thumkhän ah thukhän avan ah kyak ci. Nangmi naw khäm ne nami luh law nak ah khaw ung nami läk vai ah kyak ci.

THULÄÄN NAK 5:1

Moses naw Israel chang gui a täng ah khü gui neta a pyen nak gui cu, “Israel chang gui, tuhngawi kei naw ka ning pek gui ah thumkhän avan cu nami läk vai nei. Ng’theithang u ne nami läk ah mawng cu, ng’htei khai ah om vä.

THULÄÄN NAK 4:5

“Bawipa ka Khanpughi naw ka bi vai ana m’thein ah mäih ah thukhän avan ka ning m’thein gui ci. Nangmi naw tu ne khäm ne nami om law nak vai ah khaw ung cun gui cu nami läk vai.

THULÄÄN NAK 4:1

Moses naw chang gui pyen na gui ci, “Kei naw ka ning m’thien gui ah thukhän avan nami läk vai. Cun ung nangmi ghing u ne, Bawipa nami pupa gui naw a ning pek gui ah khaw cu nami khäm khai.

TAIGÜTHUM 27:34

Shin cu Bawipa naw Moses am Sinai M’htung khan ah Israel chang gui ah hmawk ah a pek ah thumkhän gui ah kyak ci.

ISAIAH 1:4

Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

SAM 89:31

Kei ah ka m’shüm thein gui cu a i ah kä sui u ne, ka thumkhän cu kä ami khäm ah a kyak ung,

SAM 89:32

Kei naw ami katnak cu ka m’kyuk gui khai. Ami cheishoh ah hmawk ah ka geinvai sak gui khai.