NEHEMIAH 1:4 - Cho Bible Common Language 2016

⁴ Cun ng’ya neta kei cu ngo ne ka kyap ci. Kei cu khaw hnüüp akda ung thüisei ne, ei kä ka ei ci, Khanpughi ah ka taigü ci.

NEHEMIAH 1:4 Referans Kwoze

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

SAM 137:1

Babilon tuinu gui pei ah ngo u neta; Zion mang gaw cu shüm ba ne kami kyap ci.

EZRA 10:1

Ezra cu Taigüim ah ma ung kawp ne taigü ne, shin ah katnak gui ah phäh ah kyap ne ang coipa sangung Israel gui cu akdäm ah ng’bum u ne, pami gui, hnumi gui la a hmaw gui — naw ani cu k’bui u ne, aktung ah kyap ci gui.

NEHEMIAH 2:4

Uktubawi naw, “Cun ung nang naw a i ang na ng’yak hlü?” Kei naw khankhaw Khanpughi ah ma ah taigü neta,

ROMAN 12:15

Zeikiai ci gui nami yeikyai püi gui vai, thüikyap ci gui nami thüikyah püi gui vai.

ZEPHANIAH 3:18

Näng nak pawi ung chang gui ami yei ah mäih ah kyak khai.” Bawipa naw, “Khaw ang ziin nak ka ng’pyi sak ci, Nami thüisei nak ng’pyi pyi ci nei.

DANIEL 2:18

Ani naw, “Khankho Khanpughi naw ana m’thein gui vai ah mi taigü khai, cun ah thuuk ciah ng’mang cu k’phlan ne ana m’thein gui vai ah mi thäh khai. Cun ung Babilon ung m’cumcäi ciah bawi gui awn atäng ah kä na ngawn tu gui khai gui nei” cik ci.

EZRA 9:3

Cun cu ng’ya neta ka sui gui k’teek ne ayä ne, ka lu mu la ka m’khamu k’bawt ne thüi aih ne ka ngok ci.

JONAH 1:9

Jonah naw, “Kei cu Hebru chang nei, Khomdek la tuinu tüisho ciah Bawipa, Khankho Khanpughi cu ka khawihnah ci nei” cik ci.

2 SAMUEL 12:16

David cu ak hmaw a gai ba vai ah Khanpughi ah taigü ci. Ani cu ei api ah phi kä ei ci, amü päng akhan kyong ah hteit ba ne, amü pum k’cigem ung ng’yän ci.

SAM 136:26

Khankho khanpughi cu m’küi m’to vä; Ani ah m’hni nak cu ng’täi ci nei.

DANIEL 10:2

Cun yah ung kei cu hnüüp m’ku lei ät ka thüikyap ci.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

2 SHONTÄP NAK 6:13

(Solomon naw kyei chagä cu pyang neta kyong ah anglung ung tha ci. Cun cu a yun akdang dawng hma ci law ne m’khuukdong neta, chang nü naw a hmuh vai ah khankho ah a kut shäng ci.)

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

EZRA 9:5

Mühun täng khawihnah nak akhin gawk law khäta, thüi ne ka ngoh nak ungka tho law ne, sui teek sui ne, m’khukdong ne, taigü ne Bawipa kakhanpughi ah ka kut ka shäng ci.

NEHEMIAH 2:20

Kei naw m’shang gui ne, “Khankhaw Khanpughi naw näng nak na pe gui khai. Keimi cu ani ah na changshäm gui, keimi naw tuhbäi ung tün ne kami cokyang lawk khai. Cun ung Jerusalem ung nang ah chaw tu vai a i khawh phi kä om ci, na ng’pai tu vai ah thungyo phi kä om ci.”

SAM 102:15

Chang pakhui gui naw Bawipa cu kyih khai gui; m’dek khan ghangpughang gui naw a huham cu kyih khai gui nei.