NEHEMIAH 1:3 - Cho Bible Common Language 2016

³ Ghing ne k’pawih ba ne ng’dükhaw ah law ba ci gui cu ang htei ah khüikhaa u ne, ami pei ng’leng ah om ciah khuihei chang gui naw yawkshe na gui ci gui, cine na m’thein ci gui. Ngami naw ami na m’thein ba cu, Jerusalem mang pang gui cu tuhbäi shekha lä ci nei, m’kawt gui phi mei naw a uih kawn ah a u naw kä a pyan ba nei.

NEHEMIAH 1:3 Referans Kwoze

NEHEMIAH 2:17

Cun ung phi tuhbäi kei naw ka pyen nak gui cu, “Teng vä, Jerusalem cu ng’phye ne, m’kawt gui cu di sei, mikmi khüikha ne mi om ci nei! Mikmi naw mang gaw k’paang cu co ba ne, mi thui hmai nak cu mi ng’pyi sak khai nei.”

2 GHANGPUGHANG GUI 25:10

a gakap gui naw mang gaw k’paang cu phyek ci gui.

NEHEMIAH 7:6

Omktu gui akda naw Babilon khopäng cu nawng shüt ne, Jerusalem la Judah ung law ba ci gui, ami mang gaw phäh phäh ung law ba ci gui. Ghangpughang Nebukhadnezzar naw pha ne thawng kyum ah hteh pui gui yung tün ne ami kyong chang gui cu Babilonia ah omktu ah kya ne om tuk ci gui.

NEHEMIAH 2:13

Mang gaw ungka kami luh law yah ung khaw hmüp sang ci, akhei täng khaw ng’nawi m’kawt ungka naw, a htum täng k’phyunu tuilawng ungka naw ng’awt m’kawt ung kami hteit ci. Cun ah hteit neta ng’phyek ciah mang gaw k’paang gui, mei ah uih ah m’kawt gui cu kei naw ka teng ci.

NEHEMIAH 2:3

Ka m’shan cu, “Ka bawimang aw, khaw ng’län ung ghing ä! Kei naw ka hmai kä m’kyum ne a i hawkcha ka on hlawt khai aw? Ka pupa gui ah ng’phuh nak ah mang gaw cu she ne di ci, m’kawt gui phi mei naw ui ne m’di ci nei.

EZRA 5:8

“Nang bawi naw na hmat khai nei, Keimi cu Judah khopäng ah hteit u neta, dämduh ciah Khanpughi ah Taigüim cu lung nu gui awn co ne khaai u ne, akpaang ung sing lawng nu gui ami dawn cu kami hmuk ci nei. Ami bi cu ang htei ah geing na ne bi u ne, ang khän ah bik ci gui nei.

NG’ÄI KYAH 5:1

O Bawipa, na shüm gui ä, a i nei keimi ah khan ah agawk law. Na teng gui ne, kami thui ng’a nak na hmu gui ä.

NG’ÄI KYAH 3:61

“Ami na shedam nak cu nang naw na ng’yak ci nei, O, Bawipa, akshe ah ami nagaih tüh avan cu nang naw na hmat ci nei.

NG’ÄI KYAH 1:7

Tubäi dishum ne amät om neta, Jerusalem naw acau abämang nak man cu khü ba ci. Ani ga ah kut ung ang kiak sangung ani m’hteihtang tuk khai a u kä om ci. Ani näng ci gui naw ani cu gaih tu u ne kahta nak ci gui.

JEREMIAH 52:14

a gakap gui naw mang gaw k’paang cu phyek ci gui.

JEREMIAH 42:18

Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”

JEREMIAH 39:8

Cun sangung Babilonian gui naw bawi mang im la Chang gui ah im gui cu m’khih u ne, Jerusalem mang pang cu gäi ci gui.

JEREMIAH 29:18

Kei naw ng’tuk nak, ei cawi nak la gaw pyam nak cu ami khan ah ka gawk sak khai. Khomdek khim ung changpakhui aran naw cun cu hmu neta kyikyawk khai gui. Kei naw ka püipiang sak nak gui päing ah, ngami ah khan ah kya lawk ci gui ah phäh ah chang gui cat a ne kyi aih khai gui. Chang gui naw Shedam na gui u ne ami ming cu plah taam nak ung mang khai gui.

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

JEREMIAH 5:10

Ka chang gui ah sapyit ng’shun gui tupit khai ah ga gui ka tüi lawk khai nei, cun ung phi avan kä m’di gui vai nei. Ang ban gui tupit ne ami ghawh vai ah kei naw ka m’thein gui khai, a i ah kyasei ci ung cun ah ng’ban gui cu kei ah kaa ah kä kyak ci nei.

ISAIAH 43:28

Ning uk ci gui naw ka theingcim hmun lelawi sak ci gui. Cun ah kiasei Israel gui m’di nak gui vai ka law püi ci; kei naw ka chang gui ami päipih vai ah ka kyak sak gui ci.”

ISAIAH 5:5

Kei naw ka sapyit lo ah khan ah ka bi law vai cu shin ah kyak ci nei: a un veing ne ng’vong nak cu ka gäi khai, a cun shung nak ah k’pang cu ka phyek khai, khisa gui am ei sak ne, ka leh sak gui khai.

SAM 79:4

Pei ng’len ah changpakhui gui naw na shedam na ne, na gaih m’gin ne, na päipih gui ci gui nei.

ESTA 1:1

Persia khaw, Susa mang gaw, amang kyang ung om neta, Ghangpughang Ahasuerus naw khopäng 127, India ungka naw Sudan ung khüt khai ah avan uk ci.

NEHEMIAH 11:3

Ahei gawnu gui la mang gaw gui ung Israel chang gui, taigü gui, Levit gui, Taigüim ung bii bik ci gui, Solomon ah changshäm ah ang shon gui cu ami mät ah khawh awn, ami mät ah gawnu ung om ci gui. Shin cu Judah khopäng, Jerusalem ung om ciah ng’vai ciah ng’leimah gui tän gui ah kyak ci. Athaiah, Zekhariah ah tu Uzziah ah hta. Ahei ani ah a pupa gui cu Amariah, Shephatiah, la Mahalalela Judah ah hta Perez ah hta ng’shon gui.

EZRA 2:1

Omktu khaw ah chang akda naw Babilon khopäng cu nawng shüt ne, Jerusalem la Judah khaw ung law ba ci gui. Ami mang gaw phäh phäh ung hteit ba ci gui. Ami kyong chang gui cu ghanpughang Nebukhadnezzar naw pha ne a law püi gui ung tün ne Babilonia ung omktu ah kya ne om tuk ci gui.

1 GHANGPUGHANG GUI 9:7

Kei naw ka chang Israel gui cu kei naw ka pek gui ah khaw ungka kak plon gui khai. Kei ami na khawihnah nak vai ah kei naw ka k’bäi pyi ah shin ah Taigüim cun phi kei naw ka nawng khai. Khaw nü ung chang gui naw Israel cu gaih tu u ne päipih khai gui.

NG'THU K'THUUK~ 25:28

Na m’lungshe nak kä nak üüp hlawt ah a kyak ung vongpaang kä om ciah mang gaw tuk ghet vai ah auh ciah mäih ah am gein kaa ah na kyak khai.

NG’ÄI KYAH 2:9

M’kawt gui cu ng’gäi ne ng’yän ne ng’phuh ci gui, ami laung gui cu hnget ne ng’bät ci gui. Ghangpughang la chang vai gui cu tuhbäi omktu khaw ah om ci gui. Thukhän phi kä theithang ba ci gui, Prophet gui naw phi Bawipa ungka muimang kä gah ba ci gui.

TAIGÜTHUM 26:31

Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

2 SHONTÄP NAK 36:19

Ani naw Taigüim, mang gaw la mang im gui avan, khawhcham gui avan mei awn m’khih ne mang pang phi phyek ci.