NEHEMIAH 1:2 - Cho Bible Common Language 2016

² Ka phäi gui ungka tumat ah kyak ciah Hanani cu a hei chang bum gui khah püi ne Judah ah kaa gawk law ba sei, Jerusalem ah mawng la Babilonia omktu khaw ah kaa law ba ci gui ah kami Jew chang paw gui ah mawng cu kei naw ka ng’shi gui ci.

NEHEMIAH 1:2 Referans Kwoze

NEHEMIAH 7:2

Kei naw Jerusalem mang gaw uk khai ah chang hnih ka tha ci: ngani cu ka nau Hanani la imgawbawi Hananiah ah kyak ci. Hananiah cu a u awn kä täng ciah ngaih gep vai, Khanpughi kyih aa ciah kyak ci.

EZEKIEL 6:9

acu ah ngami cu omktu ah kya ne om khai gui. A cu ah ngami naw kei cu na shüm khai gui, kei naw m’kyuk gui ne ka thüisei sak gui ciah ngami naw hmat khai gui, a i ah kyasei ci ung ngami ah kä bekhüt ciah m’lung naw kei cu na nawng ne, ngami naw kei ah ta agup ami m’hni pi ah phäh ah kyak ci nei. Ngami cu akshekha, a cheishoh ami bi ah phäh ah ami mät naw amät shemshai lawk khai gui nei.

EZEKIEL 7:16

Am shah gui cu khongnawi ungka kyi ne zong ciah mümkha gui ah mäih ah khomhtung tang ah dawng ne phyawng ci gui, Ngami ami van cu ami katnak ah phäh ah thüi sei khai gui.

JEREMIAH 44:14

Judah chang gui Egypt ah hteit ne om khai ah lawk ci phung cu a u kä k’pawih khai, kä phyawng khain. Chang tumat phi ami om nak ba vai ah Judah khaw ah kä law ba khai. Geinvai ci gui api ah kawn ah a u phi kä law ba khai” cik ci.

EZRA 9:14

Cun kawn ah a i hawkcha ah na thumkhän cu, kami hnu nak ba mä vai ang? A i hawkcha ah shin ah chang omshe gui awn kami ng’chungla vai ang? Cun ah kami kyak ba ung, nang cu ang htei ah m’lungshe neta, na na m’di gui yawp khai nei, a u phi kä na k’pawih nak khai nei.

ATÜNNAK 14:10

Siidim khaw cu k’paan awn be ciah m’ghawng khui gui bäng ah kyak ci. Sodom la Komorrah ung ghangpughang gui la ami chang gui cu ng’tuk nak ungka dawng u ne, m’ghawng ah lut ne si yawp ci gui. Amshah ghangpughang thum gui cu m’htung täng ah dawng ne phyawng ci gui.

2 GHANGPUGHANG GUI 24:14

Nebukhadnezzar naw Jerusalem chang gui, mang hta gui avan tängpang chang gui avan, avan ah ng’dawn ah phia phia gha cu pha ne hteh püi gui ci. Ani naw bii bi hning ciah chang gui avan m’shishep gui, mah mah ah hteh püi gui ne pyam aih ciah chang gui bäng Judah ung nawng shüt gui ci.

2 GHANGPUGHANG GUI 25:12

Cun ung phi du aih ne khawh kä tak ci gui cu nawng shüt gui ne, sapyit dum la lolai gui ung bii bik khai gui ah tha shüt gui ci.