NEHEMIAH 1:11 - Cho Bible Common Language 2016

¹¹ Tuhbäi kei ah taigü na ngaih pe ä, nang ning m’tamkhah hlük ciah a hei na chang gui ami van ah taigü phi ngaih peä. Tuhngawi kei ung näng nak na yuk pe lawä, uktu bawi am kei cu na chimgein sak ä.” Cun yah ung kei cu uktu bawi am sapyit tui thak ciah ka kyak ci nei.

NEHEMIAH 1:11 Referans Kwoze

NEHEMIAH 1:6

Bawipa, na teng ä, ka taigü nangaih peä, na changshäm gui Israel chang gui ah phäh ah a mü a hnüüp ka taigü ci nei. Keimi Israel chang gui naw katnak kami bik ci kyasei ka ning paa nak ci nei.

NEHEMIAH 2:8

Mang ah khawbung m’htei ciah Asaph am, Taigüim ngäng nak vai ah m’kawt gui pyan nak vai ah sing gui, mang gaw k’paang gui la kei ah om nak vai im cawh nak vai ah sing gui ana pek tu vai ah m’cäi nak ah ca a guk vai ah ka thäh ci. Uktubawi naw ka k’thäh avan na pek ci, a i ah kyasei ci ung kei cu Khanpughi naw na om püi ci.

NEHEMIAH 2:1

Cha phli a lung kawn ah hnüüp ät ung uktubawi Artaserxes naw mü ei a ei yah ung kei naw sapyit tui ka thak ci. Ani naw a yanä kei ka hmai m’kyum ngä sei kä na hmuh man ci.

HEBRU 13:18

Keimi ah hmawk ah angtäi sei nami taigü vai nei. Keimi naw kami m’Lung kyong theingcim ciah akcang ah kami hmat ci. A i ah kiasei ci ung keimi cu angtäi sei ng’düng ci bäng kami bi nak hlü ah hmawk ah kyak ci.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

SAM 130:2

O Bawipa, ka m’lau cu na ng’yak pe ä; Na na m’htei vai ka ng’khü cu na ngaih pe ä!

EZRA 7:6

Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.

SAM 86:6

Bawipa, ka taigü cu nang ngai pe ä; Ka kyah cu ng’ya ne na m’htei ä.

EZRA 1:1

Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.

ATÜNNAK 40:21

Zu cuung bawi cu a ngoh nak ung hmoh ba ci,

ATÜNNAK 40:23

Cun ung phi yu cuung bawi naw Joseph cu kä shüm ba ne m’hnih ci.

ATÜNNAK 41:9

Cun kawn ah yu cung bawi naw ghangpughang am, “Ka hma nak cu tuh ngawi ka ng’yuu ba ci nei.

ATÜNNAK 32:11

Ka taigü ci nei, ka phäi Esau ah kut ung nak phyawn ä, kei cu ka kyik ci nei, ka phäi Esau cu kei la ka chu ka hta gui, avan na m’di gui khai ah law pyi ci nei.

NG'THU K'THUUK~ 1:29

Nangmi naw hmuhmat nak cu kä na mi mang man ci, Bawipa cu kä nami kyih aa phung ci.

ATÜNNAK 43:14

Cun ah chang ah m’lung kyong ung nangmi a ning yei nak gui vai ah hlüngtai ciah Khanpughi naw bii bi sä! Nami phäi tumat la Benjamin phi ning pe ba gui sä. Kei ah hmawk ah ka hta gui cu maih khai gui ah a kyak ung, maih khai gui ah va kya khai nei” cine m’cäi gui ci.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

ATÜNNAK 40:2

Ghangpughang cu cun ah ang vai goi ah khan ah m’lungshe neta,

ATÜNNAK 24:42

Tuh ngawi tuishawk ung gawk law neta, ka taigü ci, “Bawipa, ka bawi Abraham ah Khanpughi, ka bi nak ung näng nak na pe ä.

ATÜNNAK 40:1

Cun sang ung Egypt ghangpughang ah yu cung bawi la ei tei bawi naw ghangpughang cu ng’küknet püi ne m’lungshe sak ci goi.

2 SHONTÄP NAK 6:40

“Tuhbäi, O ka Khanpughi, na yuk teng gui ne, Shin ah hmun ung taigü kami ning douthak cu na ngaih pe gui ä.

SAM 61:5

O Khanpughi, ka shaitak cu na ng’ya pyi ci nei. Nang ning m’tam ngak ci gui ah ami mang vai cu nang naw na na pek ci nei.

SAM 106:46

Ngami pha ne chum gui ci gui cu ng’zuu ne ami thüi vai ah ani naw bik ci.

JEREMIAH 42:12

A i ah kyasei ciung kei ung chimgein nak om ci, nangmi ah khan ah chimgein nak a om vai ah ani cu ka pyang khai, cun kawn ah nami im ah ka ning hteh ba sak gui khai. Kei, Bawipa naw ka pyen ci,’

MALAKHI 3:16

Cun kawn ah Bawipa kyih aa ci gui cu, ami mät ng’ce ng’cäk u sei, Bawipa naw ngai ne ami ng’thu ng’yak ci. Khanpughi kyih aa ne chang m’sui ciah chang cu, amät ah ma ah ca uk ung gu ne m’hnüt ci.