NEHEMIAH 1:10 - Cho Bible Common Language 2016

¹⁰ “Bawipa, shin gui cu nang ah chang gui nei, namät ah chang gui nei. Nang naw dämduh ciah na huham la k’thagui awn na gun gui nei.

NEHEMIAH 1:10 Referans Kwoze

THULÄÄN NAK 9:29

Cun kawn ah mä shin gui cu na mät ah hmawk vai ah na ghü gui ah kyak ci nei. Dämduh ciah na huham la nam gäi nak awn Egypt khaw ah ka na law püi ba gui ah kyak ci nei.

PHYAWN NAK 32:11

Moses naw Bawipa Khanpughi ah ng’coipa neta, “A i ah kyasei na chang gui ah khan ah na m’lungshe aih ang? Ngami cu dämduh ciah na m’gäi nak la na huham awn na gun gui ah kyak ci nei.

ISAIAH 64:9

Cun ah kyasei keimi ah khan ah kä m’lungshe aih en ä, keimi na hnungtuk püi gui ne kami katnak ngawi yä kä k’pang en ä. Keimi na na chang gui nei, keimi na m’gein gui ä.

SAM 136:12

Cun cu khüighat ciah a kut la huham ah ciah a ban awn ah kyak ci; Ani ah m’hni nak cu ng’täi ci nei.

SAM 74:2

Na chang gui shüm ba gui ä, a cau na mät naw na ghü gui ah kyak ci, changshäm ungka na mät ah pakhui ah na law püi ba gui ah kyak ci. Zion m’htung cu shüm ba ä, a cau na om nak te ah kyak ci.

THULÄÄN NAK 15:15

Nangmi cu Egypt khaw ah changshäm ah kya u ci sei, Bawipa nami Khanpughi naw a ning m’hlawt gui cu nami shüm ba vai nei. Cun ah kyasei kei tuhbäi a shin ah thumkhän ka ning pek gui ah kyak ci.

PHYAWN NAK 15:13

Na shaitak ung na bekhüt ci, na gun ah chang gui cu lam na m’shüm gui ci; na thamah nak awn na khaw theing ah na hteh püi gui ci.

PHYAWN NAK 13:9

Shin cu nangmi ning m’shüm thein gui ciah kyak khai, nami kut ung, kä cung nami m’calai ung ning khit gui ciah mäih ah kyak khai; a shin naw Bawipa ah thukhän cu k’täi ne ng’thei thang ng’thumcha nak vai ah ning m’shüm thein gui khai, a i ah kyasei ci ung Bawipa naw dämduh ciah a huham awn Egypt khaw ungka a ning plawk ba gui ah hmawk ah kyak ci.

PHYAWN NAK 6:1

Cun kawn ah Bawipa naw Moses am, “Ghangpughang ah khan kei naw a i ka bi cu tuhbäi nang naw na hmuk khai nei. Ka chang gui a hteh sak gui vai ah ka k’tut khai nei. Ani naw a khaw ungka aktäm gui vai ah akcang ah ka k’tut khai nei” cik ci.

PHYAWN NAK 6:6

Israel gui am ka pyen nak gui ah ng’thu cu m’thein gui vä, “Kei cu Bawipa nei, kei naw ka ning gung gui khai, Egypt gui ah changshäm ah nami kyak nak ungka, ka ning m’hlawt gui khai. Kei naw m’gäi ciah ka ban shäng ne, ngami ah khan ah kyih vai ah m’kyuk nak cu ka law püi khai, nangmi cu ka ning hun gui khai.

PHYAWN NAK 6:7

Nangmi cu ka mät ah chang ah ka ning pyang gui khai, kei cu nangmi ah Khanpughi ah ka kyak khai. Egypt khaw, khleihtein ungka ka ning m’hlawt gui kawn ah, kei cu Bawipa, nami na Khanpughi ah nami hmat khai nei.

PHYAWN NAK 13:3

Moses naw chang gui am, “Nami shüm vai ah hnüüp cu-changshäm ah nami kyak nak ah hmun, Egypt khaw nami hteh tak nak ah hnüüp ah kyak ci. Cun cu Bawipa naw dämduh ciah a huham awn a ning plawk nak gui ah hnüüp ah kyak ci. K’caw shum ah m’htut kä ei nak ah kyak ci.

PHYAWN NAK 13:14

Ngawi ah shin ah mawng gui cu a i hawkcha ang, cine nami hta gui naw ami ning shi gui ah a kyak ung nami m’thein gui vai cu, ‘Bawipa naw dämduh ciah a huham awn, changshäm ah kyak nak Egypt khaw ah kaa, nak plawk ba gui ci.

PHYAWN NAK 13:16

Shin cu m’shüm thein nak ah kyak khai, Mi kut ung, kä cung mi m’calai ung na khit gui ciah mäih ah kyak khai. Bawipa naw dämduh ciah a huham awn Egypt khaw ungka ana plawk ba gui cu a shin naw na shüm sak gui lä khai” cik ci.

SAM 89:14

Na uknak khaw cu düngnak la ng’müi nak ung na k’süm ci nei; m’hni nak la bekhüt nak cu na bi nak phung ung dang ci nei.