NAHUM 3:8 - Cho Bible Common Language 2016

⁸ Nineveh, nang cu Egypt mang gaw Thebes ah Na bä pi ne ang? Ani ung phi k’paang ah mäih ah A yii vai tuinu om ci — Nile tuinu cu ang shung Nak ah kyak ci.

NAHUM 3:8 Referans Kwoze

AMOS 6:2

Hteit ne Kalaneh mang gaw cu teng vä. Cun kawn ah däm ciah Hamath mang gaw ah hteit vä, Philistin mang gaw Kath ah phi hteit vä. Ngami cu Judah la Israel ah uknak khaw ah mä bä tuba u ne ang? Ami khawpäng cu nangmi ah mä ng’shawng tuba ne ang?

JEREMIAH 25:19

Shin cu cun ah khap un gawk ciah ahei chang gui avan ah kyak ci; Egypt ghangpughang abawi gui la angvai gui; Egypt chang gui avan la Egypt kho ung om ciah khuihei chang gui avan; Uz kho ung ghangpughang gui avan; Philistine mang gaw gui ah kyak ciah Ashkelon, Kaza, Ekron ung ghangpughang gui la Ashdod ung k’pawih ba ci gui, Edom, Moab la Ammon ung chang gui avan; Tire la Sidon ung ghangpughang gui avan; Mediteranean khaw ung ghangpughang gui avan; Dedam, Tema la Buz mang gaw gui; alu aktawi ah k’tei ciah chang avan; Arabia ghangpughang gui avan; Khong gau khaw pakhui gui ah ghangpughang gui avan; Zimri, Elam la media ghangpughang gui avan; Ashou, ang et ungka gui, assip täng ghangpughang gui avan ah kyak ci. Khomdek khan ah chang pakhui nü cu acun ung awk khai gui. Akhnu ah Babilonia ghangpughang naw acun ung awk khai.

JEREMIAH 46:12

Pakhui gui naw nami lü ng’aa cu ng’yak ci gui; nami kyah cu chang nü naw ng’yak ci. Gakap tumat cu ahei gakap ah khan ah kai ci, ani nik hnih m’dek ung kya lawk ci goi.

EZEKIEL 29:15

uknak khaw avan ung k’tha aken pikbäih ah kyak ci gui, ngami naw ahei pakhui cu kä uk ba hlawt khai gui. Kei naw ngami cu kä küikyang aih ciah ka ci gui khai, ngami cu a hei pakhui ah khan ah kä k’tahnga ba khai gui.