NAHUM 3:6 - Cho Bible Common Language 2016

⁶ Nang cu gup shoh nak ning pe ne, Thüi nak awn ka ning uk khai. Chang gui naw ning shemshai ne ning päipih Khai gui.

NAHUM 3:6 Referans Kwoze

MALAKHI 2:9

Nangmi naw ka ng’yak hlü kä nami läk ci, ka chang gui nami m’thei ung phi, chang päng ah ng’yak hlü ah kä nami m’thei ciah kyasei, kei naw, Israel chang gui naw ami ning päipih gui vai ah ka bik khai.

JEREMIAH 51:37

Cun ah khopäng cu di ne ng’pum khai, khisa gui ah om nak ah kyak khai. Cun cu ten gung kyihkyawk vai kya ne, a cun ung a u phi kä om khai, cun hmuk ciah chang avan cu cäicat khai gui.

JOB 9:31

Khanpughi naw khuinu ah khui ah lelawi gui awn na ghawt ci, ka suisak gui hngaw naw na ng’aa nak ci gui.

HEBRU 10:33

Nangmi cu chang ah ma ah päipih shedam nak nami gah ci, cun ung phi päipih shedam nak gah lawk ci a om ung nami m’gein tuk ci.

1 KORIN 4:9

Ami ngawn vai ah ami phaa ah gaa cu, phak ci gui chang khli ah ng’nawng nak ung ak hnu bäih ah ami hteh sak gui ah mäih ah, khankho chang la hnicim chang gui naw ami na teng gui vai ah, keimi ang düihpüi gui cu Khanpughi naw ak hnu bäih ah nam düih gui ciah ka ngai ci nei.

NAHUM 1:14

Shin cu Assirian gui ah khan ah Bawipa naw Am khoicha nak ah kyak ci: “Ngami ung ami ming thung khai ah htangshon kä om ba khai. Ami Taigüim ung ami khanpughi ah a gup gui cu ka m’di yawp khai. Kei naw Assirian gui ah ng’ciim hmun ka piang ci — ngami ami ghin ba vai kä khin ci!”

JOB 30:8

Ngami cu chang m’ghämce kä chang man gui ah kya sei ami kho ungka naw ami k’täm gui ah kya ci.

JUDE 1:7

Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.

1 KORIN 4:13

Na yokshe na gui ci a om ung m’gein nak thu kami m’khäh ci. Keimi cu tuhbäichü m’dek khan ah k’shinshap, khomdek ung ng’awt ng’saup ah mäih ah kami kyak ci.

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

ZEPHANIAH 2:15

Shin cu amät ah huham awn khähghah ne, phyawn pyi nei cine, ngai ciah mang gaw ah khan ah kya lawk khai ah amawng gui ah kyak ci. A chang gui naw ami mang gaw cu khomdek khan ung dämduh pikbäih ciah ngai ci gui. A i hawkcha ah shiu ciah hmun ah kya lawk khai aw? Pya masa gui ah lum nak ah hmun ah kya lawk khai nei! Sunpah ciah chang pang naw kyih ne hteh tak khai gui nei.

NG’ÄI KYAH 3:16

Ani naw ka hmai cu m’dek ung nak tuh ci, ka ha gui cu lung awn ng’keeng khai ah na bik ci.

JOB 30:19

Ani naw kei cu ng’än nai ung na ghawt sei, kei cu m’vut ah ka kya pyi cinei.

EZEKIEL 16:37

Shin gui avan ah phäh ah, a cau na m’hni gui man ami van atäng ah kei naw ka law püi gui khai-cun gui cu nang ah na m’hni gui la na gen gui amshah ah kyak khai, Ngami naw koi ne ning veing khai gui ah kei naw ka law püi gui khai, Cun kawn ah kei naw na sui sak ning suh sak ne, na plui ah ami ning vaih phäh ah ami ning vai ah ka bik khai.

HABAKKUK 2:16

Nangmi cu m’taam khah nak vaisü ung thui ng’aa nak naw ning küm gui khai nei. Nami mät cu aw u ne, nami kyu shüi shüi khai nei. Bawipa naw nami mät ah khap awn m’kyuk nak ning tu gui khai, Nami ng’taamkhah nak cu ng’yochaw nak ah ng’lat khai nei.

MALAKHI 2:3

Nami hta gui cu ka m’kyuk gui khai, Nami ghu tha nak ah seime ah ek awn nami hmai ka ning pet gui khai — nangmi cu ek ng’pum ah khan ah ning ghawh gui vai.