NAHUM 3:5 - Cho Bible Common Language 2016

⁵ Ahlüngtai säih Bawipa naw, “Nineveh, nang cu ka ning m’kyuk khai! Nang cu na k’plui ah ka ning om sak khai, Chang pakhui gui naw ning teng khai gui, Na thu ng’aa nak avan ning teng khai gui.

NAHUM 3:5 Referans Kwoze

JEREMIAH 13:26

Bawipa amät naw nami sui ning suh sak gui ne, ning lung aa sak gui khai.

NAHUM 2:13

M’gäi ciah Bawipa naw, “Kei cu na na ga nei! Ng’hlee gui cu mei awn ka m’khih khai, na gakap gui ng’tuk nak ung ngawn gui yawp khai gui, chang ah kaa nami lak gui avan la ne ka ghawt yawp khai. Nangmi ung ng’shä gui ah k’thäh cu a u naw kä ng’ya ba khai nei.”

EZEKIEL 23:29

Ngami naw ning thüi na gui ci gui, nangmi naw nami bi phung ngami naw hteh püi khai gui, nak plui ah ning nawng khai gui, pawmzau chang ah mäih ah ak ptui ah nami kyak khai. Na htuk htik nak la na pawnza nak naw

JEREMIAH 13:22

Shin gui avan a i ah kyasei a kyak law cine, nami ng’shi ah a kyak ung — a i ah kyasei nami sui kheei sei sui she nami sui ang ma cun cu nami katnak cu kyih aih vai ah a kyak ah phäh ah kyak ci.

HABAKKUK 2:16

Nangmi cu m’taam khah nak vaisü ung thui ng’aa nak naw ning küm gui khai nei. Nami mät cu aw u ne, nami kyu shüi shüi khai nei. Bawipa naw nami mät ah khap awn m’kyuk nak ning tu gui khai, Nami ng’taamkhah nak cu ng’yochaw nak ah ng’lat khai nei.

EZEKIEL 16:37

Shin gui avan ah phäh ah, a cau na m’hni gui man ami van atäng ah kei naw ka law püi gui khai-cun gui cu nang ah na m’hni gui la na gen gui amshah ah kyak khai, Ngami naw koi ne ning veing khai gui ah kei naw ka law püi gui khai, Cun kawn ah kei naw na sui sak ning suh sak ne, na plui ah ami ning vaih phäh ah ami ning vai ah ka bik khai.

MIKHAH 1:11

Shaphi chang gui nami k’plui ah lü ng’a ne dawng vä, Zaanan chang gui kä luh law ah kyap ne pigaw kyong ah nami om vai, Betheyela chang gui ah kyah nami ng’yak ung yii vai kä om ciah nami hmat vai.

EZEKIEL 23:25

A i ah kyasei ci ung kei naw ka ning m’lungshe na gui ci, ngami naw ami m’lungshe nak awn ami ning ng’thumcha gui vai ah kabik khai. Ngami naw na hua la na hnga gui cu at pit khai gui, na hta vom gui ngawn khai gui. Nami hta pami gui la nami hta hnumi gui cu ngami naw la u neta, akghing ah mei awn m’khih khai gui.

JEREMIAH 50:31

“Babilonia, nang cu chang ah ng’shei nak awn na be ci, cun ah kyasei, kei, m’gäi ciah Uktu Bawipa naw ka ning hnungtuk ci nei! Nang ning m’kyuk nak vai ah kei ah akhin cu gawk lawk ci nei.

EZEKIEL 21:3

Kei, Bawipa naw ka pyen nei: Kei cu nami na ga nei. Kei naw ka khimsem phawng ne, changnichang she, nami van ka ning ngawn gui khai.

EZEKIEL 26:3

Cun kawn ah shin cu kei, uktu Bawipa naw ka pyen nei: Tire mang gaw, kei cu na na ga nei, kei naw nang ning tuk khai ah changpakhui akda ka law püi khai, ngami cu tuinu ah ng’hnawk ah mäih ah lawk khai gui.