NAHUM 3:11 - Cho Bible Common Language 2016

¹¹ Nineveh, nang phi tui kha li ng’lung ung na lut khai. Nang phi na ga gui ah kut ung na phiawn vai ah Na k’tha nak khai.

NAHUM 3:11 Referans Kwoze

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

ISAIAH 2:10

Ngami cu lung m’htung ah khui gui ung ng’thup khai gui, Bawipa ah m’lungshe nak ami phyawn nak vai la a huham la a bämang nak ung ka, ami ng’thuh nak vai ah k’tha na ne m’dek ung khui shawk khai gui nei!

LUKA 23:30

Cun ah akhin ung chang gui naw, khomhtung gui-am, ‘Keimi ah khan ah piawn ne kya law vä’ ci u ne; khogui gui-am, ‘Keimi ng’min ne na lin law gui ä’ cine kyak khai gui.

NAHUM 1:10

Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

HOSEA 10:8

Aven gawnu m’htung lai ung phung gui, Israel chang gui naw agup ami khawihnah nak gui cu, di khai gui. Ng’hling gui la m’ghaw gui naw ami sonkyang gui cu k’düi khai gui. Chang gui naw khomhtung gui cu khü u ne, “Na thup gui ä!” khogui gui cu khü u ne, “Na shung gui ä!” cik khai gui.

JEREMIAH 4:5

Kho avan ung phyungheng tum vä! Ng’htei khai ah phyungheng tum vä! Judah la Jerusalem chang gui cu m’thein gui vä, khäng htek ciah mang gaw gui ah ami dawng vai nei.

ISAIAH 2:19

Ani naw khomdek k’thüng khai ah a law ah akyak ung, chang gui cu lung m’htung ah khui ung ng’thup khai gui, Bawipa ah m’lungshe nak ami phiawn nak vai la a huham la a bämang nak ung ka, ami ng’thuk nak vaiah k’tha na ne m’dek ung khui co khai gui.

SAM 75:8

Bawipa naw khap cu a kut ung kawt ne, sü ciah am lung she nak awn be sak ci. Ani naw kei sei changshe gui ami van naw awk ci gui; m’sing ne aw yawp ci gui.

NAHUM 2:1

Nineveh, nang cu ning tu law pyi ci gui nei! Nang ning k’paai khai ah a huham cu gawk law pyi ci Ga k’täm nak vai pyang ä! Lam gui phi ngäng ä! Ng’tuk bi vai ah pawng ä!

MIKHAH 7:17

Ngami cu k’phyu ah mäih ah m’vut ung ng’yawi u ne, ami yai nak ungka lawk khai gui, ng’thüng ne kyik khai gui, ngami cu kyikyawk u ne Bawipa ami Khanpughi ah ng’hlat khai gui nei.

AMOS 9:3

Ngami cu Kamela m’htung lai ah ami ng’thuh ung phi, shui ba gui ne ka pha ba gui khai. Ngami cu tuinu ah khui ah ami ng’thuh ung phi, tuinu phyung hlui am ka htuih sak gui khai.

JEREMIAH 51:57

Kei naw ami uk tu gui — cüivai chang gui, ami ng’vai gui, gakap gui cu awktat khai gui ah ka ci gui khai. Ngami cu hteit ne ip u ne kä ng’shüm law ba khai gui. Kei, ghangpughang naw ka pyen nei; kei cu m’gäi ciah Bawipa nei.

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

ISAIAH 63:6

Ka m’lungshe nak awn, chang pakhui avan cu neen gui ne ka khui sak sak gui ci. Kei naw ngami ah ami hnun-si m’dek ung ka huk ci.”

ISAIAH 29:9

Anglaam ne om vä! Nami mik m’dauh sei om vä! Zu kä awk en ah awktat vä! M’hteei ät phi kä aw ne ng’täng shüi shüi vä!

1 SAMUEL 14:11

Cun ah kyasei ngami cu Philistin gui naw ami hmuh goi vai ah om ci goi, Philistin gui naw, “Teng vä, Hebrew chang amshah cu ami ng’thuh nak ah khui ung ka, lut lawk ci gui nei!” cik ci gui.

1 SAMUEL 13:6

Ngami cu ng’güüt law u ne, Israel gui cu akyat tu ne hnim gui u ne, püi ne dawng khai gui ah ci gui, Amshah Israel gui cu lung khui, m’dek khui ung ng’thup ci gui, lung song gui ah ng’lung, khui gui la tuiton gui ung ng’thup ci gui;