NAHUM 3:10 - Cho Bible Common Language 2016

¹⁰ Cunung phi Thebes chang gui cu khaw ah Ak pung ah ami hteh püi gui nei. Lam m’hlawng päng ung ami hta gui cu sik khai ah ami thah gui nei. Ami ng’vai gui pha ne khit u sei Pha gui ci cui ah ng’lung ah püi pyang ci gui.

NAHUM 3:10 Referans Kwoze

ISAIAH 20:4

Assiria ghangpughang naw um ah khopäng goi ung ka apha gui ah thawngkium gui cu ami plui ah hteh püi gui khai nei. Aghi, ak hmaw, ngami cu ami plui ah phahnat kä ng’leh ne, ami khaang m’dang hteit khai gui nei, Egypt khaw cu thui ng’a sak khai gui.

OBADIAH 1:11

Ga gui naw m’kawt gui tu ne ami gäi hnüüp nang cu ang leng ah na ng’düi khai. Jerusalem ah khawh phui u ne ami mät naw ng’pai ci gui ah lam hteit chang gui ah mäih ah nang phi na shekhak ci.

JOEL 3:3

Ngami naw htung ng’yuk u ne, a u ami pha ah k’bäi ci gui. Ngami naw hnumi hta, pami hta gui cu, khleihtein vai ah m’guk plet nak la yu ah yoi ci gui.

HOSEA 13:16

Samaria cu kei ana hnungtuk püi ah phäh ah m’kyuk vai nei, a chang gui cu ng’tuk nak ung sik khai gui. Nausen hta gui m’dek vawih na gui khai gui, käumah ciah hnumi gui cu k’daai gui khai gui.”

NG’ÄI KYAH 2:19

Amü pum pum, tho law ba ba ne, Bawipa ah ma ah kyap ci gui. Nami m’lung kyong gäsei u ne, nami htau nau gui ah khan ah chimgein gui vai ah ng’hui ng’pa vä. A hmaw hta gui cu lam ng’kit päng ung ei cawi ne si vai ci gui nei.

ISAIAH 13:16

Ngami naw am geinka ah kyasei ami hmuh gui ge ah ami hta hta gui cu sik khai ah m’hnoi gui khai gui, ami im gui cu gut gui khai gui, ami chu gui cu k’pyei gui khai gui.”

AMOS 1:13

Bawipa naw, “Ammon chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ami khaw ang shawng vai ah ng’tuk ami bi nak ung Kilead khaw ah käu mah ciah hnumi gui phi ami poi k’päh gui ci gui.

NG’ÄI KYAH 4:1

Keimi ah pyü ciah ghui cu siim ci nei; Taigüim ung lung gui cu lam gui ung ng’yaih ne ng’yän ci gui nei.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

SAM 137:8

Babilon, nang cu na di khai nei. Keimi ah khan ah nang naw na bi ah hmawk ah ning thung ba ne bik ciah chang ah khan ah yeikyai nak om sä,

2 GHANGPUGHANG GUI 8:12

Elisha naw, “Saya aw, a i ah kyasei na kyah nei?” cik ci. Elisha naw, “Nang naw Israel chang gui hnungtuk püi ne kyih aih vai ah na bi law vai gui cu ka hmat ah phäh ah kyak ci nei” cik ci. Nang naw ami gaw pang gui cu m’khih ne, ami chang nong kyom pi gui cu ngawn ne, ami hmawhta gui cu m’dek teuh na ne ngawn gui ne, m’gäi ciah hnumi gui cu na yawih sak gui khai” cik ci.

JOB 6:27

Nangmi naw hmeihta khlei htein gui ah phäh ah m’shüih tawk ne nami bik ci, Nami ng’kawt ciah nami teihpüi gui ungka nami mät nami bühmang vai ah nami bik ci!

SAM 137:9

na hta naw hmaw hta gui la ne lungsheng mawk sak ciah chang ah khan ah yeikyai nak om sä.

SAM 149:8

Ami ghangpughang gui, gui awn khit u ne, ami bawi gui m’si gui awn pin u sä;

ISAIAH 19:4

Kei naw Egypt chang gui cu ngetngawng m’gäim’cik ciah ghangpughang om, ngami uk gui khai am ka ap gui khai, kei, m’gäi ciah Bawipa naw ka pyen nei.”

EZEKIEL 29:7

Ngami cu nang ung ng’läh u khäta, nang cu hnget ne, ami ban ung aat gui ne ami khei phi na awk sak gui ci.