NAHUM 3:1 - Cho Bible Common Language 2016

¹ Ngawn sih nak ah mang gaw cu Ziin ah mü ci nei. Be ciah khawh cu m’guk khai gui, Gut tep khai gui!

NAHUM 3:1 Referans Kwoze

HABAKKUK 2:12

Nangmi cu nami ng’yiin ci! Nami mang gaw cu cheishoh nak awn kümbe ci, ngawn sih nak awn nami co ci.

HOSEA 4:2

Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.

NAHUM 2:12

Phongkawng naw a hta lo ne, Anu la ahta yüt ah phäh ah htui ne phyit ci, Ani naw a chaam cu kawng meh awn be sak ci.

ISAIAH 42:24

A u naw ang, Israel gui cu, guttep gui ci am a ap gui? Cun cu mikmi naw katnak bi ne, mi hnu ng’tuk püi ah Bawipa amät ah kyak ci nei. Ani naw mi om vai ang yak hlü ah mikmi cu kä mi om ci nei, ani ah m’thei thang gui cu kä mi läk ci nei.

ISAIAH 17:14

Ngami cu mühun ung khih aih vai ah kyak ci gui, cun ung phi khongawi ah maih ci gui nei. Cun cu mikmi ah kho tuhnim gutep ci gui ah hteh nak ah kyak ci nei.

ISAIAH 24:9

Aw ne yeikyai ne ng’äi awm nak kä om ba ci; a u phi cun ung kä tuihlim ba ci.

SAM 62:10

Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.

NAHUM 2:13

M’gäi ciah Bawipa naw, “Kei cu na na ga nei! Ng’hlee gui cu mei awn ka m’khih khai, na gakap gui ng’tuk nak ung ngawn gui yawp khai gui, chang ah kaa nami lak gui avan la ne ka ghawt yawp khai. Nangmi ung ng’shä gui ah k’thäh cu a u naw kä ng’ya ba khai nei.”