NAHUM 2:5 - Cho Bible Common Language 2016

⁵ Ami bawi gui cu ng’hawh shaak u ne, Ma lam ah ng’phäi ne ng’vawn ci gui. Ng’tuk bik ci gui naw k’pang phye u ne, Shawi k’hleek ne ana ang tu vük ci gui.

NAHUM 2:5 Referans Kwoze

JEREMIAH 46:12

Pakhui gui naw nami lü ng’aa cu ng’yak ci gui; nami kyah cu chang nü naw ng’yak ci. Gakap tumat cu ahei gakap ah khan ah kai ci, ani nik hnih m’dek ung kya lawk ci goi.

NAHUM 3:18

Assirian ghangpughang, na bawi gui cu sik ci gui, na mang gui cu kä tho ba ne ip ci gui, na chang gui cu khomhtung ah püi yawp ci gui, ngami ami im ah law püi ba gui khai a u kä om ci.

NAHUM 3:3

Ng’se ng’cum ciah gakap gui kai lawk ci gui, Tui ciah khim, pyü ciah k’htei kawt ci. Gook gui a hlüng ahng’pum ci, Chang si gui kä khei tai vai ah ng’yaih ci. Cun gui ah khan ah chang gui naw kai nak ci gui.

JEREMIAH 50:29

“Likap gui naw Babilonia ami tuk vai ah m’thein gui vä. A i hawkcha ah li la m’la bi vai ciah hmat ciah chang nü cu tüi vä. Mang gaw cu kei vä, a u phi käk’phiaan en vä. Ani abi gui avan ah phäh ah pe ba vä, a ni naw chang gui a om püi ah mäih ah om püi tu ba vä, a i ah kyasei ci ung, ani naw ng’shei ne kei, Israel ah Theingzim ci Tumat cu ana hnung tuk püi ah phüh ah kyak ci.

ISAIAH 21:5

Ka muimang ung müei cu ami pyan pyi ah kyak ci; khin gui ami ngoh nak vai ah phla-phak gui cu phah pyi ah kyak ci. Ngami cu ei awk ci gui. Ang ghit ah thukbäi gaw lawk ci, “Bawi gui aw! Nami shawi gui m’shei ge vä!”

ISAIAH 5:27

A u phi kä bawngbai ci; a u phi kä kyu ng’tääk ci. A u phi kä ngam ci kä ip ci. Kheipat phi kä ng’phyak ci; phahnak phi kä pit ci.

NAHUM 2:6

Tui kam ung m’kawt ng’pät ne ng’hmawng ci, Mang im kyong cu kyih nak awn be ci.

HABAKKUK 1:8

“Ami ng’se gui cu kawng hta ah yaangkhai pi u ne, ei cawi ciah hngei ah ta nget pi ci gui nei. Ng’se cuum ci gui cu a shou nak ah kaa, ng’se awn ng’phäi lawk khai gui, ami k’se gui cu m’dek ung ng’laih khai gui. Ngami cu a i baw lo ne ei khai ah langta ah mäih ah ng’phäi lawk khai gui.