NAHUM 2:13 - Cho Bible Common Language 2016

¹³ M’gäi ciah Bawipa naw, “Kei cu na na ga nei! Ng’hlee gui cu mei awn ka m’khih khai, na gakap gui ng’tuk nak ung ngawn gui yawp khai gui, chang ah kaa nami lak gui avan la ne ka ghawt yawp khai. Nangmi ung ng’shä gui ah k’thäh cu a u naw kä ng’ya ba khai nei.”

NAHUM 2:13 Referans Kwoze

NAHUM 3:5

Ahlüngtai säih Bawipa naw, “Nineveh, nang cu ka ning m’kyuk khai! Nang cu na k’plui ah ka ning om sak khai, Chang pakhui gui naw ning teng khai gui, Na thu ng’aa nak avan ning teng khai gui.

JEREMIAH 21:13

Nang, Jerusalem cu khongnawi ah khan hlüng ne na ngok ci nei, cun cu kho zaw ung hang tho ciah lungksong ah mäih ah kyak ci nei. Cun ung phi kei naw hnung tuk ne ka ning tuk püi khai nei. Nang naw, a u naw kä na tu gui hlawlt khai, nami ng’vong pang phi a u naw kä m’shet hlawt khai nami cik ci.

SAM 46:9

Ani naw m’dek khan ung ng’tuk nak avan düm sak ci, ani naw li gui cheiuh ne, k’htei gui m’di ne, shawi gui mei ung m’khih ci.

2 GHANGPUGHANG GUI 19:23

Nang naw na shächang kei ah tüi law ne, na yatha gui avan awn Lebanon khomhtung gui ak hlüngpi gui na khäm ah mawng awn kei na na khäghah nak ci. Nang naw ang shäi pi ah bungpuk ah gawk vai ah na hteh nak awn na khäghah ci.

NAHUM 3:1

Ngawn sih nak ah mang gaw cu Ziin ah mü ci nei. Be ciah khawh cu m’guk khai gui, Gut tep khai gui!

EZEKIEL 5:8

Cun ah kyasei kei, uktu Bawipa naw ka ning m’thein ci, kei cu nang ah ga ah ka kyak ci. Chang pakhui gui ami van naw ami hmuh hning vai ah nang ah khan ah m’khoi cho nak cu ka gawk sak khai.

2 GHANGPUGHANG GUI 19:9

Assirian gui ah gawk lawk ciah ng’thu cu, Sudan ghangpughang Tirhakah Lama ciah Egypt gakap gui cu ngami tu gui khai ah lawk ci gui, ciah kyak ci. Cun cu uktubawi naw ng’ya neta, ani naw ca tumat gu ne Judah ghangpughang Hezekiah am pe ne,

JOSHUA 11:9

Bawipa naw a thumkhän ah mäih ah Joshua naw ngami ah khan ah bik ci. Ani naw ami sela gui cu tuthat gui ne, ami yatha gui cu m’khih ci.

NAHUM 3:12

Na im gaw gi cu am theih up ciah thei ghing ah mäih ah kyak khai gui a ghing na k’hnün ung ang theih Na shai ung kya lawk khai!

EZEKIEL 39:1

Uktu Bawipa naw pyen ci, “Hnicim chang, Meshek la Tubala pakhui gui ah uktu angvaipi ah kyak ciah Kod cu m’shukcha ä, kei cu ani ah ga ah ka kyak cu m’thein ä.

EZEKIEL 38:3

m’thein ä, kei, uktu Bawipa cu ani ah ga nei.

EZEKIEL 35:3

Kei, uktu Bawipa naw ka pyen cu chang gui am m’thein gui ä: Edom khomhtung, kei cu nami na ga nei! Kei naw nang cu ka ning shiu sak khai.

EZEKIEL 29:10

Kei cu nang ah ga, Nile tuinu ah ga ah ka kyak ci. Kei naw Egypt khaw avan cu a kholä k’auh ah ka cik khai, Asiip täng Mikdola mang gaw ungka naw, a htum täng Aswan mang gaw ung khüt ci, Sudanese khogii ah hteh nak lam avan ah kyak ci.

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

EZEKIEL 26:3

Cun kawn ah shin cu kei, uktu Bawipa naw ka pyen nei: Tire mang gaw, kei cu na na ga nei, kei naw nang ning tuk khai ah changpakhui akda ka law püi khai, ngami cu tuinu ah ng’hnawk ah mäih ah lawk khai gui.

JEREMIAH 51:25

Babilonian nang cu khomdek khan avan m’di ciah khomhtung awn na täng ci. Cun ung phi kei, Bawipa cu nang ah ga ah ka kyak ci. Kei naw nang cu ning k’pang ne m’dek awn ka ning pingtei sak khai, m’vut ah ka ning kyak sak khai.

JEREMIAH 50:31

“Babilonia, nang cu chang ah ng’shei nak awn na be ci, cun ah kyasei, kei, m’gäi ciah Uktu Bawipa naw ka ning hnungtuk ci nei! Nang ning m’kyuk nak vai ah kei ah akhin cu gawk lawk ci nei.

2 SHONTÄP NAK 32:19

Ngami naw “Chang ah kut awn a gup am pyan ah a hei chang gui ah khanpughi gui ah mäih ah Jerusalem ah Khanpughi cun phi pyen nak ci gui.

2 GHANGPUGHANG GUI 18:19

Assirian Bawi tumat naw a pyen cu, uktubawi naw a hmat hlü cu, Ghangpughang Hezekiah ang ngaih gep aih khai ah a i naw a bi ang?

2 GHANGPUGHANG GUI 18:17

Assirian uktubawi naw Lachish ungka naw Jerusalem ung Hezekiah tuk khai ah gakap akda tüi lawk ci; acun cu ani ah ak hlüng pi ah bawi gui thum naw tängpang ci gui. Ngami cu Jerusalem ung gawk law u ne, a khan täng ah ka tui ah lon law nak ah lawng pei, shuntah ci gui ah bi nak ah lam cu khäm u ne a cun ung om ci gui.

JOSHUA 11:6

Bawipa naw Joshua am, “Kä na kyih gui vai, ngami ung ashin ah khin ung Israel gui ah hmawk ah kei naw ami van ka ngawn gui khai. Nangmi naw ami ng’sela gui cu tuthat u ne, ami yatha gui cu nami m’khih vai” cine m’thein ci.

JEREMIAH 46:14

“Shin cu Egypt gawnu gui, mikdola, Memphis, la Tahpanhes ung ng’shäu vä: “Nami mät naw nami shung vong ge khai ah om vä; Nangmi ung om ci avan ng’tuk nak ung di khai nei!

EZEKIEL 13:8

Cun ah kyasei uktu Bawipa naw pyen na gui ci, “Nami ng’thu gui cu pyan ah kyak ci, name muimang gui cu hleei ah kyak ci. Kei naw ka ning hnung tuk gui ci nei.

EZEKIEL 21:3

Kei, Bawipa naw ka pyen nei: Kei cu nami na ga nei. Kei naw ka khimsem phawng ne, changnichang she, nami van ka ning ngawn gui khai.

NAHUM 2:12

Phongkawng naw a hta lo ne, Anu la ahta yüt ah phäh ah htui ne phyit ci, Ani naw a chaam cu kawng meh awn be sak ci.

NAHUM 3:15

A i na bi ung phi kä ni law k’sai khai, nang cu na sik khai ah mei naw ning ui khai, ng’tuk nak ung ning ngawn khai gui. Nang cu geit khanpeh naw a ei ah mäih ah ning güp khai gui. Nang cu khanpeh ah mäih ah na pungkhei khai.