NAHUM 2:11 - Cho Bible Common Language 2016

¹¹ Tuhbäi ung mang gaw a hawi ang? Ani cu phongkawng ah chaam ah mäih ah kyak ci, Phongkawng anong gui ami vuh nak ah mäih ah kyak ci. Phongkawng akhik gui la a hla gui ah ami lum nak, Ngami ah hta yüüt cu phyawng khai.

NAHUM 2:11 Referans Kwoze

ISAIAH 5:29

Gakap gui cu sa lou ne kawt ne, a i naw kä a guh hlawt vai ah phaw ne ghung ne m’ngawk ciah phongkawng ah mäih ah kyak ci gui.

JEREMIAH 2:15

Ngami naw phongkawng ah mäh ah m’ngaw shi ci gui; ani ah kho cu khong gau ah kyak khai ah cikci gui, ani ah gaw nu gui cu di ne ng’zän ci, nawng lüng vai ah kyak ci.

ZEPHANIAH 3:3

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.

NAHUM 3:1

Ngawn sih nak ah mang gaw cu Ziin ah mü ci nei. Be ciah khawh cu m’guk khai gui, Gut tep khai gui!

JEREMIAH 50:44

“Jordan lawng yung sing shah ciah bung ka khu m’kim khaw ungka phong kawng a luh law ah mäih ah, kei, Bawipa cu law ne, Babilonian gui ami mang gaw ungka ang ghit ah dawng khai gui ah ka cik khai. Cun kawn ah kei naw ka ghü ah ang vain aw khui khaw cu uk khai. Kei awn m’täng hning vai a u om khai ang? Kei na ng’küknet püi khai a u om khai ang. A i uktu naw kei na hnu na hning khai ang?

JEREMIAH 50:17

Bawipa naw pyen ci, “Israel chang gui cu phongkawng naw gawt ne ak püi gui ah htome ah mäih ah kyak ci gui. Ak htük ung Assiria Uktubawi naw a tuk gui, cun kawn ah Babilonia ghangpughang Nebukhadnezzar naw ami guh adep gui.

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

ISAIAH 31:4

Bawipa naw a na pyen nak cu, “htoshäm gui naw a i ah ng’hawh ne ami m’lau ung phi, sa lou ne ei ciah phongkawng cu kä k’täm hlawt ci gui, a cunah mäih ah migäi ciah kei Bawipa cu zim khomhtung ka shung vong nak ung ka a u naw kä nak pang m’khüt khai.

ATÜNNAK 49:9

Judah cu phawngkawng ah mäih ah kyak ci. Sa gui lo ne a hta gui ah law ba ci. Ng’zeet ne ng’baw ne ng’yän ci. A u naw kä aw-am ci.

KHEI NAK 23:24

Israel pakhui cu m’gäi ciah kawng hlui ah mäih ah kyak ci. Ani cu kä ak teek yawp pha ah chuih, kä am yaw pha a chuih kä ng’düm ci. A lawh ah si kä a awk yawp pha ung kä ng’düm ci.”

EZEKIEL 32:2

Ani naw pyen ci, “Hnicim chang, Egypt ghangpughang am ng’cet ciah thukbäi na pek vai nei. Kei ungka shin ah ng’thu cu na pek vai: Nang cu changpakhui gui ah ng’lung ah phongkawng ah mäih ah na hnüntho ci. Cun ung phi nang awn tuinu ung ng’väk ciah k’saam awn natäng pi ci. Nang naw na kho awn tui cu ng’nai sak ne na m’naw sak ci.

MIKHAH 5:6

Ami thagui thamah nak awn Assiria Nimrod khaw cu näng khai gui. Assirian gui naw kami khawpäng ami tuk law ung ngami naw na hun gui khai gui.

NAHUM 2:12

Phongkawng naw a hta lo ne, Anu la ahta yüt ah phäh ah htui ne phyit ci, Ani naw a chaam cu kawng meh awn be sak ci.

ISAIAH 13:7

Chang pang ah kut cu hnaam yawp ne, chang pang ah tha yung kyak ci nei.

JOEL 2:6

Ngami ami ng’et law ung chang päng cu kyik ci, chang päng a hmai m’sa ci.