NAHUM 2:10 - Cho Bible Common Language 2016

¹⁰ Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

NAHUM 2:10 Referans Kwoze

SAM 22:14

Kei ah ka thagui cu maih ci nei, m’dek ung cüp ciah tui ah mäih ah ng’phiüi ci. Ka guh gui avan cu ka ng’htak ba ci nei, Kam lungsin cu khoi chap ah maih ah pyawn ci nei.

JOEL 2:6

Ngami ami ng’et law ung chang päng cu kyik ci, chang päng a hmai m’sa ci.

DANIEL 5:6

Ani cu a hmai ng’ham sei kyikyawk ne, am khuuk phi ng’tum ci.

JEREMIAH 30:6

Tuhbäi ng’düm ne ngai vä! Pami cu hta hning khai ang? A i ah kyasei pami gui päng naw anau poi m’nek ciah hnumi ah mäih ah ami poi ah khan ah ami kut taih u sei, ka hmuh gui ang? A i ah kyasei Chang nü ami ng’hum aih ang?

ISAIAH 24:1

Bawipa naw khomdek cu m’shiü ne m’gämugang khai ah nawng khai. Ani naw khomdek ah hmai cn ng’phiui sak ne, a chang gui cu püi pyang sak gui khai.

ISAIAH 21:3

Muimang ung ka hmuh la ka ng’yak naw kyinnak la natnak na pek ci nei, cun natnak cu a nau poi m; neh ciah hnumi ah m’neh ah mäih ah kyak ci.

ZEPHANIAH 3:6

Bawipa naw, “Chang pakhui gui avan ka k’täm cui ci, ami mang gaw gui phi ka m’di ci. Ami pang gui la tänghän gui phi sheka yawp ci. Mi mang gaw gui cu ng’gau ci, ami lam gui cu ghawng ci, a u kä om ci.

NAHUM 3:7

Ning hmuk ci gui phung Ng’thüng ne ng’hlat khai gui. Ngami naw Nineveh cu “Di ne ng’yän pyi ci nei” Cik khai gui. Ani m’gein khai a u om khai ang? Ani m’htei khai a u om khai ang?

JEREMIAH 51:62

Cun kawn ah na taigü vai, ‘BAWIPA nang naw shin ah hmun na m’di khai ah na pyen ci, cun ah kyasei shin ah kyong ung a i ak ghingsei phi kä om ba sä, chang phi, khisa phi, cun cu ngawi yä bung ah kya sä.’

ISAIAH 14:23

Kei naw Babilon cu cüihnai ah ka lat khan, a cun ung pangpät gui om khai gui. Kei naw Babilon cu phaipheh awn ka pheik khai, cun naw avan phai yawp khai. Kei, m’gäi ciah Bawipa naw thu kä pyen nei.”

JOSHUA 2:11

Cun gui kami ng’yak vai am keimi cu kami kyik ci nei, nangmi ah om ah keimi kami thagui maih yawp ci nei. Bawipa nami Khanpughi cu khankhaw la shin ah m’dek Khanpughi ah kyak ci nei.

ATÜNNAK 1:2

Khomdek cu a i ah kä ng’shing ne, kho k’häu ah kya ci. A thuuk nak pi bäih ah tuinu likim cu yiin ne hmüp sei, Khanpughi ah Mumcha cu tui ah khan ah hnüntho ci.

JOSHUA 7:5

Ai chang gui naw gawt law gui u ne, mang gaw m’kawt ungka naw lung ami cawh nak ung khüt law u ne, khawgui yu kyum nak ung thumkip lei chuk ngawn gui ci gui. Israel chang gui cu ami tha maih sei kyikyawk ci gui.

JEREMIAH 8:21

Kei ah ka chang gui cu ami dep gui ah kya sei, kei ah ka m’lung cu ng’deng pyi ci gui nei: Kei cu thüi kyap ne, ang htei ah ka thüi aih ci nei.

JEREMIAH 49:23

Shin cu Damaskas ah amawng Bawipa naw a pyen ah kyak ci: “Hamath la Arpad mang gaw gui ung om ciah chang gui ng’ä ai ne khüi kha ci gui, a i ah kyasei ci ung ngami naw thushe ami ng’yak ah phäh ah kyak ci. Tuinu ah khan ah tui ang hnawh ah mäih ah ami khan ah kyasei ngami cu kä ng’düm hlawt ci gui.

EZEKIEL 21:7

A i ah kyasei na ng’hlaw ei ah ami ning shi law ah a kyak ung, ng’thu gawk law sei nei, cine na m’thei gui vai. Cun a gawk law ung, ngami ah m’lung cu kyih nak awn be khai, ami kut gui cu gung ne ng’bat khai, ami hnawk tha cu kya yawp khai, ami m’khuuk gui cu ng’tum khai. Akhin cu gawk law ci nei, cun cu a shin ung nei.” Uktu Bawipa naw a pyen nei.

EZEKIEL 31:15

Shin cu uktu Bawipa ah ng’thu pyen nei: “Sihnak ah khaw ah cun ah sing ghing a hteh hnüüp ung, thüisei nak m’hnüt nak ah khomdek ka ah tui gui cun cu küm khai ah kei naw ka cik khai. Kei naw tuinu gui cu ng’düm sak ne, tuihta gui cu kä ka lon ba sak khai. A i ah kyasei ci ung sing ghing cu si pyi ci, kei naw Lebanon khomhtung gui ah khan ah hmüp nak cu law püii ne, bung ah sing ghing avan cu ka ng’yai sak khai.

NAHUM 2:2

(Israel gui ah bämang nak cu, ga naw kä ah guh tep pha ung Bawipa naw gim khai ah pawng pyi ci nei.)