NAHUM 2:1 - Cho Bible Common Language 2016

¹ Nineveh, nang cu ning tu law pyi ci gui nei! Nang ning k’paai khai ah a huham cu gawk law pyi ci Ga k’täm nak vai pyang ä! Lam gui phi ngäng ä! Ng’tuk bi vai ah pawng ä!

NAHUM 2:1 Referans Kwoze

2 SHONTÄP NAK 25:8

Cun ung phi näng nak la tuk hnim nak huham pek cicu Khanpughi ah kyak ci, ngami awn nami ng’dawn ung ani naw nami ga gui am ning näng sak gui khai.

JEREMIAH 50:23

Babilonia naw khomdek khan avan cu khai ne ng’deng khaiah ng’kii awn teei ci, tuhbäi cun ah ng’kii cu ng’bäät pyi ci nei! Cun ah khopäng ah khai ah cun ah a kyak law ah phäh ah pakhui gui avan cu m’lau ci gui nei.

ISAIAH 14:6

Cun gui naw chang gui cu m’lungshe ne shadam na u ne, ngami naw ami khäm ah pakhui gui cu kä ng’düm ne kdukdein nak ci gui nei.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

SAM 50:14

Yeikyai ne ghu tha nak cu Khanpughi am pe vä, Nami shaitak om ciah mäih ah hlüngtai pi cu khawihnah vä.

SAM 65:2

a i ah kyasei ci ung nang naw taigü cu na ngai ci. Kho nü ung ka chang gui cu law u ne, ami katnak cu khei lawk khai gui nei.

ISAIAH 29:7

Khanpughi ah sonkiang mang gaw tu ne khäm ciah pakhui gui ah gakap gui avan, ami limei gui avan awi kah ang nü-cu ng’mang ah mäih ah maih khai, mü ah a i baw ngaih-tüh ah mäih ah kyak khai.

ISAIAH 29:8

Jerusalem tuk vai ah ng’bum ciah pakhui gui avan cu ei ei ne ng’mang na ne ta, ei cawi ne ng’shüm law ba ciak, cawi ciah chang ah mäih ah kyak khai gui, käcung tui gha ne sihlüne ng’zan neta, tui aw ne ng’mang na ne, a gawn ket sei ng’shüm law ba ciah chang ah mäih ah kyak khai.

ISAIAH 52:7

Dimdeeih nak ah ng’thu, thuni law püi ne, khomhtung kau ne lawk ciah, shächang hmuh tu cu cäicat aih vai ah kyak ci nei! Ani naw näng nak ng’shäu neta Zion a pyen nak cu, “Na khanpughi cu ghangpughang nei!”