NAHUM 1:7 - Cho Bible Common Language 2016

⁷ Bawipa cu nik ci; Khüikha nak a gawk law ung A chang gui cu shungshet gui ci, Ani täng ah ng’hlat lawk ci gui cu, ani naw m’htei gui ci.

NAHUM 1:7 Referans Kwoze

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

NG’ÄI KYAH 3:25

Bawipa cu ani ung ng’ap ciah chang päng ah khan ah nik ci.

JOHAN 10:14

Kei cu htoshäm ni ah ka kyak ci, Kapa naw kei cu na hmat ci, kei naw phi Kapa cu ka hmat ci, acun ah mäih ah kei naw ka hto gui ka hmat gui ci, ngami naw phi kei cu na hmat ci gui. Kei cu ka hto gui ah hmawk ah sih vai ka yum ci.

SAM 100:5

Bawipa cu nik ci; A m’hni nak cu ng’täi ci, Ani ah bekhüt nak cu kä ng’pyi hlawt phung ci nei.

SAM 27:5

Geinvai yah ung ani naw a im ung na ng’yii sak ne; pum im kyong ah phyawn vai ah na thup ci, hlüng ciah lung tung khan ah na taih ne na phyawn ci.

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

SAM 1:6

Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

ISAIAH 25:4

Dukhaih ci la am geinka gui cu nang ung ng’yii ci gui nei, yaica nak ah akhin ung ngami cu phiawn nak gah ci gui nei. Pui khokhi ung ng’yii nak vai la mei k’cang ung ng’shung nak vai na pe gui ci nei. Chang m’ghämce naw sik khokhi ah mäih ah,

1 SHONTÄP NAK 16:34

Bawipa cu yei na vä, ani cu nik ci nei; ani ah m’hni nak cu khonglän ci nei.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

SAM 86:7

Ka taigü cu na m’shang ci sei, ka khüikha päng ung ka ning khü ci nei.

ISAIAH 32:2

Ngami tumat ci cu, khokhi ung ng’shung nak, puikhokhi ung ng’thuh nak ah hmun ah kyak khai gui nei. Ngami cu khong gau kho ung long tui ah mäih, ng’kiangma kho ung om ciah lung k’pou nu ah ang hnim ah mäih ah kyak khai gui nei.

SAM 25:8

A i ah kyasei ci ung Bawipa cu ng’düng ci, nik ci, Ani naw cheisho ci gui ami hteh nak vai lam m’thei gui ci.

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

SAM 71:3

Ka yii nak ah kya ne, m’gäi nak awn na shung vong ä, Nang cu ka yii nak la ka ng’shung nak ah na kyak ci.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

SAM 59:16

Cun ung phi kei naw na thagui ah mawng ng’äi kam’cu khai; A ngawi tä sei nam hni nak ah mawng m’lau ne ka ng’äi khai. Nang cu ka ning shung nak, khüikha yah ung ka ning yii nak ah na kyak ci.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

DANIEL 6:23

Ghangpughang cu yei aih neta, Daniela cu khui ungka ami yu so tuba vai ah ng’thu k’bäi ci. Cun ah kyasei ani cu yu so tuba ci gui. Ani cu Khanpughi ung ng’ap ciah kya ne, api ah phi kä leimbai sei hmuk ci gui.

ROMAN 11:22

Shin ung Khanpughi cu a i hlawk ah chang m’gein ci la, a i hlawk ah nget ngawng ciah mi hmuk ci. Khanpughi naw katnak bik ciah chang gui cu ak nuipai ah m’khom chaa gui ci. Cun ung phi nang mi cu a ning m’gein gui khin vai ah nami om ah a kyak ung, Khanpughi naw ning m’gein gui khenggeng ci; cun ah kä nami om ah a kyak ung nang mi cun phi chu pit ne ning ghawt gui khai.

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.

MATTHE 27:43

Ani cu Khanpughi yum ciah Khanpughi ah Htapa ah pyein ci maw! Cun ah kyasei Khanpughi naw am hni ah a kyak ung a tuhbäi k’phiawn sä,” cine shedam nak ci gui.

MATTHE 7:23

Cun ung phi cun ah chang gui-am, ‘Chang she gui aw, nangmi a i yah ung phi kä ka ning hmat gui man ci nei, ka pei ah kä om ne a hei ah hteit vä!’ cine ka kyak na gui khai.

EZRA 3:11

Ngami naw Bawipa m’hlüngtai nak ng’äi m’cu u ne, leng ba ba ne m’cu ci gui. Bawipa cu nik ci, ani naw Israel gui am hni nak cu khongtäi ci nei. Chang päng naw aktha avan la ne Bawipa cu m’hlüngtai ne m’lau ci gui. A i ah kyasei ci ung Taigüim ang nei cu tün ne m’düih ne bi pyi ah kyak ci.

2 SHONTÄP NAK 32:11

Bawipa nami Khanpughi naw keimi ah huham ungka ning hun gui khai ah Hezekiah naw ning pyen ah gui ne ma! Cun ung phi ani naw ning m’hleei gui ne ei cawi tui gha ne ning sih sak gui khai nei.

2 SHONTÄP NAK 32:8

Ani ung chang ah huham om ci, cun ung phi mikmi ung na m’htei gui ne, mikmi täng ah om ne ng’tuk bik ciah Bawipa mi Khanpughi om ci” cik ci. Chang gui cu ghangpughang ah thu pyen awn k’tha gui gah ci gui.

1 SHONTÄP NAK 5:20

Ngami naw ami Khanpughi ngaih u u ne, am hteihtang gui vai ah taigü ci gui, Khanpughi naw ami taigü ngaih pe gui ne, Hakrit gui la ami khochang gui ah khan ah näng na pe gui ci.

SAM 20:1

Na khüikha yah ung Bawipa naw na thu ning m’shang sä! Jakob ah Khanpughi naw ning m’htei sä!

SAM 37:39

Ng’düng ciah chang cu Bawipa naw hun ne, khüikha nak ung phi shung vong ci.

SAM 37:40

Bawipa naw ngami cu m’htei gui ne, gung gui ne; changshe ah kut ung phyawn gui ci, ngami cu ani ung ng’yii ci gui.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

JEREMIAH 17:17

Kei ah phäh ah kyih vai ah kä kya en sä; khüikha nak a gawk law yah ung kei ah phiawn nak hmun ah na kyak ci.

JEREMIAH 24:5

“Kei Bawipa, Israel khanpughi naw ka hmuh cu, Babilonia ah ami hteh püi gui cu shin ah thei akni ah mäih ah kyak ci gui, kei naw akni ah ka om püi gui khai.

JOEL 3:16

Zion m’htung khan ah ka naw Bawipa ng’hawh ci; ak aw cu Jerusalem ungka hmum kyeek lawk ci; Khomdek la khomik ng’thüng ci. Cun ung phi ani naw a chang gui shungvong gui khai.

ZEPHANIAH 3:12

A m’lung gei sei, am lung neim ciah chang gui cu a cu ah ka pawih na gui khai, ngami cu ka m’htei gui vai ah kei ah lawk khai gui.

2 SHONTÄP NAK 13:18

Cun ah kyasei Judah chang gui naw Israel gui ah khan ah näng nak gah ci gui, a i ah kyasei ci ung ngami naw ami pupa gui ah Khanpughi Bawipa ami ngaih u ah phäh ah kyak ci.

SAM 9:10

Bawipa, ning hmat ci gui cu, ng’ap lawk khai gui nei; Nang ah lawk ci a u phi nang naw kä na ma nak ci nei.

SAM 46:2

Cun ah kyasei, shihpi thüng ne, khomhtung gui pyawn ne tuinu ah ang dawn ung phi, mikmi ung kyih nak kä om khai nei;

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.