NAHUM 1:6 - Cho Bible Common Language 2016

⁶ Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

NAHUM 1:6 Referans Kwoze

JEREMIAH 10:10

Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

MALAKHI 3:2

Cun ung phi ani a law hnüüp ung a u naw khan hning khai aw? Ani ang dang law ung a u naw phyawn na hlawt khai aw? Ani cu theing khai ah m’si nak ah satpya, m’si shep nak ah mei ah mäih ah kyak khai nei.

NAHUM 1:2

Bawipa Khanpughi naw ani ng’längna püi cicu kä M’düm ci. Ani naw ani hnungtuk püi ci cu m’kyuk ci. A m’lungshe nak awn thung ba gui ci.

SAM 76:7

Cun ung phi nang Bawipa cu van naw ning kyih ci nei. Nang na m’lung she yah ung na ma ah a u kä ng’düi hlawt ci nei.

EZEKIEL 30:16

Kei naw Egypt cu mei awn ka m’khih khai, Pelusium cu ka natsak khai. Thebes ah mang gaw k’paang gui cu ng’gäi khai, mang gaw cu tui naw lin khai.

NG’ÄI KYAH 4:11

Bawipa naw akbe ah aktut ah m’lungso nak cu ng’hlat ne k’phian ci. Ani naw Zion ung mei cik sei, acun naw m’dek ung gawk khai ah ui ci.

NG’ÄI KYAH 2:4

Ani naw ga ah mäih ah amla cu mikmi täng ah bü ci. Mikmi naw mi yei nak la mi thamah nak avan cu ani naw ngawn gui ci. Shin ah Jerusalem ung keimi naw mei ah ui ciah m’lungshe nak cu kami khan ci.

ISAIAH 27:4

Kei cu sapyit lo ah phäh ah kä ka m’lungshe ba ci nei. Hnu ng’tuk püi vai ah hling ghing, hling shun gui bäng om ci nei, kei naw cun gui cu ka m’khih gui yawp khai nei.

ISAIAH 10:16

M’gäi ciah Bawipa naw tuhbäi phü khai ah ami m’bei gui ah khan ah m’kyuk nak vai ah gawpai nak gui tüi lawk ge khai nei. Ami pumsa kyong ah mei naw ui ne ui gui khai nei.

SAM 90:11

Na m’lungshe nak ah huham akbe a u naw hmat thei ne ang? Na ngetngawng nak naw a i hlawk ah kyih vai law püi hning ci cicu a u naw hmat ne ang?

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

1 GHANGPUGHANG GUI 19:11

Bawipa naw ani am, “Hteit ne m’htung lai ung kei ah ma ah ng’düi ä” ciah pyen nak ci. Bawipa naw sunpah ne hteit neta, khokhinu cu chah law sei, khomhtung gui pyawn ne, lung gui payak ci — cun ung phi Bawipa cu khokhi ung kä om ci. Khokhi ng’düm law khäta, shihpi thüng lawk ci — cun ung phi shihpi a thüng nak ung Bawipa kä om ci.

THU PHLAAN 16:8

Akphli nak ah khankho chang naw a eikbei ungka cu khohni ah khan ah yuk huk khätah hnii cu mei ah ng’ai ne cang ne chang ui yawp khai ah kya lawk ci.

THU PHLAAN 16:1

Cun kawn ah pum im ah kyong ungka naw khankho chang pachih-am “Khanpughi ah m’lungshe nak be ciah eikbei chih cu khomdek khan ah yuk hukä cine ng’hawh ne a pyein cu ka ng’yak ci.

THU PHLAAN 6:17

Ngami ah m’lungshe nak ah khaw hnüüp gawk law pyi ci nei, cun cu a u naw ng’düi ne awt hlawt khai yaw?” cine ng’khü ci gui.

JOB 40:11

Chang ah ng’shei ci gui cu teng gui ne, na m’lungshe nak cu yuk lawn ne, ng’neim sak gui ä.

SAM 130:3

Kami katnak gui na na m’hnüt pek gui ah akyak ung, a u naw m’kyuk nak ung nak phyawn gui hlawt khai aw?

ISAIAH 13:13

Kei, m’gäi ciah Bawipa naw, ka m’lungshe nak ka m’dang hnüüp ung, kei naw khankho ka thüng sak khai, khomdek cu amät ah om ah akpung ung thüng khai.

ISAIAH 66:15

Bawipa cu mei awn lawk khai. Ani cu am lungshe nak gui m’kyuk gui khai ah kuiphak ng’vai ung ng’cum ne lawk khai nei.

EZEKIEL 7:8

“A tuk bäi ge ung kei ah ka m’lungshe nak ah k’tut nak avan cu name gah khai nei. Nangmi naw name bi ah phäh ah kei naw ka ni ng m’khoi cha gui ci nei, nangmi naw name bi shemshai ci gui avan ah phäh ah kei naw ka ning pe ba gui khai nei.

EZEKIEL 21:31

Kei naw ka m’lungshe nak cu meidäi ah mäih ah na khan ah ka yuk lawn ung nang na yai khai nei. M’di nak ung bilo thei ciah chang m’ghomce gui ah kut ung ka ning ap khai nei.

EZEKIEL 39:6

Kei naw Makok ah khaw la a i naw kä tüihtok sei chang gui naw ami om nak ah tuikem avan cu mei awn ka m’khih khai, cun ung chang nü naw kei cu Bawipa ah na hmat khai.

ZEPHANIAH 2:2

Khawkhi naw kou ah mäih ah kä aning yon pha gui ung, mei ah däi ciah Bawipa ah m’lungshe nak nami khan ah kä a gawk law pha ung, Am’lungshe nak ah hnüüp kä a gawk law pha ung nami mät ng’ceet tu vä.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

JOB 9:5

Ani naw m’htung gui phi kä m’cäi bek ling ah m’hnawn ne am’lung she nak awn m’shet gui ci.

JOB 26:11

Khomik k’pang ci gui cu ani naw akshe nak gui ung ngami cu kyi ne ng’thüng ne ng’hlet ci gui.

SAM 76:8

Nang naw khankho ah hmat vai ah na m’khoi m’chak ci nei; khomdek cu kyi ne a düm ah om ci nei,

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

NG’ÄI KYAH 2:3

Ani naw am lungshe nak awn Israel gu ah thagui cu ng’phyekpai sak ci. Ga alaw sang ung ana m’htei gui vai ah ani mak ci. Ani naw nget ne mei ah mäih ah na hnungtuk püi gui ci, apäng cu m’di ci.