NAHUM 1:5 - Cho Bible Common Language 2016

⁵ Bawipa ah ma ah khomhtung gui thüng u ne, Khawgui gui ama ah ngüm ci gui. Bawipa angdang ung khomdek thüng ne, Khomdek khan avan la ak chang avan ng’hlet ci gui.

NAHUM 1:5 Referans Kwoze

MIKHAH 1:4

Mei ung khoi chap ah mäih ah khomhtung gui aka ah piawn khai gui; Khomhtung ung lut lawk ciah tui ah mäih ah ngami cu khaw ng’nawi ung pyäu ne long khai gui.

JEREMIAH 4:24

Kei naw khomhtung gui ka teng ci, ngami cu ng’thüng ci gui, khogui gui cu ng’hlet ci gui.

2 SAMUEL 22:8

Cun kawn ah khomdek ng’thüng ne thüüng ci; Khomik ah aphung akung cu hnün ne ng’khäi ci, A i ah kyasei ci ung Khanpughi m’lungshe sei nei!

HABAKKUK 3:10

Khomhtung gui naw ami ning hmuh ung ng’thüng ci gui, khomik ungka tui phu ne kya lawk ci. Khomdek ah kaa ah tui gui gaai ci gui, ami tui hnawk gui ak hlüng tho lawk ci.

SAM 68:8

Shihpi thüng ne, khomik ung ka tui kya lawk ci. A i ah kyasei ci ung Sinai Khanpughi, Israel Khanpughi a law ah hmawk ah kyak ci.

SUKI GUI 5:5

Khomhtung gui cu Sinai ah Bawipa, Israel gui ah Khanpughi, Bawipa ah ma ah thüng ci gui.

SAM 114:6

Khomhtung gui, a i ah kyasei mehta ah mäih ah nami ng’hlü ang? Khogui gui, a i ah kya sei htohta ah mäih ah, nami ng’htawt ang?

SAM 114:4

Khomhtung gui cu mehta ah mäih ah ng’hlü u ne, khogui gui cu htohta ah mäih ah ng’htawt ci gui.

SAM 98:7

Tuinu la acun ung om ciah akghing avan m’lau sä; khomdek la a cun ung om ci avan naw ng’äi m’cu sä!

SAM 46:6

Chang pakhui gui kyikyawk ci gui, uknak kho gui thüng kyüng ci gui; Khanpughi kho hmum sei, khomdek ng’phiüi ne long ci.

PHYAWN NAK 19:18

Sinai m’htung avan cu meikhu naw küm ci, a i ah kyasei ci ung a cun ah khan ah meikdäi ung Bawipa ah law sei kyak ci. Meikhu cu mei hung ungka ah mäih ah khu sei chang gui avan kyi aih ne ng’hlet ci gui.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

MATTHE 28:2

Cun yah ung shihpi ak tung ah thüng lawk ci. Khanpughi ah khankho chang cu khankho ah kaa kyum law ne, phuh hmun khui m’kawt khai nak ah lungnu cu lat netah, ak khan ah ngok ci.

MATTHE 27:51

Cun yah ung pum im kyong ah ami m’cha nak ah khingyih cu khan mawng ah kaa naw ka mawng ah khüt khai ah hnih ah ng’bou ne teek ci. Shihpi thüng ci, lung song gui piawn ne kya lawk ci gui.

THU PHLAAN 6:14

Khankho mik cu ca k’chaw ah mäih ah ng’chaw ne maih ci. Mhtung küi la khawgui avan phi ami om nak ungka ng’nawn yawp ci gui.

SAM 18:7

Khanpughi cu m’lung she sei, khomdek thüng ne, khomhtung ng’nawi gui cu ng’hlet ne ng’ng’tum ci gui.

ISAIAH 5:25

Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

ISAIAH 24:1

Bawipa naw khomdek cu m’shiü ne m’gämugang khai ah nawng khai. Ani naw khomdek ah hmai cn ng’phiui sak ne, a chang gui cu püi pyang sak gui khai.

ISAIAH 24:20

Khomdek amät cu awktat ciah chang ah mäih ah kyu shüi shüi khai, puikho khi ung phung hta ah mäih ah ng’khän shüi shüi khai. Khomdek cu a katnak naw geih khüp ci, cun cu yung kyak khai, a i sang ung phi kä tho law ba khai.

JOEL 2:10

Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.

ZEKHARIAH 4:7

Khomhtung teih ah däm ciah tüihtok nak gui cu nang ah ma ah maih yawp khai. Nang naw Taigüim cu na co ba khai. Nang naw ak hnukbäih ah lung cu a hmun ung na ng’lin yah ung, chang gui m’lau u ne, ‘Kiom ci nei! Kiom ci nei!’ ” cik khai gui.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

JOB 9:5

Ani naw m’htung gui phi kä m’cäi bek ling ah m’hnawn ne am’lung she nak awn m’shet gui ci.

JOB 26:11

Khomik k’pang ci gui cu ani naw akshe nak gui ung ngami cu kyi ne ng’thüng ne ng’hlet ci gui.

SAM 18:8

A hna ung mei khu thawk ne, a shai ung mei m’lei tawt ne, mei cak ng’ling ci.

SAM 104:32

Ani naw m’dek yuk teng sei, m’dek cu thüng ci, khomhtung gui tawk sei mei ah khü ci.

JEREMIAH 10:10

Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

EZEKIEL 38:20

Nga nü nü la kha nü nü, khisa ak zaw am kawm, khomdek khan ung om ciah hnicim chang nü naw kei cu na kyih ne ng’hlet khai gui. Khomhtung gui cu piawn khai gui, lung song gui ng’keeng khai gui, gaw k’paang gui nü cu ng’kia yawp khai.

AMOS 9:5

M’gäi ciah Uktu Bawipa naw m’dek cu tawn sei, ani cu ng’thüng ci; A cun ung om ci avan kyap ci. M’dek khan avan tho ne Nile tuinu ah mäih ah kyu ba ci.