NAHUM 1:2 - Cho Bible Common Language 2016

² Bawipa Khanpughi naw ani ng’längna püi cicu kä M’düm ci. Ani naw ani hnungtuk püi ci cu m’kyuk ci. A m’lungshe nak awn thung ba gui ci.

NAHUM 1:2 Referans Kwoze

ZEKHARIAH 8:2

“Kei naw a chang gui thuuk ciah ka m’hni nak awn Jerusalem cu ka m’htei khai ah ka k’bäi ci nei. Cun ah m’hni nak cu a ga gui ah na m’lungshe nak sak ah kyak ci nei.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

SAM 94:1

Bawipa, nang cu m’kyuk ciah Khanpughi ah na kyak ci; na m’lungshe nak cu ng’leet law sak ä!

PHYAWN NAK 34:14

“A hei khanpughi kä nami khawihnah vai, a i ah kyasei ci ung Kei, Bawipa m’tumtäng nak phung ka lum k’she nak ci nei.

JOSHUA 24:19

Joshua naw chang gui am, “Cun ung phi nangmi cu Bawipa ah bii bi vai ah kä nami khin khaa ci nei. Ani cu theingciim ciah Khanpughi ah kya ne, nangmi ah hmakat nak cu kä ning m’geinsei gui khai. Ani naw ng’kükneet püi ci a u phi kä m’gein ci,

HEBRU 10:30

“Kei naw phu phi ka tuk khai, pu phi ka thung khai, cine, Khanpughi naw ak chang gui cu ng’thumcha gui khai nei, ciah Bawipa cu mi hmat ci nei.

ISAIAH 42:13

Bawipa cu gaktu ah mäih ah ng’tuk bik khai ah lut lawk ci nei; Ani cu ng’tuk vai ah pawng ge ne ng’tawt sheng ci nei. Ani cu ng’tuk bi vai ah m’lau ne ng’hawh ci nei; Ani naw a ga gui hnung’tuk püi ne, a huham m’dang ci nei. Achang gui Am hteihtang vai ah Shaitak ci.

THULÄÄN NAK 4:24

A i ah kyasei ci ung Bawipa nami Khanpughi cu mei däi ah mäih ah kyak ci, ani cu a u naw phi ng’länna püi ne kä gah ci.

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

ROMAN 12:19

Teihpüi gui aw, phu kä nami tuk nüng nüng vai, Khanpughi amät naw katnak cu m’htei khai nei. Cacim theing ung, “Kei naw phu ka tuk khai, katnak ah ciah kei naw ka thung khai,” ci ne Bawipa naw pyein ci.

MIKHAH 5:15

Dämduh ciah ka m’lungshe nak awn, kä na ngai ciah pakhui avan ah khan ah phu ka tuk khai.”

JOEL 2:18

Cun kawn ah Bawipa naw a khonglei am htei nak m’dang ne; a chang gui chimgein gui ci.

EZEKIEL 39:25

Uktu Bawipa naw pyen ci, “Cun ung phi tuhbäi, Jakob ah htangshon Israel gui cu kei naw ka chimgein gui khai, ka ng’bühmang ba sak gui khai. Kei naw ka ming theing cu ka shungvong khai.

EZEKIEL 6:12

Asho nak ungka gui cu gaw ne sik khai gui; ang etnak ungka gui ng’tuk nak ung ngawn gui khai gui; k’pawih ba ci gui cu ei ah cawi ne sik khai gui. Ngami naw kei ah m’lungshe nak ah k’tut nak cu gah khai gui.

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

ISAIAH 51:20

Lam ah akit päng ung, na chang gui cu ami k’tha maih sei kiung’täng ci gui nei; Sa pha nak cuun ung awk ciah kigang ah mäih ah kyak ci gui nei.

ISAIAH 51:17

Jerusalem, ng’shüm law? Na mät naw namät m’tho ne, let law! Bawipa na a m’lungshe nak, na awk vai ah a ning pek ah m’kyuk nak ah khap cu na aw pyi ci nei; Nang naw na yuk awk te, a cun naw ning phiui ci nei!

JOB 20:23

Ani naw ang yak hlü avan cu ei sä, Khanpughi naw m’lung sou ne m’lungshe ne m’kyuk khai nei.

TAIGÜTHUM 26:28

kei naw m’lungshe nak awn nangmi ah khan ah ng’hlat law ne, ayan ä kaa ah tah, ak chih ah ka pi khai ah ka ning m’kyuk gui khai.

ROMAN 13:4

A i ah kya sei ci ung, ani cu nang ah ni nak vai ah Khanpughi naw ak chang ah am düih ah kyak ci. Cun ung phi katnak na bi ah a kyak ung ani cu na kyih vai, aniung akcang ah shet m’kat nak vai ah huham nak cu om ci. Ani cu Khanpughi ah changshäm ah kya ne, katnak bik ciah chang gui cu Khanpughi ah huham awn m’shetkat gui ciah kyak ci.

ZEKHARIAH 1:14

Khanchang naw M’gäi ciah Bawipa ah ng’thu ka shä vai ah ana m’thein cu, “Theingcim ciah Jerusalem ka mang gaw cu, kei naw ak thuuk ah m’hni ne ka ng’ä nak ci nei.

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.

EZEKIEL 38:18

Uktu Bawipa naw pyen ci, “Kok naw Israel a tuk law hnüüp ung kei cu ka m’lungshe khai.

EZEKIEL 36:6

“Cun ah kyasei Israel khaw ah khan ah ng’cängbang ä, Kei, uktu Bawipa naw, m’thüikhang m’lungshe ne ka pyen cu khomhtung gui, khogui gui, tuilawng gui, khongnawi gui am m’thein ä, a i ah kyasei ci ung changpakhui gui naw shedam na gui ne ami yawshe nak gui ah phäh ah kyak ci.

EZEKIEL 8:18

Ngami naw kei ah m’lungshe nak akbe ah gah khai gui. Kei naw ngami kä ka k’phiawn gui khai, chimgein nak kä ka m’dang gui khai. Ngami cu ami m’lau hning ah m’lau u ne kei ah taigü khai gui, cun ung phi kei naw kä ka ngai gui khai.

EZEKIEL 5:13

Kei ah ka m’lung kä a gei ba pha ah chuih nang mi naw kei ah m’lungshe nak avan cu ak nmi ah name khan khai. Shin gui a kyak law ung, kä name bekhüt ah phäh ah, kei uktu Bawipa naw ka ning m’lungshe nak gui cu name hmu lawk khai nei.

NG’ÄI KYAH 4:11

Bawipa naw akbe ah aktut ah m’lungso nak cu ng’hlat ne k’phian ci. Ani naw Zion ung mei cik sei, acun naw m’dek ung gawk khai ah ui ci.

JEREMIAH 36:7

Ngami cu Bawipa ah k’taigü u ne akshe ami bi nak ungka naw ng’hlat tei law hman khai gui, ciah kyasei ci ung Bawipa naw a chang gui cu kyih vai kyak ciah amlungshe nak la a nget nak awn om püi gui ci.”

JEREMIAH 25:15

Bawipa, Israel khanpughi naw na pyen nak ci, shin ung sapyit tuikhap, kei ah m’lungshe nak awn be ci. La ne, kei naw ka ning tüih law ah changpakhui avan am awk sak gui ä.

JEREMIAH 3:5

Nang cu akphlüt sei kä na m’lungshe ci; nang naw khonglän ung kä na na thüi nak ci. Israel, cun cu nang naw na pyen ak kyak ci, cung ung phi nang naw akshe cu na bi hnign ah na bik ci.”

ISAIAH 66:15

Bawipa cu mei awn lawk khai. Ani cu am lungshe nak gui m’kyuk gui khai ah kuiphak ng’vai ung ng’cum ne lawk khai nei.

THULÄÄN NAK 7:10

Cun ung phi ani thüi nak ci gui m’kyuk vai ah kä shoshü ci.

JEREMIAH 28:8

Caupui, ka la nangmi ah khin ah kä a kyak pha ung prophet gui naw ng’thu pyen ne ami ng’cäbang cu, ng’tuknak, ei cawi nak la gawpyam nak gui cu changpakhui akda la huham mak ciah uktu khaw gui al khan ah gawk lawk khai, ciah kyak ci.

EZEKIEL 38:19

Kei naw angdang ah ka pyen cu, cun ah hnüüp ung kei ah ka m’lungshe nak ah ang ling naw Israel khaw cu aknui ah shipi ah thüng sak khai.

PHYAWN NAK 34:7

Hta ng’shon phia gha gha ung ka shaitak cu ka shum khenggeng ci, akshe la katnak cu ka m’geinsei ci. Cun ung phi kei naw ami pupa gui ah shetkat ah phäh ah ami hta ng’shon ak thum nak la ak phli nak khüt khai ah kä m’kyuk gui ah kä ka om khai nei” cik ci.

KHEI NAK 25:11

Phinehas ah abi ah phäh ah Israel chang gui ah khan ah kä ka m’lungshe ba ci nei. Ani cu kei ah kawn ah a hei khanpughi khawihnah vai cu mak ci. Kei bäng na khawihnah ci, cun ah kyasei kei naw ka m’lungshe nak awn ngami kä ka m’di gui ci.

JEREMIAH 50:15

Mang gaw avan veing ne ng’tuk nak cu m’lau vä! Tuhbäi Babilon naw a kut chah ci nei. Akpaang gui cu m’shet ne gäi ci gui nei. Kei naw Babilonian gui ah khan ah phu ka tuk ci nei. Cun ah kyasei ngami ah khan ah phu tuh vä, chang hei gui ami om püi gui ah mäih ah om püi gui vä.