NAHUM 1:15 - Cho Bible Common Language 2016

¹⁵ Teng vä, ng’shä chang cu khomhtung khanah ng’thuni awn law pyi ci nei! Judah chang gui mang yu sa ne, khanpughi am bä ciah nami shaitaak cu pe vä! Changshe gui naw nami khaw kä plawh ba khai gui. Ngami ami van cu di maih pyi ci gui nei!

NAHUM 1:15 Referans Kwoze

ISAIAH 52:7

Dimdeeih nak ah ng’thu, thuni law püi ne, khomhtung kau ne lawk ciah, shächang hmuh tu cu cäicat aih vai ah kyak ci nei! Ani naw näng nak ng’shäu neta Zion a pyen nak cu, “Na khanpughi cu ghangpughang nei!”

ROMAN 10:15

Thu ng’shäu khai a u naw kä a tüih ung, a u naw thu ng’shäu ne pyein khai ang! Cacim theing naw, “Thu Ni yon lawk ciah thukpüi gui ah law nak cu ng’khän häih häih ci nei”,

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

LUKA 2:10

Khankho chang naw, “Kä kyikyawk vä, chang avan naw ang htei ah a yeikyai nak vai ah ng’thu Ni cu nangmi ah hmawk ah ka law püi ci nei.

LUKA 2:14

“A hlüngtai säih Khanpughi ah bämang nak cu, khankho ah be sä, khomdek khan ung phi ding gei nak om sä, am hni ah chang gui ah khan ah m’gein nak om sä” cine Khanpughi m’hlüngtai ne ng’äi m’cu ci gui.

JOEL 3:17

“Israel gui, nangmi naw nami hmat khai, Kei cu Bawipa nami Khanpughi nei. Kei cu ka khomhtung theing Zion ah khan ah ka om ci. Jerusalem cu mang gaw theing ah kyak khai; Akho hei chang gui naw kä näng ba phung khai gui.

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

SAM 107:15

Ng’täi ciah am hni nak la ngami ah hmawk ah cäicat vai gui abi ah phäh ah Bawipa cu m’hlüngtai u sä.

SAM 107:8

Bawipa ah ng’täi ciah am hni nak la ngami ah hmawk ah cäicat vai gui abi ah phäh ah m’hlüngtai u sä.

TAIGÜTHUM 23:4

Shin ah pawi gui cu k’bäi nak ah khin ung ami bi vai.

TAIGÜTHUM 23:2

Yumnak pawi gui ah mawng shin ah thungyo gui cu pek ci. Cun cu Israel chang gui khawihnah vai ah ami ng’bum yah ung ah kyak ci.

NAHUM 1:14

Shin cu Assirian gui ah khan ah Bawipa naw Am khoicha nak ah kyak ci: “Ngami ung ami ming thung khai ah htangshon kä om ba khai. Ami Taigüim ung ami khanpughi ah a gup gui cu ka m’di yawp khai. Kei naw Assirian gui ah ng’ciim hmun ka piang ci — ngami ami ghin ba vai kä khin ci!”

ISAIAH 41:27

Zion am m’thein htük cicu kei, Bawipa ah kyak ci nei; kei naw Jerusalem ah ng’shä tüi ne ka pyen sak cu, ‘Na chang gui lawk ci gui nei! Ngami cu ami im ah law ba ci gui nei!

ISAIAH 42:11

Khaw ng’gau khaw la cun ung om ciah gawnu gui khanpughi cu m’tam vä; kedar chang gui ani cu m’tam vä! Sela mang gaw ung om ciah chang gui m’htung lai gui ung ng’düi ne, yei ne m’lau vä!