NAHUM 1:10 - Cho Bible Common Language 2016

¹⁰ Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

NAHUM 1:10 Referans Kwoze

MIKHAH 7:4

Akni pi la akbä pi gui cu ng’hling ah mäih ah akholä ah kyak ci gui. Khanpughi naw ngäng ci gui ah prophet gui am thu a pyen nak ah mäih ah chang gui am kyuk nak gui vah ah hnüüp gawk lawk ci nei. Ngami cu ng’thääk yawp ci gui nei.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

NAHUM 3:11

Nineveh, nang phi tui kha li ng’lung ung na lut khai. Nang phi na ga gui ah kut ung na phiawn vai ah Na k’tha nak khai.

ISAIAH 9:18

Chang gui ah cheishoh nak naw hling k’cam la hling gui mei naw a uih ah mäih ah ui ci. Cun cu bung hmu mei naw ui sei meikhu a tawt ah mäih ah ui ci.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

JEREMIAH 51:57

Kei naw ami uk tu gui — cüivai chang gui, ami ng’vai gui, gakap gui cu awktat khai gui ah ka ci gui khai. Ngami cu hteit ne ip u ne kä ng’shüm law ba khai gui. Kei, ghangpughang naw ka pyen nei; kei cu m’gäi ciah Bawipa nei.

JEREMIAH 51:39

Ngami cu ei aw hlü aih u ne ang? Kei naw ngami ah phäh ah ei pawi pyang pe gui ne, awk sak gui ne ka yei sak gui khai. Ngami cu ip u ne kä ng’shüm law bap hung khai gui.

ISAIAH 27:4

Kei cu sapyit lo ah phäh ah kä ka m’lungshe ba ci nei. Hnu ng’tuk püi vai ah hling ghing, hling shun gui bäng om ci nei, kei naw cun gui cu ka m’khih gui yawp khai nei.

SAM 68:2

Meikhu cu khu ne a zon mäih ah ani naw k’täm gui ci. Mei ah pei ah khoichap tui ne alon ah mäih ah changshe gui cu Khanpughi ah ma ah di ci gui.

2 SAMUEL 13:28

Achangshäm gui cu m’cäi gui ne, “Nami geing nak vai, Ammon naw akdäm a awk law ung, ka ning khü gui khai, nami ngawn vai, kä nami kyih vai. Kei naw ka mät ah bi vai cu ka bik khai. Nami nget vai, kä nami kut ng’gin vai!” cine m’cäi gui ci.

1 SAMUEL 25:36

Abigail cu Nabala ah hteit ba ci, cun yah ung ani cu ghangpughang ah pawi ah mäih ah a im ah bik ci. Ani cu awktat ne, yei ne om ci, cun ah kyasei a chu naw a ngawi ung khaw ngawi güt a i kä m’thein ci.

SAM 118:12

Ngami naw khoi gui ah mäih ah na vum ci gui, cun ung phi ng’hling mei ah uih ah mäih ah pyäm ci gui; Bawipa ah huham awn kei naw ka m’di gui ci.

ISAIAH 47:14

“Ngami cu kou ah mäih ah kyak ci gui, mei naw m’khih gi yawp khai! Ngami cu ami mät naw ami mät hun vai ah phi kä näng khai gui meidäi cu ngami ah phäh ah ling aih khai, mei awm vai ah mäih düt ah kä kyak ci.

ISAIAH 56:12

Shin ah awktat ci gui naw, “Sapyit tui cu la ne, aknui ah mi awk khai nei? Ngawi ng cu thungawi ah ta bä tuba khai nei” cik ci gui!

PHYAWN NAK 5:12

Cun ah kyasei chang gui naw Egypt khaw avan ung hteit ne htang gong shui ci gui.

PHYAWN NAK 15:7

Na m’khüt nak ah näng nak awn na ga gui cu na küm gui ci; Na m’lungshe nak cu mei ah lut law ne khu chawng ah mäih ah ui gui ci.