MIKHAH 7:6 - Cho Bible Common Language 2016

⁶ Tuhchü hta gui naw ami pa akgu ah mäih ah kyak nak khai gui, hta hnumi gui naw ami nu hnungtuk püi khai gui, hta ah chu gui naw ami pighi ng’vook püi khai gui. Chang ah aga cu amät ah kyong chang ah kyak ci.

MIKHAH 7:6 Referans Kwoze

LUKA 12:53

Apa la a hta, anu la a hta, a hta la akchu la acei ah nu ami van ng’phyeekpai yawp khai gui nei” cik ci.

MATTHE 10:21

‘Chang phäi nau gui tumat la tumat sih nak ung ng’ap tuk khai gui, nupa gui naw ami hta gui sih nak ung ap khai gui, ami hta gui naw phi, ami nupa ah m’cäi kä ngai ne ngawn phak khai gui.

SAM 41:9

Ka teihpüi ni pi, ka ngaih u pi bäih, ka ei vai phi k’pai ne ka ei püi, Naw phi ng’hlat ne na hnung’tuk püi ci nei.

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

JOHAN 13:18

“Nangmi nami van ka ning pyein gui ah kä kyak ci; ka ning ghü gui ah kyasei ka ning hmat gui yawp ci. Cun ung phi cacim ung, “Kei ah buh ei ci naw kei na khep ba ci nei” cicu kümbe khai nei.

NG'THU K'THUUK~ 30:11

Apa plahtam ne anu kä yum ngak ciah chang amshah om ci,

LUKA 21:16

Nami nupa, phäi nau, mätyah gui naw gaa ah kut ung ning ap gui khai gui. Nangmi ungka amshah cu ngawn khai gui.

MATTHE 26:23

Bawipa Jesuh naw, “Kei awn a täng ah ei-bei ät ung ei ciah chang naw kei cu ga ah kut ung na ap khai nei.

OBADIAH 1:7

Nami ng’khawt püi gui naw ning m’hleei gui ci gui, Ngami naw nami khaw ungka ning k’täm gui ci gui, Ning dimdeeih püi gui ciah chang gui naw tuhbäi ning näng gui ci gui. Atäng ah nami ei awk ciah nami teihpüi gui naw nami awh nak vai cuun cuung ci gui. Ngami naw ning pyen na gui ci gui, ‘Ani ah lunglang nak cu a hawi ang?’ cik ci gui.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

JEREMIAH 12:6

Na mätyah gui, na kyong khui chang gui phi nang ung kä bekhüt ci gui nei; Nang ning hma ne ning hnungtuk püi ci gui ung ng’dawn tuk ci gui nei. Ngami naw ng’khawt nak ah ng’thu awn ami ng’htau ung phi, kä na ngaih gep en gui vai nei.”

NG'THU K'THUUK~ 30:17

Apa gaih m’gin ne ghi lawk ciah anu päipih ciah chang cu langta gui naw ei khai gui nei, kaap gui naw amik kawih khai gui nei.

2 SAMUEL 16:11

David naw Abishai la a bawi gui ami van am, “Ka mät ah hta naw na ngawn khai ah tha nak ci nei; a i vai shin ah Benjamin chang gui ah phäh ah nami cäicat ang? A shai vai ah Bawipa naw am thein nei; cun ah kyasei amät nawng vä, am hni ah bi sä.

ATÜNNAK 49:4

Nang cu tuiklaw ah mäih ah na kyak ci. Cun ung phi nang cu aküikyang pi ah kä na kyak khai, A i ah kyasei ci ung kei ah ka chuba ih püi ne, na pa ah ihphak cu na shetkat sak ciah kyak ci.

ISAIAH 9:19

A i ah kyasei ci ung m’gäi ciah Bawipa cu m’lungshe ci, ami ah m’kyuk nak naw khaw avan cu mei ah mäih ah ui ci, Chang avan m’di ci, cun cu a chang ami ah phäh ah kyak ci.

JEREMIAH 9:4

Chang päng naw a teihpüi cu ngaih nak khai, a u naw phi a phäi nau kä ngaih gep khai; phäi nau päng cu Jakob ah mäih ah hleei hlak ne, chang päng naw a tein püi ah a hmai m’shet ci.

ISAIAH 3:5

Chang päng naw chang nü ah khan ah ei hlü mang phya khai. Hmaw chang gui naw ami ng’vaihta gui kä chang m’sui khai gui, kä chang man gui naw chang man gui cu kä chang m’sui khai gui.