MIKHAH 7:5 - Cho Bible Common Language 2016

⁵ Na teihpüi na paw chang phi kä na yum vai. Na chu phi geing na ne na ng’thu püi vai.

MIKHAH 7:5 Referans Kwoze

JEREMIAH 9:4

Chang päng naw a teihpüi cu ngaih nak khai, a u naw phi a phäi nau kä ngaih gep khai; phäi nau päng cu Jakob ah mäih ah hleei hlak ne, chang päng naw a tein püi ah a hmai m’shet ci.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

SAM 41:9

Ka teihpüi ni pi, ka ngaih u pi bäih, ka ei vai phi k’pai ne ka ei püi, Naw phi ng’hlat ne na hnung’tuk püi ci nei.

SAM 141:3

Bawipa, ka m’gawng cu na ngäng pe ä, ka m’nei m’kawt cu na k’bawm ä.

NG’ÄI KYAH 1:2

Ayanä a teihpüi mang gui ami van naw tumat naw phi kä shungvong ci gui. Amü pum ani cu kyap sei, ang phlitui gui ang being ung yu ling vük ci gui nei. Ang khawt püi mang gui ami van naw kä bekhüt u ne, tuhbäi ami van naw hnungtuk püi ci gui nei.

SUKI GUI 14:17

Ani cu mang-ei pawi ah hnüüp chih pum ung cun ah phäh ah kyap ci. A hnüüp chih hnüüp ung, akchu naw naksou na aih khäta, thuzi ah mawng cu m’thein ci. Cun kawn ah akchu naw Philistin gui am m’thein gui ci.

SAM 38:14

Kei cu a i kä ng’yak ne, a u kä m’shang thei ciah mäih ah ka kyak ci.

JEREMIAH 9:3

Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”