MIKHAH 7:2 - Cho Bible Common Language 2016

² Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

MIKHAH 7:2 Referans Kwoze

SAM 12:1

Na m’htei gui ä, Bawipa! Changni maih ne; Chang man kä om ba ci nei.

ISAIAH 57:1

Chang k’ni gui cu sik ci gui, cung ah mawng cu a u naw kä hmat ci, a u naw i ah kä ngai ci. Cun ung phi ngami ami sih ung sih kiuk nak naw kä k’et ba gui ci.

JEREMIAH 5:26

“Ka chang gui ah ng’lung ah akshe bik ci gui phi ng’caw tuk ci gui, kha pha nak vai ah ng’vai kiung ciah ah mäih ah ngami naw ng’zän ne ngäng ci gui, cun ung phi ngami ah ami cuun cu chang pha nak vai ah kyak ci.”

ISAIAH 59:7

Nungmi cu ang däih ah akshe bi vai ah nami pawng m’thein ci, acun cu akghat ah bi vai ah nami naing ci. Nangmi cu changui nagawn vai ah nami kut kä ng’gin ci. Nangmi nami hteh nak päng ah dishum nak bäng k’pawih shüt ci ci,

NG'THU K'THUUK~ 1:11

Avaisü ah ngami naw, “law ä, chang shui ne mi ngawn kaw! Changni cu gaih vai ah ming’tuk püi kaw!

JEREMIAH 16:16

Bawipa naw pyen ci, “Law ne shin ah chang gui pha gui khai gui ah kei naw ngakpha chang akda ka tüi ci. Cun kawn ah kei naw sak züh gui akda ka tüi ci, ngami nawkhogui khomhtung päng gui la lungkhui gui ung züh gui khai gui.

1 SAMUEL 24:11

Teng ä, ka pa, na suinu ah mawng at ne ka kawt ci! Kei naw ka ning ngawn hning te ci. Cun ung phi na suinu bäng ka at ci. Kei naw nang kä ka ning hnu ng’tuk püi hlü nak la kä ka ning bi hlü cu a shin naw ning hmat sak ci nei. Nang ung a i hma nak kä ka bi ngä sei phi, nang naw kei na na ngawn khai ah na na ga nak ci.

MIKHAH 3:10

Nangmi naw Khanpughi ah mang gaw, Jerusalem cu ngawn sih nak la kä taga ciah khan ung nami co ci.

NG’ÄI KYAH 4:18

Ga naw na ngäng gui ci, mikmi lam ung phi kä mi hteit hton hning ci. Mikmi ah hnüüp gui cu ng’phlan pyi ci, khaw ang pyi nak cu gawk lawk ci.

JEREMIAH 5:16

Ngami ah likap gui cu m’gäi ciah gakap ah kya u ne, m’gei nak kä om sei ngawn phak ci gui.

NG'THU K'THUUK~ 12:6

Changshe gui ah ng’thu cu ngawn sih nak vai kyak ci, Cun ung phi düng ciah chang ah ng’thu naw kyikyawk ci gui gung gui ci.

SAM 57:6

Ka gaa gui naw ami na pha nak vai ng’vai cung ci gui; kei naw thüi lü nak awn ka phlän ci. Ngami naw ka lam ung m’vam co ci gui, cun ung phi ami mät kya ba ci gui.

1 SAMUEL 26:20

A khaw lei hei, Bawipa awn ng’shawng nak ung, kä na ngawn en u sä. A i ah kyasei Israel ghangpughang naw ng’hli ah mäih ah kei cu law ne ana ngawn hlü ang? A i ah kyasei bung ah kha ah mäih ah kei cu ana yäi ang?

SAM 10:9

ani cu phongkawng ah mäih ah ang’thup nak ung om ne ng’däät ci. Ani naw dukhaih cicu ngäng ne m’hleei ci. Dukhaih cicu ani naw, a cun ung pha ne hteh püi ci.

ISAIAH 9:19

A i ah kyasei ci ung m’gäi ciah Bawipa cu m’lungshe ci, ami ah m’kyuk nak naw khaw avan cu mei ah mäih ah ui ci, Chang avan m’di ci, cun cu a chang ami ah phäh ah kyak ci.

JEREMIAH 8:6

Kei naw gaung na ne ka ning ngai gui ci, cnun ung phi nangmi naw düng ciah thu kä nami pyen ci. Nangmi ungka tumat naw phi nami cheishoh nak ah phäh ah kä nami a yä ci; nangmi ungka tumat naw phi “A i ah a hma ka bi ne?” cine kä nami ng’shik ci. A chang nü cu ng’tuk nak ung hteit khai ah ng’se ah ng’güüt ah mäih ah amät ah lam phäh phäh nami k’pang ci.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

EZEKIEL 24:6

Shin cu uktu Bawipa ah n’thu pyen nei: Chang ngawn nak ah mang gaw cu ng’ziin ci nei! Cun cu hnü ät phi k’tuh ne kä m’si man ah hnai kai ciah kyei k’am awn täng ci nei. K’am ungka meh cu m’ta ät kawn ah m’ta ät kä k’pawih khai ah la vä.

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,

MIKHAH 2:8

Bawipa ah m’shan nak cu, “Kei ah chang gui cu ga ah mäih ah nami tu gui ci. Chang gui cu ng’tuk nak ungka law ba u ne, im ah ngaih gep ne om vai ah ngai ci gui. Cun ung phi nangmi naw ami sui nami m’guk khai ah nami ngäng ci.

MIKHAH 3:2

akni cu thüi na ne, akshe cu nami m’hni ci nei. Ka chang gui ah ak ghing ah vun nami lim ci, ami guh ung kawp ciah sa phi nami sei ci nei.

ZEKHARIAH 11:6

(Bawipa naw, “Kei naw khomdek khan ung a u phi kä ka m’gein ba khai. Kei ka mät naw chang avan cu ami mät uk gui ci gui ah huham ah ka ah ka tha gui khai. Uktu chang gui naw khomdek khan cu m’di m’shum khai gui. Ngami ah huham ah ka ungka kei naw kä ka hun gui khai.”)

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

ISAIAH 3:5

Chang päng naw chang nü ah khan ah ei hlü mang phya khai. Hmaw chang gui naw ami ng’vaihta gui kä chang m’sui khai gui, kä chang man gui naw chang man gui cu kä chang m’sui khai gui.

HOSEA 6:9

Taigü gui cu chang guttep khai gui ah ng’mah ci gui ah m’guk ei ng’bum gui ah mäih ah kyak ci gui. Theingcim ciah hmun shekhem ah hteh nak lam ung phi chang ngawn ci gui. Ngaminaw shin ah mäih ah akshe avan cu ngaih-tüh ge neta bik ci gui.

LAMKTU 24:9

Judah chang khli gui cun naw phi, “Ani ah pyein gui cu ak cang bäng bäng nei” cine, Paul cu ng’lung nah ne k’sung ci gui.