MIKHAH 7:19 - Cho Bible Common Language 2016

¹⁹ Nang naw na na chimgein ba gui khai. Kami katnak cu na khaw awn leh ne, kami cheishoh nak cu tuinu ah ng’lung ung na shum yawp khai.

MIKHAH 7:19 Referans Kwoze

ISAIAH 38:17

Kei ah ka khaa nak shi, dimdeeih nak ah ng’hlat khai nei. Kyihkyawk nak avan ung na na m’geinsei ci nei.

JEREMIAH 50:20

Cun ah khin a gawk law ung Israel ah katnak kä hmuh ba vai, Judah ung cheishoh nak kä om ba khai, a i ah kyasei ci ung kei naw phiawn ngäsei ghing ci gui cu kei naw ka m’geinsei gui khai. Kei Bawipa naw ka pyen nei.”

ROMAN 6:14

Kat nak cu nami bawimang ah kä kya en sä; nang mi cu thukhän ah kaa ah kä nami om ci, Khanpughi ah m’gein nak ah kaa ah nami om ci nei.

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

SAM 103:12

Hni law kho cawi la hni kyak kho cawi ah ng’shawng ah mäih ah, Ani naw mi katnak cu na ng’shawng sak gui ci.

1 JOHAN 3:8

Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.

ROMAN 8:13

Nang mi cu hnicim chang ah ng’yak hlü ah nami om ah a kyak ung nami sik khai nei, cun ung phi nami shetkat nak cu Mumcha Theing awn nami sih sak ah a kyak ung ghin nak nami gah khai nei.

HOSEA 14:4

Bawipa naw pyen ci, “Ka chang gui cu kei ah ka law ba sak gui khai. Ka m’lungkyong avan awn ka m’hni gui khai. Kä ka m’lungshe na ba gui khai.

SAM 130:8

Ani naw a chang gui Israel gui cu ami katnak avan hun gui khai.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

NG’ÄI KYAH 3:32

Ani naw ayä nak ung na law püi gui khai, cun ung phi ani ah na m’hni nak gui cu ng’hteicha ne khüighat ci.

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

THULÄÄN NAK 32:36

Ami thagui ng’pyi sei a hmuh gui ung, Bawipa naw a chang gui cu gung gui khai. Am gein kaa ah kya u sei a hmuh gui ung, Abii bik ciah chang gui cu Bawipa naw chimgein gui khai.

THULÄÄN NAK 30:6

Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.

THULÄÄN NAK 30:3

Bawipa nami Khanpughi naw ning chimgein gui khai. Ani naw a ning püipyang sak nak gui ah chang gui ah khaw ungka naw ning law püi ba gui khai. Cun kawn ah ning bühmang sak ba gui khai.

HEBRU 8:12

Kei naw ami shetkat nak gui cu kam gein gui khai, Ngahmi naw ami cheishoh nak gui kä shüm ba khai gui,” cine pyein ci.

ISAIAH 33:24

Mi khaw ung om ciah chang tumat naw phi, gawpyam ciah pyen ne ng’thu kä m’da ba phung khai, katnak avan cu m’gein sei nak om khai.

JEREMIAH 33:8

Kei na hnungtuk püi ne ami katnak gui cu ka m’si pe gui khai, ngami ah ami katnak la ami hnungtuk nak cu kei naw ka m’gein sei gui khai.

EZEKIEL 18:22

Ani ah katnak avan cu m’geinsei vai, ani cu ghing khai, a i ah kyasei ci ung ani naw hman cicu bik ci.

HOSEA 14:2

Bawipa ah ng’hlat ba vä, shin ah taigü nak cu ani am nai douthak ah ky a sä. “Kami kat nak avan na m’geinsei gui ne, kami taigü na dou pe gui ä, Keimi naw kami shaitak ah mäih ah kami ning m’hlüngtai khai nei.

ZEKHARIAH 3:4

Khanchang naw acun ung om tuk ciah a chang gui am, “Shin ah chang ah suishe cu suut ne ghawt vä” ci neta, Joshua am, “Na katnak ka ning ghawh pe pyi ci, na sui vai sui akthai ka ning pek khai” cik ci.

2 SAMUEL 24:14

David naw, “Tuh bäi kei ung ng’cet lawk ci nei! Cun ung phi chang naw ana m’kyuk vai kä ka ng’ya hlük ci. Bawipa amät bäng naw mikmi na m’kyuk gui sä, ani cu chi m’gein ciah kyak ci.”

SAM 85:3

Ngami ah khan ah nam’lungshe nak cu maih sak ne, na ngetngawng nak cu na pyei sak ci.

NG’ÄI KYAH 3:22

Bawipa ah kä yung kyak ciah am hni nak la a chimgein nak cu ng’täi lä ci nei.

EZEKIEL 39:29

Kei naw Israel chang gui ah khan ah ka mümcha cu ka yuk chah khai, kä ka ng’hlah ta ba gui phung khai. Kei uktu Bawipa naw ka pyen nei.