MIKHAH 7:14 - Cho Bible Common Language 2016

¹⁴ Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.

MIKHAH 7:14 Referans Kwoze

MIKHAH 5:4

Ani a law ung a chang gui cu Bawipa ungka lawk ciah thagui la amät Bawipa Khanpughi ah m’gäi nak awn uk khai. A chang gui cu phiawng ne om khai gui, m’dek khanchang van naw an ah dämduh nak cu m’taam khai gui.

ISAIAH 49:10

ngami cu kä cawi phung, kä gha phung khai gui. Ngami m’hni gui ci naw lamshüm gui ci kya sei, khohni ling la khong’gau kholing naw kä nat sak gui khai. Ani naw tuilawng gui ah om nak ah hteh pui gui khai.

AMOS 9:11

Bawipa naw, “Kei naw David ah uknak khaw ka cawh kyan ba nak vai ah akhin cu gawk lawk ci nei, cun cu ng’phyek ciah im ah mäih ah kyak ci nei. Akpaang gui cu piang ba ne, ka bum gui khai. Cun cu kei naw co ba ne, acau kaa ah mäih ah ka pyang ba khai nei.

ISAIAH 40:11

Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.

ISAIAH 37:24

Hlüng pibäih ciah Lebanon khomhtung gui, na yatha gui avan awn na näng ah mawng khähghah nak vai ah na chang-shäim gui na tüi lawk ci nei. Nang naw a ng’shäi pibäih ah ceda sing ghing gui, akni pibäih ah m’htai ghing gui cu chu pit yawp ne, ak thuk nak pikbäih ah bungpuk ah na gawk awn na khähghäh ci nei.

SAM 100:3

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

SAM 95:7

Ani cu mi Khanpughi, mikmi cu am hteihtang ah chang, a tu m’bei ah htome ah mi kyak ci. Tuh ngawi ani naw a i a pyen cu nami ngaih vai nei;

SAM 28:9

Bawipa, na chang gui cu hun gui ä, na chang gui cu hrilham pe gui ä. Ngami ah htoshäm ah kya ne, angtäi sei m’hteihtang gui ä.

JOHAN 17:16

Kei cu khomdek khan awn kä ka ng’guiphaa ah mäih ah ngami phi kä ng’guiphaa ci gui.

MATTHE 2:6

‘Judea kho ung om ciah Bethlehem gawnu, Nang cu Judea kho gawnu gui ung, Ak yaw pibäih ah kä na kyak ci nei, Ka chang Israel gui, lam shüm gui khai cu, Nang ungka dang lawk khai nei’ ciah om ci,” ci ne m’thein ba gui ci.

MALAKHI 3:4

Judah la Jerusalem chang gui naw ami law püi ah pektak nak cu cau kaa ah mäih ah Bawipa naw yei nak khai nei.

ZEPHANIAH 3:13

Pawih ba ciah Israel chang gui cu, chang ah khan ah kä cheishoh khai gui, ami hleei kä pyen khai gui, kä thuvi khai gui, ngami cu bämang m’lung üp khai gui, a u phi kä kyih khai gui.”

NG’ÄI KYAH 5:21

Bawipa, na om nak ah na hteh püi ba gui ä, na hteh püi ba gui ä. Acau kami bämang nak man cu na m’thawh pe ba gui ä.

ISAIAH 65:10

Ngami naw kei cu na khawihnah khai gui, ngami naw ami htome gui la ami seipat gui cu akhei täng ung sharon dou ung, ak kyang täng ung khüikha khong nawi ung ami lum vai ah lam shüm khai gui.

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

SAM 143:5

Ng’pyi khän ciah hnüüp gui cu ka shüm ba ci; Nang ah bi gui avan cu ka ngaih-tüh ci, Nang ah bi gui avan cu ka ngaih-tüh ci, Nang ah hnün thawh gui avan cu ka m’lung ung ka khäm ci.

THULÄÄN NAK 33:28

Cun ah kiasei Jakob ah htangshon gui cu Ding gei sei om ci gui. Htang la sapyit tui ah be nak khaw cu geing nak ci gui. Acu ah khomik ungka dam tui naw khaw ng’lei tui awn shawi ci.

KHEI NAK 23:9

Khenglung a hlüng gui ung kei naw ka hmu gui hning ci, Khaw-gui ak tai gui ung kei naw ka ngäng gui hning ci. Ngami cu amät om ciah pakhui ah kyak ci gui. Ahei pakhui gui ah däm pi sei hriham ami gah cu ngami naw hmat ci gui.

PHYAWN NAK 33:16

Keimi awn a täng ah kä na hteh ah a kyak ung, na chang gui na yei nak ah mawng la kei na na yei nak ah mawng, a i cha ah a u naw hmat khai aw? Keimi ung na om ah mawng naw m’dek khan ung chang hei gui awn na ng’lakmah sak gui khai nei.

NG’ÄI KYAH 1:7

Tubäi dishum ne amät om neta, Jerusalem naw acau abämang nak man cu khü ba ci. Ani ga ah kut ung ang kiak sangung ani m’hteihtang tuk khai a u kä om ci. Ani näng ci gui naw ani cu gaih tu u ne kahta nak ci gui.

TAIGÜTHUM 27:32

Vuhchah gha a law päng ung tumat cu Bawipa ah kaa ah kyak ci. Seime gui khei law ah a kyak ung, a gha nak tumat päng cu Bawipa ah kaa ah kyak ci.

SOLOMON NG’Ä~ 4:1

Ka m’hni aw, nang cu na kyom aih ci nei! Lushung ah hnu ah na mik cu m’hni nak kawn ng’shü ci nei. Na lusam cu Kilead khogui ah kaa kyum lawk ciah me amak ah mäih ah kyak ci nei.

JEREMIAH 49:31

“Law vä! phiawn nak ngaih gep nak om ci, cik ciah chang gui tu gui vä! Ngami ah mang gaw gui cu m’kawt gui, khai nak gui akni kä om ci, kä khäng htek ciah kyak ci nei.”

EZEKIEL 36:11

Kei naw chang gui la sei m’na gui cu ka da sak gui khai. Nangmi cu acau kaa ah ta nami da pi khai, nami hta nau gui phi da khai. Nangmi nami om man ah acu ah ka ning om sak ba gui khai, acau kaa ah bä pi khai ah ka ning bühmang sak gui khai. Cun ung nangmi naw kei, Bawipa ah nami na hmat khai.

KHEI NAK 32:1

Reuben la Kad pakhui gui naw akda vuhchah ci gui. Ngami naw Jazer la Kilead khaw cu seipat vuh nak vai ah ang htei ah ni sei hmu u neta,

ISAIAH 27:13

Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.

OBADIAH 1:19

“Judah a htum täng ah chang gui naw Edom cu khäm khai gui; akhei lam m’htung nawi ungka gui naw Philistia cu khäm khai gui. Ephraim la Samaria khopäng gui cu Israel gui naw kaa nak khai gui. Benjamin chang gui naw Kilead khaw cu lak khai gui.

ZEKHARIAH 10:10

Egypt khaw la Assiria khaw ungka ami im ah law püi ba gui ne, ami ng’dü ung ka om ba sak gui khai. Kilead la Lebanon ung phi ka om sak gui khai. Khaw avan ung chang avan be khai.

ZEKHARIAH 11:7

Htome gui hleih ci la yoi ci naw, kei cu na ng’vat sei, kei cu ami ngawn gui vai ah htome gui shäm ciah ka kya lawk ci. Kei naw ng’shopawng hnih ka lak ci: tumat cu “M’htei nak” ah sui ne, tumat cu “Kawng ät nak” ah ka sui ci. Kei naw htome gui cu ka m’htei ci.