MIKHAH 7:13 - Cho Bible Common Language 2016

¹³ Cun ung phi khomdek khan cu om ciah chang gui ah shetkat ah hmawk ah khaw ng’gau khaw ah kyak khai.

MIKHAH 7:13 Referans Kwoze

JEREMIAH 25:11

Shin ah khaw cu dishum khai, hmuk ciah chang gui cu cäicat khaigui, ami pei ng’leng ah changpakhui gui naw Babilonia ghangpughang ah bii cu kum chikip ung bik khai gui.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

MIKHAH 6:13

Nami cheishoh ah hmawk ah nami shet nak vai la nami di nak vai cu kei naw ka tün pyi ci.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

JEREMIAH 32:19

Nang naw cüi vai nak awn pawng m’htein ne m’gäi ci gui na bik ci; nang naw chang nü ah bi na hmuk ci, ami mät ah hnün thawh ah ciah nang naw na m’cü mhnah gui ci.

JEREMIAH 21:14

Cun ung phi nami bi ah phäh ah kei naw ka ning m’kyuk gui khai. Na mang im cu kei naw mei awn ka m’khih khai, cun ah mei naw a pei leng avan ui yawp khai. Kei, Bawipa naw ka pyen nei.”

NG'THU K'THUUK~ 31:31

Cun ah hnumi am a bi avan ah phäh ah ang lawn ah pek vai. Ani cu chang päng naw ak chang m’sui vai ah khin kha ci nei.

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

NG'THU K'THUUK~ 1:31

Cun ah kyasei nami mät ah geit ah am theih cu nami ei ba khai. Nami mät ah bi naw ning gaw pyam sak gui khai.

JOB 4:8

Chang gui naw shekat nak ah lai thawn u ne, Cheishoh nak ah m’shi phu u sei ka hmuk ci nei; Tuhbäi ngami naw cheishoh nak la shetkat nak cu aat ba ci gui nei.

EZEKIEL 12:19

Pakhui avan am m’thein gui ä, shin ah ng’thu cu ami khaw ung om lä ci gui ah Jerusalem Chang gui am uktu Bawipa naw a pyen nak gui nei: Ngami cu ami ei ung ng’hlet u ne, ami aw kung kyi ne ng’thüng khai gui nei. Ami khaw cu ka k’dee sak khai, a i ah kyasei ci ung om ciah chang gui cu thukhän kaa ah ami om ah phäh ah kyak ci.

EZEKIEL 33:28

Kei naw cun ah khaw cu ka shiu sak khai, ngami naw ami khähghah nak aih ah huham cu ng’pyi khai. Israel khomhtung gui cu m’ghaw aih sei, cun kan ne a u kä hteit ba khai.

MIKHAH 3:4

Bawipa ah nami ng’paa nak vai ah a khin gawk lawk ci, cun ung phi ani naw kä ning m’shang gui khai. Akshe nami bik ci kyasei nami taigü cu kä ngai khai.

MIKHAH 5:3

A nau poi m’neh ciah hnumi kä a hta pha ah chuih, Bawipa naw a chang gui cu ga ah kut ung nawng gui khai. Cun kawn ah omktu ah kyak ci gui ah khochang gui cu ami mät ah pakhui ah ng’bum ba khai gui.

ISAIAH 17:9

Cun ah hnüüp a gawk law ung, akni ah ami shungvong ah mang gaw gui cu khaw käu ah kya khasei nawng khai gui. Hivit gui la Amorit gui naw Israel chang gui ungka püipyang ah ne dawng u ne ami nawng shüt ah mang gaw gui ah mäih ah kyak khai gui.