MIKHAH 7:11 - Cho Bible Common Language 2016

¹¹ Jerusalem chang gui, mang gaw paang cawh ba nak vai ah a khin cu gawk lawk ci nei. Cun ah khin ung na khaw ng’shawng law pi khai nei.

MIKHAH 7:11 Referans Kwoze

NEHEMIAH 2:8

Mang ah khawbung m’htei ciah Asaph am, Taigüim ngäng nak vai ah m’kawt gui pyan nak vai ah sing gui, mang gaw k’paang gui la kei ah om nak vai im cawh nak vai ah sing gui ana pek tu vai ah m’cäi nak ah ca a guk vai ah ka thäh ci. Uktubawi naw ka k’thäh avan na pek ci, a i ah kyasei ci ung kei cu Khanpughi naw na om püi ci.

ISAIAH 54:11

Bawipa naw pyen ci, “O, Jerusalem, na yaica ci, m’htei khai kä om ciah mang gaw, nang ning shungvong khai kä om ci nei, kei naw nang ah kho ng’nei cu k’pyülung awn ka co ba khai nei.

NEHEMIAH 4:6

Cun ah kyasei keimi naw paang cu co ba u ne, chang gui naw k’tha na ne bi u sei, a hlüng ah a teih cu kami pyi pyi ci nei.

NEHEMIAH 4:3

Tobiah naw a pei ah ang düih neta naw pyen ba mä ne, “Ngami naw a i ah mäih mang paang cu co khai gui ang? Ngami ah cawh läi cu saui naw phi mük hlit khai nei.

NEHEMIAH 2:17

Cun ung phi tuhbäi kei naw ka pyen nak gui cu, “Teng vä, Jerusalem cu ng’phye ne, m’kawt gui cu di sei, mikmi khüikha ne mi om ci nei! Mikmi naw mang gaw k’paang cu co ba ne, mi thui hmai nak cu mi ng’pyi sak khai nei.”

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.

ISAIAH 54:2

Na om nak ah im cu ng’shawng sak ä; a gui gui cu ng’shäi khai ah kaih ne, tung gui cu htek sei ng’ling ä!

ISAIAH 58:12

Nami chang gui naw cau ng’phye ng’gäi cicu co ba khai gui, cawh kyan pyi phyim angnei ah khanah. Co ba mä khai gui, Nangmi cu Mang k’pang co ba ne, im she m’tho ba ciah ning hmat gui khai gui.”

ISAIAH 61:4

Ngami naw ak shou didam lawk ciah mang gaw gui cu co ba khai gui.