MIKHAH 7:10 - Cho Bible Common Language 2016

¹⁰ Mi ga gui naw hmu neta kä yei khai gui. “Nami Bawipa Khanpughi cu a hawi ang?” cine na ng’shi gui ciah mi ga gui naw, a cun gui cu hmu u neta, lü ng’aa khai gui. Ngami cu lam ung ng’nai ah mäih ah kai na gui ne dep gui u sei mi hmu gui khai nei.

MIKHAH 7:10 Referans Kwoze

ZEKHARIAH 10:5

Judah chang gui cu lam ng’nai hmu ah ami ga gui leh dep dep ciah gakap gui ah mäih ah m’gäi khai gui nei. Ngami cu Bawipa naw om püi gui ci kyasei, ng’tuk bik khai gui, ngami naw ng’se ng’cuum ciah ga gui phi hnim khai gui nei.

SAM 42:10

Ngami ah shedam nak awn kei cu ka ng’deng ci nei, ngami naw pang ne na ng’shi u ne, “Na Khanpughi hawi ang?” cik ci gui.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

JOEL 2:17

Taigü gui naw Bawipa ah bii bi u sä sonkyang la Taigüim ung luhnak ah ang lak ung, thüikyap ne taigü u sä. “Bawipa na chang gui dük gui ä. Chang khui hei gui naw, ‘Nami Khanpughi a hawi ang?’ ” cine kä na päipih gaih m’gin en gui u sä.

SAM 35:26

Kei ah ka geinvai ah phäh ah yei gaih ci gui cu, didap ne gawgan u sä; Kei ah ni pi ciah pyen ne, ng’taam ci gui cu, lü ng’a ne, thüi sei u sä.

SAM 18:42

Kei naw ka güt gui ci, ngami cu m’vut ah mäih ah kyak ci gui, kho khi naw zon gui ci. Lam ung om ciah ng’awt ah mäih ah kei naw ka ghawt gui ci.

2 SAMUEL 22:43

Kei naw ka deng gui ci, ngami cu m’vut ah kyak ci gui; Lam ung om ciah ng’nai ah mäih ah kei naw ka kai na gui ci.

MIKHAH 4:11

Chang pakhui akda naw ng’lung na ne ning tu gui khai. Ngami naw, “Jerusalem cu m’di vai nei! Shin ah mang gaw ah di cu mi hmuk khai nei!” cik khai gui.

JEREMIAH 51:51

Nangmi naw nami pyen khai, keimi cu kami thangshe sei kami thui ng’aa ci nei; keimi na bawm gui khai kä om sei kami yai ci nei, a i ah kyasei ci ung Taigüim kyong ah a Theingcim nak ah hmun cu a khohei chang gui naw la pyi ci gui nei.

SAM 79:10

A i ah kyasei changpakhui gui naw, “Nami Khanpughi a hawi ang?” cine ami na ng’shi gui ang. Na changshäm gui ah si ami huk ah phäh ah changpakhui gui na m’kyuk gui cu, na hmuh sak gui ä.

MATTHE 27:43

Ani cu Khanpughi yum ciah Khanpughi ah Htapa ah pyein ci maw! Cun ah kyasei Khanpughi naw am hni ah a kyak ung a tuhbäi k’phiawn sä,” cine shedam nak ci gui.

MALAKHI 4:3

Cun ah hnüüp ung kei ka hnün thawh law ung, changshe gui cu nami näng gui khai, ngami cu nami khopha kaa ah m’vut ah mäih ah kyak khai gui.

MALAKHI 1:5

Israel chang gui naw shin gui cu ami mät ah mik awn hmuk khai gui, ngami naw, “Israel khaw akpung yung ah phi Bawipa cu hlüngtai ci nei” cik khai gui.

OBADIAH 1:10

“Nang naw Jakob ah hta ng’shon, na mätyah hniim ne na ngawn ah hmawk ah ngawi yä nang cu ning m’di ne kä ning chang m’sui ba khai.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

JEREMIAH 51:24

Bawipa naw pyen ci, “Babilonia la achang gui naw Jerusalem ah khan ah ami bi ah akshe gui avan ah phäh ah kei naw ka pek ba gui cu nangmi naw nami hmuk khai.

SAM 115:2

A i ah kyasei chang pakhui gui naw, “Nami Khanpughi a hawi ang?” cine ami na ng’shi gui ang?

SAM 109:29

Ka ga gui cu thui ng’a nak naw shung gui sä; lü ng’a nak cu sui nu ah mäih ah sui u sä.

SAM 58:10

Cheishoh ci gui ami m’kyuk gui ami hmuh ung düng ciah chang gui cu yei khai gui nei; Ngami naw changshe gui ah si awn ng’si khai gui nei.

SAM 42:3

Ka gaa gui naw ak phlüt ah, “Na Khanpughi a hawi ang?” ci u sei, amü ak hnüüp kyap ne ng’phli tui kamü ngawi ei nak ci nei.

EZEKIEL 7:18

Ngami cu suishe sui u ne ami van ng’hhlet khai gui. Ami lu cu k’teim pe gui khai gui, ngami cu lüngaa khai gui.

ISAIAH 41:25

“Kei naw ak kyang täng ung om ciah chang tumat cu ka ghü ci nei; A siip täng ung ning tu law gui khai ah ka law püi khai nei. Ani naw uktu gui cu, ng’nai ah mäih ah, k’am shep ci naw k’am dek a neen ah mäih ah kai na gui khai nei.

OBADIAH 1:12

Judah khaw ah na mätyah gui ah ng’yoyaw nak cu kä na teng hlü vai. Ngami ah di nak ah hnüüp ung nang cu kä na yeikyai vai. Ngami ah cümbawng ah phäh ah kä na gaih vai.

MIKHAH 7:8

Mi ga naw mi khan ah ami yei nak vai a i kä om ci, mikmi mi täng ci, cun ung phi mi tho ba khai, mikmi hmüp khui ah mi om ci, cun ung phi Bawipa naw akdei na pe gui khai.

JOSHUA 7:9

Kanaanit gui la shin ah khaw ung chang nü naw, cun ah mawng cu ng’yak ci gui nei. Ngami naw na khaai gui u ne, kami van na ngawn gui khai gui nei. Na ming küi m’küih nak vai ah a i na bik khai aw?”

SAM 92:12

Ng’düng ciah chang gui cu sagui ghing ah mäih ah bämang u ne, Lebanon kho ah m’htai ghing ah mäih ah ng’ghaw bai khai gui nei.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

JEREMIAH 49:15

Bawipa naw nangmi cu k’tha ning ken law sak gui khai, a u naw kä ning chang m’sui gui khai.

ZEPHANIAH 3:15

Bawipa naw aning m’kyuk nak gui ng’pyi sak ci nei; Ani naw nami ga avan k’täm pyi ci nei. BAWIPA, Israel ghangpughang cu nang awn atäng ah om ci nei; Tuhbäi kyih vai ah mawng a i kä om ba ci nei.