MIKHAH 7:1 - Cho Bible Common Language 2016

¹ Ngaih u vai kä om ci. Kei cu sing ung am theih kä hmu ne, sapyit ung am theih kä hmu ne, ei ah cawi ciah mäih ah ka kyak ci. Am theih avan, sing theih avan bih yawp ah kyak ci.

MIKHAH 7:1 Referans Kwoze

HOSEA 9:10

Bawipa naw pyen ci, “Kei Israel gui ka hmuh gui htük yah ung khonggau kho ah sapyit ghing gui hmuh a mäih ah kyak ci. Kei naw nami pupa gui ka hmuh htük yah ung kho aa ung up law ma ciah thei ah mäih ah kyak ci. Cun ung phi ngami Peor m’htung ung mi gawk law yah ung ngaminaw tün ne Baala cu khawihnah ci gui. A cun vai am ami m’hni ah khanpughi gui ah mäih ah shemshai ci gui.

ISAIAH 28:4

Chang ah ng’shei ci gui ah ang vai gui ah baimang nak cu, a up vai am k’bit ne ei yawp vai ah m’theih htük ciah k’thei ah mäih ah mäih yawp khai.

ISAIAH 24:13

Khomdek khan avan khopäng pang ung awnah kyak khai nei. Cun cu geitkhäm ang pyi ah mäih ah kyak khai, Olive sing a ghing päng ung ka aktheih ak hnu ah k’bih yawp ah mäih ah kyak khai.

ISAIAH 17:6

Chang apihta bang k’pawih ba khai gui, Israel gui cu am theih avan kbih yawp kawn ah a pam ah pum goi thum hta om ba ciah dise kä cung aka ng’ban ung apihta am theih k’pawih ba ciah mäih ah kyak khai gui. Kei, Bawipa Israel khanpughi naw ka pyen nei.”

JEREMIAH 45:3

nang naw na pyen ci, ‘Kei ka m’lung si ci nei! Kei ah azä nak ah khan ah Bawipa naw azä nak awn na m’khah ci nei, kei cu ka thüisei nak aih ah ka cümbawng ci nei, ng’düm nak vai kä ka hmuk ci nei.”

JEREMIAH 15:10

A i hlawk ah kä yei ciah chang ang kei cu! A i ah kyasei khomdek khan ung kanu naw ana hta nak ang? Shin ah kho ung chang nü awn kani ng’cuh can lawk ci nei. Kei naw a u am kä ka k’pu ci, a u ah kä ka puk ci, cun ung phi chang nü naw na tam ci nei.

JEREMIAH 4:31

A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

ISAIAH 24:16

Khomdek khan ak shou nak pi ung om ciah mikmi gui naw ng’düng ciah pakhui Israel gui m’tam nak ah ng’äi cu mi ng’yak khai gui nei. Cun ung phi kei ung ngaih u vai kä om ci! Kei cu a kholä nei! Kä bekhüt nak cu ka law pi ka law pi ci nei.

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

SAM 120:5

Nangmi ah ng’lung ah om cu Meshech khaw la Kedar chang gui ah ng’lung ah om tu ah mäih ah shek ci nei.

JEREMIAH 24:2

Ak tük bäih thei vawh ung üp ma ciah thei akni gui om ci, ahei tumat ung ei ung kä ni aih ciah thei akshe gui om ci.

KHEI NAK 18:13

Shin gui avan cu nangmi ah khäm nei. Theingthap ciah na kyong chang päng naw cun gui cu a ei vai nei.

NG'THU K'THUUK~ 20:6

Chang päng naw amät a i hlawk ah a hläkhäm la a bekhüt ah mawng cu pyen ci, Cun ung phi k’tha na ne nami shui vai, a u ang ak cang cu?

JEREMIAH 5:1

Jerusalem chang gui, nami lam gui ung dawng vä! Veing ne teng vä! Nami mät ah phäh ah teng vä! Ami sum lei hmun gui ung shui vä! Ng’düng nak bik ciah chang, Khanpughi ung bekhüt vai ah k’tha nak ciah chang, nami hmuh hning khai aw? Nami hmuh ah a kyak ung, Bawipa naw Jerusalem cu m’geisei khai nei.