MIKHAH 6:6 - Cho Bible Common Language 2016

⁶ Khankho Khanpughi khawihnah vai ah lam ung a i nimä ka law püi kaw? Akbä pi seipat hta cu mei ung m’khih ne ap vai ah ka law püi vai aw?

MIKHAH 6:6 Referans Kwoze

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

MAKUH 5:7

“Hlüngtai pibäih ciah Khanpughi ah Htapa, Jesuh Bawipa, Kei cu nang naw a i cha ah ang na na ci hlü? kä na k’dukdeiu-en na bäi Khanpughi ah ming awn ka ning yoi ci nei” cine ng’shan khai ah m’lau ci.

MATTHE 19:16

Kho hnüüp ät ung chang tumat cu Bawipa Jesuh ah law netah, “Sayapa, angtäi ghin nak gah vai ah nik ciah bi a i nei ka bi kaw?” cine ng’shik ci.

DANIEL 3:26

Nebukhadnezzar naw mei caang ah m’kawt ung law neta khü gui ci, “Shadrak! Meshak! Abedneko! Küikyang ciah Khanpughi ah chang shäm gui! Lut law ba vä!” cik ci. Cun a ci vai am ngami cu ang ghit ah lut law ba ci gui.

LAMKTU 16:30

Cun kawn ah ngami cu k’pung ah luh law püi gui netah, “Bawi gui aw, Hun nak ka gah vai ah a i nei ka bi kaw?” cine ng’shi gui ci.

LAMKTU 16:17

Cun ah hnumi hta naw Paul la keimi cu kami hnu ah na läk law gui netah, “Shin ah chang gui cu Hlüngtai pi bäih ciah Khanpughi ah chang gui nei! Ngami cu nangmi am hun nak ah mawng ning m’thein gui ciah kya ci gui nei” cine m’lau ci.

JOHAN 6:26

Bawipa Jesuh naw, “Kei naw akcang ka pyein cu, nangmi naw kei nami na shui cu, cäi aih vai kabi nami hmuhmat su ah kä kyak ci, m’htut nami phü ah nami ei tu ah hmawk ah kyak ci.

LUKA 10:25

Thukhän saya tumat cu Bawipa Jesuh ah pei ah law netah, “Sayapa, angtäi ghin nak ka gah vai ah a i ang ka bi kaw?” cine a phawtcam nak ah ng’shik ci.

DANIEL 5:21

Ani cu hnicim chang ungka k’äm u sei, amlung cu khisa ah mäih ah ng’lat ci. Ani cu pyama ng’sela gui awn atäng ah om ne, seipat ah mäih ah khu ei ci. Kho k’häu ung ip sei a i naw kä shung sei, k’daam naw book ci. Ak hnu ah hlüngtai ciah Khanpughi naw, hnicim chang ah uknak khaw avan shum ne, a ghü ah chang am huham pe hning ci, cicu ng’kyaa ci.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

DANIEL 4:9

Belteshazzar, cängbang ci gui ung ang vai pikbäih, Nang ung Khanpughi ah mümcha theing om sei, thuuk kau ci gim cu avan na hmat ci, cicu kei naw ka hmat ci nei. Shin ah ka mang ah amawng cu nang naw na m’thein ä.

SAM 95:6

Law vä, ama ah kawp ne mi khawihnah khai; Na tüisho gui ciah Bawipa ah ma ah mi m’khuukdong khai nei!

SAM 22:29

M’gäi ciah chang gui avan cu ama ah kawp khai gui; Chang neng gui avan cu ak ka ah ng’bawlawk khai gui.

2 SAMUEL 21:3

Cun ah kyasei David naw Gibeon chang gui cu khü thäh gui neta, a pyen nak gui cu, “Nang mi ah phäh ah a i ang ka bi hning kaw? Kei naw nangmi ah khan ah katnak ka bi cu ka pyang hlük ci, cun ung nang mi cu Bawipa ah chang ah hriham na mi gah khai” cik ci.

PHYAWN NAK 12:5

Nangmi naw htome hta baw, mehta baw nami ghü vai. Cun cu kum ät lüng ciah a hlahta, kä kheihlik en ciah kyak khai.

EPHESIAN 3:14

Kei cu Pa Khanpughi ah ma ah m’kuukdong ne kang hui ci,

MAKUH 12:33

Khanpughi cu m’lung kyong avan, hmuhmat nak avan la k’tha gui avan nawn m’hni vai, mät ah paw chang cu mät awn m’täng ne m’hni vai’ ciah thukhän hnih läk cu Khanpughi-am ak ghing ngawn ne m’khih ne khawihnah nak la Khanpughi-am a hei gui peit nak nüng ah tah bä pi ci nei” cine pyein tu ba ci.

HEBRU 10:11

Jew taigü pängpäng naw ak hnüüp tä sei, apeitaak vai la am ghuthaa vawihpeh vai cu bik ci; cun ung phi cun ah ghuthaa nak naw cheishoh nak cu kä nawtpet hlawt ci.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

SAM 95:2

Law vä, ama ah mi m’hlüngtai khai, yeikyai nak ng’äi m’cu ne mi m’taam khai nei.

ISAIAH 40:16

Lebanun khawbung ung om ciah khisa avan cu mi khanpughi khawihnah nak vai ah kä ng’büh khai nei, a cun ung sing ghing gui phi mei cih nak vai ah kä ng’büh khai nei.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

EZEKIEL 46:9

“Cun ah pawi ung chang gui law ne Bawipa ami khawihnah law päng ung ami khawihnah ami khawihnah kawn ah a siiptäng ah m’kawt ung lut lawk ci gui cu a htum täng m’kawt ung ami hteh ba vai; a htumtäng m’kawt ung lut lawk ci gui cu a siiptäng m’kawt ung ami hteh ba vai. A u chang phi a luh law nak ah lam ung kä a hteh ba vai, hnungtuk ciah m’kawt ung a hteh ba vi.

HOSEA 5:6

Ngami naw ami htome gui la ami vantang gui la u ne, Bawipa cu khawihnah nak ci gui. Cun ung phi cun naw ngami kä ni sak gui ci. Ani naw ahteh tak gui ah kia ne ngami naw kä hmu hlawt ci gui.

AMOS 5:22

Nangmi naw m’khih ne douthak la htang-douthak nak nami law püi ung, kei naw kä ka dou khai. Plan ciah seime douthak vai nami law pü phi kä ka dou khai.

PHYAWN NAK 23:15

Abib cha, Egypt khaw nami hteh taak nak ah cha ung, K’caw kä shum ah m’htut awn mang ei pawi cu, kei naw ka thumkhän ah mäih ah nami bi vai. Cun ah hnüüp chih pawi ah kyong ung k’caw shum ah m’htut phung kä nami ei vai. Douthak vai a i kä law püi ah law ne kei cu kä nami na khawihnah vai.

SAM 116:12

Kei ah khan ah ani nak gui ah phäh ah, Bawipa cu a i ka pek khai aw?

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

NG'THU K'THUUK~ 21:3

Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.