MIKHAH 6:5 - Cho Bible Common Language 2016

⁵ Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.

MIKHAH 6:5 Referans Kwoze

KHEI NAK 25:1

Israel chang gui Akacia Khaw Nawi ung shuam pigaw co ne ami om yah ung pami gui cu acu ah ana om ciah Moabit hnumi gui awn ng’yawpawm ci gui.

SUKI GUI 5:11

Ngai vä! Tui shawk ah ng’veing ung chang k’da ng’üng cang ci gui nei, ngami naw Bawipa ah näng nak pyen ci gui, Israel chang gui ah näng nak pyen ci gui nei! Bawipa ah chang gui cu ami mang gaw gui ungka ng’phäi lawk ci gui nei.

JOSHUA 4:19

A cha ät nak ah a hnüüp gha hnüüp ung chang gui naw Jordan tuinu cu hei kat u neta, Kilkal ung phung tuk ci gui, cun cu Jerikho a kyangtäng ah kyak ci.

THU PHLAAN 2:14

Cun ung phi Balaam ah m’theithang läk ciah chang api cu pyein m’shet vai om ci nei: a gup-am sonkcan ah ei ei vai la, pletbeng vai ah Israel chang gui-am lam shüm gui ciah Balak khawshe cu Balaam naw am theithang ah kyak ci.

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

1 JOHAN 1:9

Khanpughi cu a shaitaak küm sak ne, düng nak bäng bik ci, mik mi cu mi katnak ng’kiaa ne, mi ng’paa ah a kyak ung, mi kat nak nam gein gui ne, mi cheishoh nak nüng phi theingcim sak ci.

2 PETER 2:15

Ngahmi cu lam düng nawng ne lam hma pyi ci gui, ngami cu Balaam ah htapa Beor ah lam läk pyi ci gui. Balaam cu cheishoh nak awn gah ah ngui cu m’hni ci kya ne,

SAM 143:11

“Bawipa, na shaitak ah mäih ah na gung ä; Na ni nak awn ka khüikha nak cu na hun ä!

THULÄÄN NAK 16:3

Shin ah ei nami ei law ah akiak ung k’caw shum ne pyan ah m’htut kä nami ei en vai, kho hnüüp chih ung nangmi cu k’caw kä shum ah m’htut nami ei vai. Cun cu nangmi naw Egypt khaw ang ghit ah nami hteh tak law vai ung nami bi ah mäih ah kyak ci. Shin ah m’htut nami ei vai, Cun cu yaica nak ah m’htut ah pyen vai. Cun ah kya sei yaica nak a hmun, Egypt khaw ungka naw nami law ba nak ah hnüüp cu nami ghin ah chuih nami shüm ba vai ah kyak ci.

THULÄÄN NAK 9:7

“Bung ah Bawipa nami Khanpughi m’lungshe khai ah a i hawkcha ah nami bi cu kä nami m’hnih vai. Egypt khaw nami hteh tak ah hnüüp ung tün ne a shin ung nami gawk law nak ah hnüüp ung khüt sei, nangmi naw ani cu nami hnungtuk püi ci.

THULÄÄN NAK 8:18

Bühmang law nak vai ah hriham ning pe gui ci cu, Bawipa nami Khanpughi ah kyak ci, cicu nami shüm ba vai. Ani naw shin ah bii bik ci, a i ah kyasei ci ung ani naw nami pupa gui ung abi ah thukhän cu tuhngawi güt ung abekhüt ah hmawk ah kyak ci.

EPHESIAN 2:11

Ayan ä nang mi cu pumsa awn bi vai kä nami bi tuk ciah kyasei, chang khui hei ah ami ning khü gui cu nami shüm ba vai nei. Pumsa awn bi ah vun ah nak bik ciah Jew chang gui naw, nangmi cu vun ah nak kä nami bi tuk ciah ning khei gui ci gui.

THULÄÄN NAK 8:2

Ng’pyi ciah khokum phlikip ung bungpuk kaan ne shin ah lam ung akshou nami law nak ung, Bawipa nami Khanpughi naw a ning chuiso nak gui la khükha nak gui tüi law ne a ning m’nüm nak gui cu nami shüm ba vai. Cun ung nangmi naw a i bi vai ah nami ng’bü cu ani naw hmat khai. Ani ah thumkhän nami läk la kä nami läk phi hmat khai.

KHEI NAK 31:16

Nami shüm ba vai cu Balaam ah m’shüm thein nak läk ci gui cu hnumi gui nei, Peor gawnu chang gui Bawipa ung kä bekhüt khai gui ah phi tängpang ci gui nei. A cun naw vah Bawipa ah chang gui ah khan ah leigai law püi ci.

KHEI NAK 31:8

Midian ghangpughang sing hma phi ngawn ci gui, cun gui cu: Evi, Rekem, Zura, Hura la Reba ah kya ci. Ngami naw Beor ah hta Balaam phi ngawn ci gui.

KHEI NAK 23:27

Balak naw, “Kei awn a täng ah law ä, a hmun hei ah ka ning hteh püi khai. A cu ah kei ah phäh ah ngami na tam gui vai ah Khanpughi ah ang yak hlü om hman khai nei” cik ci.

KHEI NAK 22:41

A ngawi ung khaw ngawi Balak naw Balaam cu Israel chang amshah hmu nak hning ah Bamoth Baal k’päng ung hteh püi ci.

SAM 111:4

Bawipa naw cäicat vai ah a hnünthawh gui cu kä na m’hnih sak gui ci; Ani cu lo’dük nak chimgein nak ah kyak ci.

SAM 71:19

Khanpughi, na düng nak naw kho mik pha ci, a küikyang bi na bi pyi ci; nang ah mäih a u kä om ci.

SAM 36:10

Nang ning hmat ci gui ah khan ah na m’hni nak cu ng’täi sak ne, düng ci gui ah khan ah na ni nak cu be sak ä.

1 SAMUEL 12:7

Tuhbäi nami om nak ung nami ng’düih vai, nami pupa gui la nangmi ning hun gui khai ah Bawipa ah küika ciah hnün thawh nak avan ka ning m’shüm thein nak ba gui ah Bawipa ah ma ah kei naw ka ning chah gui khai.

JOSHUA 2:1

Cun kawn ah Joshua naw ng’däät khai ah chang hnih cu Akaciah phuung ungka naw Kanaan khaw, aktung pi ah Jerikho mang gaw cu adüm ah däät khai goi ah m’cäi ne tüi goi ci. Ngani cu mang gaw ah gawk ni neta, chang plet Rahab ah im ah hteit ne acu mü om tuk ci goi.

JOSHUA 3:1

A ngawi ung khaw ngawi hta Joshua la Israel chang ami van cu tho law ngawi ci gui. Akaciah ung ami phung cu hteh ta u ne, Jordan tuinu ah hteit ci gui, Cun cu tui kah vai ah ami ngäng yah ung ami om nak ah phung ah kyak ci.

SUKI GUI 11:25

Nang cu Zippora ah hta Balak, Moab ghangpughang ah tan a bä pi ciah na ngai ne ma? Ani naw keimi na hnung’tuk püi gui ne ng’tuk bi man ne ang?

ISAIAH 1:27

A i ah kyasei ci ung Bawipa cu düng ci, Jerusalem la a cun ung om ciah ng’zuba ciah chaung päng cu ani naw hun khai.

KHEI NAK 25:2

Moab gui ah Khanpughi khawihnah nak ah ei awk nak ung ngami cu Moab hnumi gui naw khawihnah nak ei ami ei tu vai ah khü gui ci gui. Moab gui ah ami khawihnah nak ah Israel gui cu ami ei ei tu u ne, ami khanpughi khawihnah tuk ci gui.

THULÄÄN NAK 23:6

Nangmi pakhui ah kya ne nami om ah chuih, shin ah pakhui gui cu api ah phi kä nami m’hteihtang en gui vai, bühmang khai gui ah kä nami bi en vai.