MIKHAH 6:4 - Cho Bible Common Language 2016

⁴ Egypt khaw ungka ka ning law püi ba gui ci, khleihtein ungka ka ning gung gui ci, ning chuisaw gui khai ah Moses, Aaron la Miriam ka ning tüih law gui ci.”

MIKHAH 6:4 Referans Kwoze

THULÄÄN NAK 7:8

Cun ung phi Bawipa naw ning m’hni gui ci. Nami pupa gui awn abi ah shaitak cu khän htek sak hlük ci. Cun cu ani naw dämduh ciah am gäi nak awn, a ning hun gui la Egypt ghangpughang ah changshäm ungka a ning m’hlawt gui ah hmawk ah kyak ci.

PHYAWN NAK 12:51

Cun ah hnüüp ung Bawipa naw, Israel pakhui gui cu Egypt khaw ungka k’plawk ba gui ci.

AMOS 2:10

Kei naw Egypt khaw ah kaa ka ning law püi ba gui ci, khokum phlikip ung bung puk ka ning kaan sak gui ci, Amorit gui ah khaw cu nami kaa vai ah ka ning pe gui ci.

JEREMIAH 32:21

Cäi-aih nak gui vai la cäicat nak gui vai awn mi ga gui cu kyihkyawk sak gui ne, nang naw na chang gui Israel gui Egypt khaw ah kaa law püi ba nak gui vai ah na huham la na m’gäi nak cu na mang ci

2 SAMUEL 7:23

Khomdek khan ung Israel ah mäih a hei pakhui kä om ci, na mät ah chang ah na pyan gui vai ah khleihtein ungka, na gun gui ah kyak ci. Küikyang ci la cäicat vai gui, ngami ah phäh ah na bi gui cu khomdek khan avan ung püi ne gawk ci nei. Na mät ah chang gui vai ah Egypt ungka na m’hlawt ah chang gui ah ma ah, a hei pakhui gui la ami khanpughi gui cu nang naw na k’täm gui pyi ci nei.

KHEI NAK 12:1

Moses naw Kushit hnumi chu na sei, Miriam la Aaron naw pyen m’shet ci goi.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

LAMKTU 7:36

Ani naw Egypt khaw lah Tuisen tuinu ung phi bäi, khaw kum phli-kip ung k’pya lünnu ah phi bäi, cäi aih gui vai lah ngaih khit gui vai cu m’dang neh Egypt khaw ah ka, Israel chang gui law püi ba gui ciah kyak ci.”

SAM 77:20

Moses la Aaron ah lam ma nak awn nang naw na chang gui cu htoshäm ah mäih ah na khah püi gui ci.

THULÄÄN NAK 24:18

Nangmi Egypt khaw ah changshäm ah nami kyak, Bawipa nami Khanpughi naw a ning m’hlawt ba gui cu, nami shüm ba vai; cun cu kei naw thumkhän ka ning pek nak gui ah a mawng ah kyak ci.

THULÄÄN NAK 15:15

Nangmi cu Egypt khaw ah changshäm ah kya u ci sei, Bawipa nami Khanpughi naw a ning m’hlawt gui cu nami shüm ba vai nei. Cun ah kyasei kei tuhbäi a shin ah thumkhän ka ning pek gui ah kyak ci.

THULÄÄN NAK 9:26

Cun kawn ah kei ka taigü ci, uk ciah Bawipa, na mät ah chang gui cu kä m’di gui ä, ngami cu dämduh ciah na thagui la na huham awn gung gui ne, Egypt khaw ah ka na law püi ba gui ah kyak ci nei.

THULÄÄN NAK 5:6

‘Kei cu Bawipa nami Khanpughi nei, changshäm ah nami kyak nak ah Egypt khaw ungka ka ning gung gui ci.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

PHYAWN NAK 4:16

Ani cu nang ah ng’thu k’phlan ciah kya ne, chang gui ah ma ah nang ah hmawk ah ng’thu pyen khai. Nang cu ani, a i cha ah ang thu vai ah m’thein ciah Khanpughi ah mäih ah na kyak khai.

THULÄÄN NAK 4:20

Cun ung phi nangmi cu Egypt khaw mei k’cang ungka aning gun ba gui ah chang ah nami kyak ci. A tuhngawi ah mät ah chang ah a ning pyan gui vai ah aning law püi ba gui ah kyak ci.

PHYAWN NAK 3:10

Tuhbäi nang cu Egypt ghangpughang ah ka ning tüi ci. Cun ah kyasei nang naw, ka chang gui cu ani ah khaw ungka na khah püi ba gui khai” cik ci.

PHYAWN NAK 4:10

Cun ung phi Moses naw, “Ka nei, Bawipa aw, kä na tüi en ä, kei cu ng’thu thei ciah kä ka kyak ci, nang naw na na ng’thu püi yah ung phi kä ka ng’thu thei ci. Kei cu kä ng’thu hlawt ne, shokshü ne, am kha gih ciah ka kyak ci.

KHEI NAK 33:1

Shin gui cu Israel chang gui naw Egypt khaw ami hteh tak kawn ah Moses la Aaron ah khawngmang nak ah ka ung ami pakhui gui naw ami cawh ah shaum pigaw gui ah kyak ci.

1 SAMUEL 12:6

Samuel naw, “Bawipa cu Moses la Aaron ghü goi ciah kyak ci, Egypt ah ka nami pupa gui phi law püi ba gui ci.

PHYAWN NAK 6:27

Ngani cu Israel chang am hlawt gui vai ah Egypt ghangpughang ah ma ah ng’thu pyen ciah chang ah kyak ci goi.