Biblia Todo Logo
Bib sou entènèt

- Piblisite -




MIKHAH 6:2 - Cho Bible Common Language 2016

2 Nangmi khomhtung gui, nangmi m’dek ah khongtäi ciah a phung gui, Bawipa ah thushai cu ngai vä! Bawipa naw a chang gui hnungtuk püi ne thushai ci nei. Ani naw Israel gui hnungtuk ne m’kyuk nak gui vai law püi ci nei.

Gade chapit la Kopi




MIKHAH 6:2
19 Referans Kwoze  

Bawipa naw Judah chang gui cu hnungtuk ne k’bün phei gui ci, Ani naw Israel gui cun phi ami hnün thawh ah ciah m’kyuk gui khai. Ngami naw ami bi lawh ah phäh ah ani naw pe gui khai.


Bawipa naw cun ah khaw ung om ciah chang gui cu hnungtuk ne k’bün gui ci, Israel gui ngai vä, ani naw a pyen cu, “Shin ah khaw ung bekhüt nak la m’hni nak kä om ba ci, chang gui naw kei cu Khanpughi ah kä na ngai ba ci gui.


Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.


Nang naw khomdek cu amät ah phung ung khäng khai ah na k’süm ci, cun cu kä ng’nawn phung khai.


Tuinu ah aka phah cu auh ci, Khomdek ah a phung a kung cu ng’hmawng ci. Cun cu Bawipa naw a ga gui m’kat gui ne, ami khan ah m’lungshe ne am ngaw yah ung ah kyak ci.


Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.


Hnüüp ät ung khan khomik cu nüt dawng hning ne khomdek ah ang’nei cu ami hmuh kawn ah bawtah, ngami naw katnak ami bi avan ah phäh ah ani naw Israel chang gui cu maa na gui khai. Bawipa naw pyen püi ci nei.


Cun ah k’aw cu khocawi ah khüt ne shalawng khai. Bawipa naw changpakhui gui a hnungtuk püi nak gui vai amawng tumat om ci. Ani naw chang avan cu cet gui ne, changshe gui cu sih nak pe gui khai. Bawipa naw pyen ci.”


“Cun ah kyasei kei, Bawipa naw ka chang gui cu, hnungtuk ne ka bün phei ba gui khai. Ami htangshon gui ah khan ah phi hnungtuk ne k’bün nak ka law püi khai.


“Zung ah mi hteit khai nei, nami k’bün nak ah mawng cu law püi vä! Nami gihgaw sak ci, nami cheishoh nak nami na phuih kawk sak ci.


Cun ah kyasei tuhbäi ka teihpüi naw, “Jerusalem la Judah ung om ciah chang gui, kei la ka sapyit lo ah ng’lak cu m’khoi cha vä.


Tuinu ung tui gui naw ani ah pyen nak phlän ne kä ami k’plüm vai ah phäh ah kyak ci.


Cun kawn ah khomdek ng’thüng ne thüüng ci; Khomik ah aphung akung cu hnün ne ng’khäi ci, A i ah kyasei ci ung Khanpughi m’lungshe sei nei!


Tuhngawi kei naw khankho la khomdek cu ning hnungtuk püi gui ne saksi khai ah ka khü ci. Nangmi naw kä nami na ngaih ah a kyak ung shin ah khaw ungka nami maih khai. Jordan tuinu kat ne nami khäm vai ah khaw ung nangmi akshou kä nami om khai. Nangmi cu nami htin khai ah ning m’di gui vai.


Bawipa naw amät ah mawngma cu m’dang ge khai ah om ci, ani naw a chang gui ng’thumcha ge khai ah pawng ci.


Israel hnungtuk püi ciah Bawipa ah thushai cu ngai vä! Tho law, O Bawipa, na thushai cu m’dang ä. Khomhtung gui, khogui gui am a i na pyen cu ng’yak sak gui ä.


Ami pupa Jakob cu ang phi püi ah anau Esua awn ngani cu ani nu ah puk kyong ung, ani om yah ge ung ng’tuk ci goi. Jakob cu ng’vai law neta, Khanpughi hnungtuk ne ng’tuk püi ci.


Swiv nou:

Piblisite


Piblisite