MIKHAH 6:12 - Cho Bible Common Language 2016

¹² Bühmang ciah nami chang gui, chang pyaam lei ei ci gui, chang avan cu nami hleeihlak ci.

MIKHAH 6:12 Referans Kwoze

HOSEA 7:13

“Ngami cu ng’yiin ci gui. Kei cu na hteh ta u ne na hnungtuk püi ci gui. Ngami cu m’di gui vai. Kei naw ka hun gui hlük ci, cun ung phi ngami naw kei ami na khawihnah cu chei ci.

JEREMIAH 9:8

Ngami ah m’lei cu sih nak ah m’la ah mäih ah kyak ci; akphlüt ah a hleei pyen ci. Chang päng naw a impei longgi awn ng’khawt nak ng’thu pyen ci. Cun ung phi cun cu ani ah phäh ah m’hling bang ah kyak ci.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

ISAIAH 3:8

Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.

ROMAN 3:13

Ngami ah ami ng’thu m’kha cu, sih nak ng’cim hmun ah kyak ci; Ami m’lei awn thuvi hleeihlak ci gui, Ami m’gawng m’lei cu k’phyu m’äm ah mäih ah am äm om ci:

ZEPHANIAH 3:3

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

SAM 35:20

Ngami cu ng’khawt nak ah ng’thu kä pyen ci gui; Ding gei sei om ciah chang gui ah mawng cu a hlü hlü ah m’hleeihlak ci gui.

AMOS 2:4

Bawipa naw, “Judah chang gui cu leng ba ba ne shekak ci gui, acu ah phäh ah kei naw akcang ah ka m’kyuk gui khai. Ngami naw kei ah m’theithang cu päipih ci gui, kei ah thumkhän cu kä kutshum ci gui. Ngami cu ami pupa gui ah khawihnah ah khanpughi she gui läk u ne, lam hma ci gui.

AMOS 6:4

Ih phak ak hnip ung ng’yän ne, sei hta la htome hta ah sa ei ne na om cu, a i hlawk ah kyih vai ah kyak ci ang?

SAM 78:36

Cun ung phi ami thu phung cu hleei ah kya ne, ami ng’htau ng’düng ci kä om ci.

SAM 120:2

Bawipa, hleeihlak nak la thuvi nak ungka, na hun ä.

ZEPHANIAH 1:9

Khawshe khawihnah ci gui, m’gu ne, ngawn ne ami bawi ah im khawh be sak ci gui phi ka m’shet gui khai.

LAMKTU 24:9

Judah chang khli gui cun naw phi, “Ani ah pyein gui cu ak cang bäng bäng nei” cine, Paul cu ng’lung nah ne k’sung ci gui.