MIKHAH 6:10 - Cho Bible Common Language 2016

¹⁰ Changshe gui ah im kyong ah ami khawh cu kä akni ah ami gah ah kyak ci. Ngami naw kä hman ciah nütnak cu mang ci gui, cun cu kei naw ka m’thüi nak ci.

MIKHAH 6:10 Referans Kwoze

AMOS 3:10

Bawipa naw, “Shin ah chang gui naw ami im nu gui cu, sheka cheishoh ne ami gah ah khawh awn be sak ci gui. A i hawkcha ah chang na ne om vai cu kä hmat ci gui.

NG'THU K'THUUK~ 20:10

Ka dung ciah khin nak la nan nak mang ciah chang cu Bawipa naw thui nak ci.

NG'THU K'THUUK~ 21:6

Kä düng nak awn na gah ah bühmang nak cu angghit ah maih ba khai. Acun naw sih nak ah m’kawt ung ning hteh püi khai.

NG'THU K'THUUK~ 20:23

Ka dung ciah nut nak la khin nak mang ciah chang gui cu, Bawipa naw thüi na gui ci.

NG'THU K'THUUK~ 11:1

Kä hman ciah nän nak mang cicu Bawipa naw thüi nak ci. Hman ciah khin nak cu Bawipa naw yei nak ci.

NG'THU K'THUUK~ 10:2

Kä düng ci bi na gah ah khawh naw kä akni ah ning kyak sak khai. Cun ung phi düng ci naw hnun gui hun ci.

JOSHUA 7:1

Bawipa naw Israel ang thumkhän ah, Jerikho ungka api phi a i phi kä lak vai, m’di m’shum yawp vai, cicu kä läk ci om ci. Achan ming nak ciah chang naw cun ah thukbäi cu kä läk ci. Cun ah kyasei Bawipa cu Israel gui ah khan ah m’lungshe ci. (Achan cu Karmi ah hta, Zabdi ah tu, Zerah pahta, Judah pakhui ah kyak ci.)

ZEPHANIAH 1:9

Khawshe khawihnah ci gui, m’gu ne, ngawn ne ami bawi ah im khawh be sak ci gui phi ka m’shet gui khai.

MIKHAH 6:9

Cüivai ci naw Bawipa cu kyih aa ci. Ani naw mang gaw khü ne, ngai vä, nami mang gaw ung ng’bum ci gui nei!

AMOS 3:9

Egypt la Ashdod mang im gui ung om ci gui ah ma ah ng’thu nami shäu vai cu, “Samaria koi ciah khawgui gui ung ng’bum vä, a cun ah dämduh ciah ng’gogan nak la cheishoh nak ami bi gui cu teng vä.”

ZEKHARIAH 5:6

Kei naw, “Cun cu a i ang?” cine ka ng’shik ci. Ani naw, “Cän cu dawn ah kyak ci nei, acun naw khaw avan ah shetkat nak cu m’dang ci nei” cik ci.