MIKHAH 6:1 - Cho Bible Common Language 2016

¹ Israel hnungtuk püi ciah Bawipa ah thushai cu ngai vä! Tho law, O Bawipa, na thushai cu m’dang ä. Khomhtung gui, khogui gui am a i na pyen cu ng’yak sak gui ä.

MIKHAH 6:1 Referans Kwoze

JEREMIAH 22:29

O khonglei, khonglei, khonglei! Bawipa ah thu pyen cu ngai ä:

THULÄÄN NAK 32:1

“Khankho la khomdek ka thu ngai vä, Kei naw a i ka pyen cu akheng ah ngai vä.

MIKHAH 1:2

Chang pakhui avan naw shin cu ng’ya vä; m’dek khan ung om ciah chang avan naw shin cu ngai vä! Uktu Bawipa naw ning hnu na gui ne saksi khai nei. Ngai vä! A khankho im ung ka naw thu pyen ci nei.

EZEKIEL 36:1

Bawipa naw pyen ci, “Hnicim chang, Israel khomhtung gui cu pyen ah gui ä, ka pyen ah ng’thu ami ngaih vai ah m’thein gui ä. Ngami ah phäh ah Kei,

SAM 50:4

A chang gui am khoi m’cha cu hmu tuk khai ah Ani naw khankho la khomdek cu khü ci.

THULÄÄN NAK 4:26

Tuhngawi kei naw khankho la khomdek cu ning hnungtuk püi gui ne saksi khai ah ka khü ci. Nangmi naw kä nami na ngaih ah a kyak ung shin ah khaw ungka nami maih khai. Jordan tuinu kat ne nami khäm vai ah khaw ung nangmi akshou kä nami om khai. Nangmi cu nami htin khai ah ning m’di gui vai.

EZEKIEL 36:8

Cun ung phi Israel khomhtung gui ah khan ah, ka chang gui Israel gui, nangmi ah phäh ah sing ghing gui cu a hnah lim ne m’theih khai gui nei. Nangmi nami im ah nami law ba ge khai nei.

ISAIAH 1:2

Bawipa naw, “Khomdek la khomik, kei naw ka pyen law vai cu ngai vä! Kei naw ka m’ghin gui ah ak hmaw gui naw na hnu ng’tuk püi ci gui nei.

LUKA 19:40

Bawipa Jesuh naw, “Kei naw akcang ka pyein cu, shin ah chang gui adüm ah ami om ah a kyak ung lung gui cu tho law ne m’lau lawk khai gui nei” cik ci.

SAM 50:1

Ak hlüngtai pi Khanpughi, Bawipa naw thu pyen ci; Ani naw khomdek khan akhei ak kyang avan khü ci.

MIKHAH 1:4

Mei ung khoi chap ah mäih ah khomhtung gui aka ah piawn khai gui; Khomhtung ung lut lawk ciah tui ah mäih ah ngami cu khaw ng’nawi ung pyäu ne long khai gui.

EZEKIEL 37:4

Ani naw pyen ci, “Guh gui ung ng’cängbang ä. Shin ah guh chawng gui naw Bawipa ah ng’thu ami ngaih vai ah m’thein gui ä.

JEREMIAH 13:15

Israel chang gui, Bawipa naw ning pyen ah gui ci nei! M’lung neim nak awn ani cu ngai vä.

AMOS 3:1

Israel chang gui, shin ah ng’thu cui ngai vä, nangmi ah mawng Bawipa ah thu pyen nei. Khih pawn nak ungka k’phian ah pakhui, Egypt khaw ah kaa a ning law püi ba gui ah kyak ci nei.

1 SAMUEL 15:16

Samuela naw k’bäi ne, “Ng’düm ä! Bawipa naw zaamü ng’thu ana m’thein cu ka ning m’thein khai.” Saul naw, “Na m’thein ä” cik ci.

1 SAMUEL 12:7

Tuhbäi nami om nak ung nami ng’düih vai, nami pupa gui la nangmi ning hun gui khai ah Bawipa ah küika ciah hnün thawh nak avan ka ning m’shüm thein nak ba gui ah Bawipa ah ma ah kei naw ka ning chah gui khai.

MIKHAH 5:15

Dämduh ciah ka m’lungshe nak awn, kä na ngai ciah pakhui avan ah khan ah phu ka tuk khai.”

MIKHAH 6:2

Nangmi khomhtung gui, nangmi m’dek ah khongtäi ciah a phung gui, Bawipa ah thushai cu ngai vä! Bawipa naw a chang gui hnungtuk püi ne thushai ci nei. Ani naw Israel gui hnungtuk ne m’kyuk nak gui vai law püi ci nei.

ISAIAH 3:13

Bawipa naw amät ah mawngma cu m’dang ge khai ah om ci, ani naw a chang gui ng’thumcha ge khai ah pawng ci.

EZEKIEL 6:3

Israel khomhtung gui naw Bawipa ah ng’thu ami ng’yak vai ah m’thein gui ä — Kei, uktu Bawipa naw, khomhtung gui, kho gui gui, lawng hmawi gui la khongnawi gui am ka m’thein gui cu ami ng’yak vai nei: Chang gui naw agup ami khawihah nak ah hmun gui m’di khai ah kei naw khimsem ka tüi lawk khai nei.