MIKHAH 5:6 - Cho Bible Common Language 2016

⁶ Ami thagui thamah nak awn Assiria Nimrod khaw cu näng khai gui. Assirian gui naw kami khawpäng ami tuk law ung ngami naw na hun gui khai gui.

MIKHAH 5:6 Referans Kwoze

ISAIAH 14:25

Kei naw ka khaw Israel ung Assirian gui cu ka m’di gui khai, ka khomhtung gui ah khan ah ngamicu ka kai na gui khai. Kei naw ka chang gui cu phuih gih ah kyak ciah Assirian la phuih la phuih gih gui ung ka, ka k’phiawn gui khai.

LUKA 1:71

Ani naw ga ah kut kyong ungka la, na thüi na gui ciah kut kyong ungka na hun gui pyi ci nei.

ZEPHANIAH 2:13

Bawipa naw a huham cu mang ne Assiria cu m’di khai. Ani naw Nineveh mang gaw phi khaw she ne tui maih khai ah cik khai.

NAHUM 2:11

Tuhbäi ung mang gaw a hawi ang? Ani cu phongkawng ah chaam ah mäih ah kyak ci, Phongkawng anong gui ami vuh nak ah mäih ah kyak ci. Phongkawng akhik gui la a hla gui ah ami lum nak, Ngami ah hta yüüt cu phyawng khai.

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

ISAIAH 14:2

Bawipa naw a pek nak gui ah khaw ah Israel chang gui ami hteh ba vai ah chang pak hui akda naw m’hteihtang gui khai gui, acu ah chang pakhui gui cu Israel gui ah chang shäm ah kyak khai gui. Israel gui näng gui min ciah chang gui cu Israel gui naw näng ba gui khai gui, ngami yawshe na man ciah chang gui cu Israel gui naw ukgui khai gui.

2 SHONTÄP NAK 33:11

Cun ah kyasei Bawipa naw Assirian gabawi gui am Judah cu a tuk sak gui ah kyak ci. Ngami naw Manasseh cu pha u ne, m’si hling awn kaih u ne, m’si gui awn khit u ne, Babilon ah hteh püi ci gui.

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

ISAIAH 37:37

Cun ung Assirian ghangpughang Sennachezib cu a hwai m’hlat ne ng’hlat ba ne Nineveh ah hteit ba ci.

THULÄÄN NAK 32:2

Kei ah m’theithang cu khaw aa ng’ma ah mäih ah hteeu khai. Khomdek khan ung khi ah mäih ah toi khai, Kei ah kang thu gui cu geit ayüt ah khan ah yu kyak ciah khaw goh ah mäih ah kyak khai. Hniphnoi ciah khumghaw ah khan ah yuk aa ciah ng’awigii ciah khaw aa ah mäih ah kyak khai.

1 SHONTÄP NAK 1:10

(Kush ah a hta Nimrod cu khomdek ah khan ung akdämduh pikbäih ah näng law htük ciah kyak ci.)

JOB 29:22

Kei naw ka pyen yawp ung ngami naw ami k’be vai a i kä om ci. Kei ah ka ng’thu gui cu kho k’aa ng’ma ah mäih ah ngami ung lut yawp ci.

SAM 72:6

Ghangpughang cu lai ah khan ah kho a aa mäih ah, ng’lei ah khan ah khüi a book ah mäih ah kya sä.

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

ISAIAH 6:13

Shin ah khaw ung chang gha ung ka tumat akpawih ba ung phi, ani cu m’di vai; ani cu chuk pyi ah oak sing ghing ah ak hmui ah mäih ah kyak khai.” (Sing hmui cicu khanpughi ah chang gui ami ng’tün nak ba thai ah kyak ci.)

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

ZEPHANIAH 3:12

A m’lung gei sei, am lung neim ciah chang gui cu a cu ah ka pawih na gui khai, ngami cu ka m’htei gui vai ah kei ah lawk khai gui.