MIKHAH 5:5 - Cho Bible Common Language 2016

⁵ Ani naw dimdeeih nak law püi khai. Assirian gui naw khaw ami tuk law ung, mi ng’vong chaam ami m’shet law ung, keimi naw gai pi ciah kami ng’vai gui tüi ne kami tuk sak khai.

MIKHAH 5:5 Referans Kwoze

LUKA 2:14

“A hlüngtai säih Khanpughi ah bämang nak cu, khankho ah be sä, khomdek khan ung phi ding gei nak om sä, am hni ah chang gui ah khan ah m’gein nak om sä” cine Khanpughi m’hlüngtai ne ng’äi m’cu ci gui.

ZEKHARIAH 10:3

Bawipa naw, “Ka chang gui uk gui ci gui ah a khohei chang gui ah khan ah ka m’lungshe ci, ka m’kyuk law gui khai nei. Judah chang gui cu ka chang gui, Kei, Hlüngtai ciah Bawipa naw, ka m’hteihtang gui khai. Ngami cu huham mah ciah ng’tuk nak ng’se ah kyak khai gui.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

ZEKHARIAH 9:10

Bawipa naw, “Kei naw Israel ungka ng’tuk nak ah yatha gui la Jerusalem ungka ng’se gui cu, Ka lak khai nei; Ami ng’tuk nak ah li gui phi Ka m’di khai nei. Nami ghangpughang naw chang pakhui gui ah ng’lung ah dimdeeih nak bik khai nei; Ani naw vang tuinu ungka naw vang tuinu, Euphratis tuinu ungka naw, khaw cawi ah khüt khai ah, uk khai nei” cik ci.

THUSHÄUTU 11:2

Khohmun akda ung sumlei nak na bi vai, a i ah kyasei ci ung, shin ah khomdek khan ung a i ah mäih ah ng’yo yaw nak na buitang vai cu nang naw kä na hmat ci nei.

JOB 5:19

Akhin päng ung ani naw nat nak päng ng ning hun khai;

THU PHLAAN 19:14

Khankho gakaap gui naw, ak theing bäng bäng sui u ne, ng’se bawk bäng bäng ng’cum u ne a hnu ah läk ci gui.

THU PHLAAN 17:14

Ngami naw Htomehta cu ng’tuk püi khai gui. Cun ung phi Htomehta cu bawi nüng ah Bawi, mang nüng ah Mang (Ghangpughang nüng ah Ghangpughang) ah kyak ciah kya ne, ngami cu näng gui khai. Bawipa ah a ghü gui la bekhüt ne läk ci gui cu ani awn atäng ah näng nak gah khai gui,” cine pyein ci.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

ZEKHARIAH 12:6

“Cun ah a khin ung Judah pakhui cu bung ah mei ah mäih, lai htang gong chawng ui ciah mei ah mäih ah ka pyang khai — cun naw a pei ng’leng ah pakhui gui avan cu m’di khai. Jerusalem chang gui cu mang gaw kyong ah phyawng ne om khai gui.

ZEKHARIAH 9:13

Kei naw Judah gui cu Gakap ah li ah mäih ah, Israel gui cu Gakap ah m’la ah mäih ah, ka mang khai nei. Kei naw Zion chang gui cu Kreece chang gui tuk nak vai ah Khim ghaat ah mäih ah ka mang ba gui khai.”

AMOS 1:6

Bawipa naw, “Kaya chang gui cu leng ba ba ne shekak ci gui, a cun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom chang gui ah khleihtein ah yoi ci gui.

AMOS 1:3

Bawipa naw, “Damaskas chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw Kilead chang gui cu akshekha ah kyak na gui ci gui.

JEREMIAH 33:15

Cun ah akhin ung kei naw David ah düng ciah htangshon cu ghangpughang ah ka ghü khai nei. Cun ah ghangpughang naw düng ci la taga cicu khaw avan ung bik khai nei.

ISAIAH 65:8

Bawipa naw pyen ci, “Sapyit theih ak ni cu a u naw kä m’di man ci, a cun awn sapyit tui vah piangman ci gui. Kei naw ka chang gui avan cu kä m’di gui khai-kei ah bi bik ci gui cu ka hun gui khai.

ISAIAH 59:19

Akhei ung ka naw ak kyang ung khüt khai ah chang päng naw ani la a huham cu kyih kyawk khai. Ani cu ng’güüt ciah tuilawng mäih, ng’pheet ciah khokhi ah mäih ah lawk khai.

ISAIAH 44:28

Kei naw Sairus cu ka pyen nak ci, ‘Nang naw kei ah phäh ah na uk khai nei; Kei naw ka ning bi sak hlü cu nang naw na bik khai nei. Jerusalem cawh ba vai la Taigüim ah angnei k’süm vai ah, nang naw ng’thu nak’bäi vai nei.’”

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

NG'THU K'THUUK~ 30:29

Ang müi ah hteit thei ciah ang ming mah paphli om ci:

NG'THU K'THUUK~ 30:18

Kei ah phäh ah kä hmat hlawt vai ah ng’yih thuh ciah amawng phli om ci;

SAM 72:7

Düng ciah ah chang cu a ghin yah ung bämang sä, cha a vai ah chuih bühmang sä.

NG'THU K'THUUK~ 6:16

Bawipa naw a thüi nak, kä am hni gui mawng chih om ci, cun gui ci: yawshe na ne teng, hleei ciah m’lei, changningawn ciah kut, akshe ngaih-tüh ciah m’lung, akshe bi avai ah yangkhai ciah khaw, hleei pyen ne saksi nak la teihpüi gui ng’tuk vook sak ciah chang ah kyak ci.

ISAIAH 14:25

Kei naw ka khaw Israel ung Assirian gui cu ka m’di gui khai, ka khomhtung gui ah khan ah ngamicu ka kai na gui khai. Kei naw ka chang gui cu phuih gih ah kyak ciah Assirian la phuih la phuih gih gui ung ka, ka k’phiawn gui khai.

ZEKHARIAH 10:11

Tuinu kat ne ami yaica yah ung, Kei Bawipa naw tui ng’hnawk cu ka k’shedam nak khai. Thuuk ciah Nile tuinu cu kawi ne ket khai. Chang ah ng’shei ciah Assiria gui cu, ami m’lung neim khai. M’gäi ciah Egypt cu a huham maih khai.