MIKHAH 5:4 - Cho Bible Common Language 2016

⁴ Ani a law ung a chang gui cu Bawipa ungka lawk ciah thagui la amät Bawipa Khanpughi ah m’gäi nak awn uk khai. A chang gui cu phiawng ne om khai gui, m’dek khanchang van naw an ah dämduh nak cu m’taam khai gui.

MIKHAH 5:4 Referans Kwoze

MIKHAH 7:14

Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.

LUKA 1:32

Ang ming cu Jesuh ah na sui vai. Ani cu hlüngtai ne hlüngtai pi ciah Khanpughi ah hta ah kyak ci. Ani cu David ghangpughang ah ang shon ah kyasei, Khanpughi naw ghangpughang ah ngoh sak ba khai.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

JOHAN 10:38

Cun ung vah Kapa cu kei ung om sei, kei cu Kapa ung ka om cu, na mi hmuhmat lawk khai” cik ci.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

MATTHE 2:6

‘Judea kho ung om ciah Bethlehem gawnu, Nang cu Judea kho gawnu gui ung, Ak yaw pibäih ah kä na kyak ci nei, Ka chang Israel gui, lam shüm gui khai cu, Nang ungka dang lawk khai nei’ ciah om ci,” ci ne m’thein ba gui ci.

ZEKHARIAH 9:10

Bawipa naw, “Kei naw Israel ungka ng’tuk nak ah yatha gui la Jerusalem ungka ng’se gui cu, Ka lak khai nei; Ami ng’tuk nak ah li gui phi Ka m’di khai nei. Nami ghangpughang naw chang pakhui gui ah ng’lung ah dimdeeih nak bik khai nei; Ani naw vang tuinu ungka naw vang tuinu, Euphratis tuinu ungka naw, khaw cawi ah khüt khai ah, uk khai nei” cik ci.

ISAIAH 52:13

Bawipa naw pyen ci, “Ka changshäm cu a bilawh nak ung näng nak om khai; Ani cu a hlüngtai ah m’tam khah khai gui.

ISAIAH 49:5

Kei kä ka ng’tüi pha ung Bawipa naw na m’düih pyi ci; A chang gui ka law püi ba khai ah ani naw a changshäm ah na pyang ci, püi pyang ciah Israel chang gui ka law püi ba gui khai. Bawipa naw m’tamkhah nak na pek ci; Ani cu ka thamah nak ah ang yung ah kyak ci.

SAM 145:12

Cun ung kyasei m’gäi ciah na bi lawh la bämang chünla ciah na uknak kho cu chang van naw hmat khai nei.

SAM 98:3

Ani naw a bekhüt nak la ng’täi ciah am hni nak gui awn, Israel chang gui ah mi Khanpughi ah näng nak cu kho päng ung om ciah chang van naw hmu pyi ci nei.

SAM 93:1

Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

SAM 72:19

Ang täi sei aming küi cu m’taam vä! Abämang nak cu m’dek khan avan ung be sä. Amen! Amen!

SAM 72:8

A uknak cu vangtäng tuinu ungka naw vangtäng tuinu ah khüt khai, Euphratis ungka naw kho cawi avan ung khüt khai.

SAM 22:27

Chang avan naw Bawipa cu shüm khai gui. Khaw cawi päng ah ka, ani ah ng’hlat lawk khai gui; Chang pakhui avan naw khawihnah khai gui.

PHYAWN NAK 23:21

A pyen ah nami om vai, a ng’thu nami ngaih vai, kä nami hnungtuk püi vai, kei naw ka tüih law ah kyak ci, cun ah hnungtuk püi ci gui cu ani naw kä m’hlawt gui khai.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

ISAIAH 45:22

“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

MALAKHI 1:5

Israel chang gui naw shin gui cu ami mät ah mik awn hmuk khai gui, ngami naw, “Israel khaw akpung yung ah phi Bawipa cu hlüngtai ci nei” cik khai gui.

ISAIAH 8:7

kei, Bawipa naw, Assiria ghangpughang la a gakap avan cu Judah tuk khai ah ka law püi gui khai. Ngami cu tuikam avan ung ng’güt ne lawk ciah Euphratis tuinu ah mäih ah gawk kawk khai gui.