MIKHAH 5:3 - Cho Bible Common Language 2016

³ A nau poi m’neh ciah hnumi kä a hta pha ah chuih, Bawipa naw a chang gui cu ga ah kut ung nawng gui khai. Cun kawn ah omktu ah kyak ci gui ah khochang gui cu ami mät ah pakhui ah ng’bum ba khai gui.

MIKHAH 5:3 Referans Kwoze

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.

MIKHAH 4:7

Ngami cu ng’khem u ne im awn ng’shawng ci gui, cun ung phi ami k’pawih nak gui cu kei naw akthai ah ka tün ba sak gui khai. Ngami cu pakhui küi ah kya ba khai gui, Kei naw ngami cu Zion m’htung ungka naw khonglän ung ka uk gui khai.”

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

MIKHAH 7:13

Cun ung phi khomdek khan cu om ciah chang gui ah shetkat ah hmawk ah khaw ng’gau khaw ah kyak khai.

HOSEA 2:14

Cun ah kyasei kei naw bung puk ah ka hteh püi ba mä khai. A cu ah kei naw m’hni nak ah ng’thu awn ka khü ba khai.

HOSEA 2:9

Cun ah kyasei geit khäm ah khin ung kei naw ka m’cümhnah ah htang ni, sapyit tui ni gui cu la ba ne, a sui vai ka pek ah memu la linen gui cu ka la ba khai nei.

ROMAN 8:29

Khanpughi naw a ghü ah chang gui cu, A hta ah mäih ah ami kyak vai ah m’cha ne m’hnüt ne om sak gui ci. A hta cu ng’phäi nau gui akda ung, ang vai pi ah a kyak vai ah hmawk ah cun ah a ciah kyak ci.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MATTHE 12:50

Khankho ah om ciah Kapa Khanpughi ah ang yak hlü ah bik ciah chang phung cu, kei ah phäi, kei ah nau, kei ah be, kei ah nu ah kyak ci nei,” cine m’thein gui ci.

MIKHAH 6:14

Nami ei ung phi kä nami phü khai, akcang ah nami cawi lä khai. Nami khawh nami m’kawn khai, cun ung phi kä nami phiawn püi khai. Nami phiawn püi ung phi ng’tuk nak ung kei naw ka m’di khai.

JEREMIAH 31:1

Bawipa naw pyen ci, “Kei cu Israel Pakhui avan ah Khanpughi ah ka kyak nak la ngami cu kei ah Chang ah ami kyak nak vai ah akhin cu gawk lawk ci nei.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

2 SHONTÄP NAK 30:7

Ami Khanpughi, Bawipa ung kä bekhüt ciah nami pupa gui la nami Israel chang paw gui ah mäih ah kä nami kyak vai. Nami hmuh ah mäih ah ngami cu ani naw aknui ah m’kyuk gui ci.

1 GHANGPUGHANG GUI 14:16

Bawipa naw Israel cu nawng khai, a i ah kyasei ci ung Jeroboam naw katnak bi ne Israel chang gui katnak ung a hteh püi ah hmawk ah kyak ci.

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

MIKHAH 5:7

Pawih ba ciah Israel chang gui cu khui päng ah phäh ah Bawipa ah tüih law ah thai ba ciah khüi ah mäih ah a ghing gui ah khan ah kia lawk ciah khaw goh ah mäih ah kyak khai gui.

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

SAM 67:3

O Khanpughi, chang gui naw ning m’taam u sä; chang van naw ning m’taam u sä!

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

EZEKIEL 34:16

Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

ZEKHARIAH 10:6

“Kei naw Judah chang gui cu, Ka khüi ghaat sak gui khai; Israel chang gui cu ka gung gui khai. Ngami cu ka k’dük gui khai, Ami van ami im ah ka law püi ba gui khai. Ngami cu kei naw kä ka hnungtuk püi man ah mäih ah kyak khai gui. Kei cu Bawipa ami Khanpughi ah ka kyak ci; Ami taigü cu ka m’shang gui khai.