MIKHAH 5:13 - Cho Bible Common Language 2016

¹³ Agup gui la lungsüm theing gui avan ka m’di khai, nami mät ah pyan nami khawihnah vai a i kä om ba khai.

MIKHAH 5:13 Referans Kwoze

EZEKIEL 6:9

acu ah ngami cu omktu ah kya ne om khai gui. A cu ah ngami naw kei cu na shüm khai gui, kei naw m’kyuk gui ne ka thüisei sak gui ciah ngami naw hmat khai gui, a i ah kyasei ci ung ngami ah kä bekhüt ciah m’lung naw kei cu na nawng ne, ngami naw kei ah ta agup ami m’hni pi ah phäh ah kyak ci nei. Ngami cu akshekha, a cheishoh ami bi ah phäh ah ami mät naw amät shemshai lawk khai gui nei.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

ZEKHARIAH 13:2

Cun ah khin ung kei naw khaw ung agup gui avan cu ka k’heng yawp khai, ngami cu a u naw phi kä shüm ba gui khai. Prophet ah kyak ciah pyen ci gui la agup khawihnah nak hlü gui cu kei naw ka k’täm khai.

HOSEA 14:8

Israel chang gui naw a i a gup phi kä bilo ba khai gui. Kei naw ami taigü m’shang gui ne ka m’hteihtang gui khai. Angtäi sei ching ciah sing ah mäih ah kei naw ka ng’hniim gui khai. Kei cu ngami phyuhtheh nak ah aphung ah ka kyak ci.”

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

EZEKIEL 37:23

Ngami naw ami mät shemshai ciah agup gui awn kä lelawi ba sak khai gui, ami katnak awn ami mät ka m’shet ba khai gui. Kei naw ngami cu ami katnak lam gui la kei ami na katnak avan ungka kei naw ka m’hlawt gui khai. Kei naw ka theingthap sak gui khai: ngami cu kei ah chang ah kyak khai gui kei cu ngami ah Khanpughi ah ka kyak khai.

ISAIAH 2:8

Ami khaw cu a gup gui awn be ci, ngami naw ami mät ah kut awn ami pyan cu khawihnah ci gui.

THU PHLAAN 9:20

Cun ah lei ung kä si tu ne k’pawih ba ciah chang gui cu, ami katnak ung kä ng’yu ba ci gui. Khawshe gui la ghui ni, kyei ni, lung ni, sing ni awn ami mät naw ami pyan ah, kä hmu thei ci, kä ng’ya thei ci, kä hteit thei ciah a gup gui cu khawihnah lä ci gui.

SUKI GUI 18:17

Taigü gui cu gakap phia chuk awn a täng ah m’kawt pei ung ami ng’düih yah ung Sübük chang hma cu im kyong ah k’täih ne law u ne, sing at ne ngui awn vook ne pyan ah a gup la a hei a gup gui, la khingyih cu lak ci gui.

HOSEA 10:2

Amlung kyong kä düng cisah chang gui cu, atuhbäi ami kat nak ah phäh ah yaica ci gui. Khanpughi naw ami sonkyang gui m’shet pe gui ne, theingcim ciah ami lungtung gui m’di pe gui khai.

NAHUM 1:14

Shin cu Assirian gui ah khan ah Bawipa naw Am khoicha nak ah kyak ci: “Ngami ung ami ming thung khai ah htangshon kä om ba khai. Ami Taigüim ung ami khanpughi ah a gup gui cu ka m’di yawp khai. Kei naw Assirian gui ah ng’ciim hmun ka piang ci — ngami ami ghin ba vai kä khin ci!”

ZEPHANIAH 1:4

“Jerusalem ung chang gui la Judah avan ung chang gui phi ka m’kyuk gui khai. Ak hnu ah Baala khawihnah ci gui ka m’di gui khai, acun ung bii bik ciah khaw taigü gui cu a u naw kä shüm ba gui khai.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

EZEKIEL 16:41

Ngami naw name im gui cu ning m’khih pek khai gui, ami ning m’kyuk nak cu hnumi bum gui am teng sak khai gui, Kei naw na pletbeng nak cu ning düm sak ne, na m’hni gui am letsawng na pek cu ka ng’düm sak khai.